[tlhIngan Hol] DISjajwIj wa'maH SochDIch

[Daniel Dadap]

DISjajraj bolopu'mo' SaHoy'. DISvam qImroq tuj qaS tlhoghmaj DISjaj wa'maHDIch. malopmeH vogh maleng qorDu'maj naQ (cha' puqpu' Qup DIghaj) 'e' wInab 'ach wej wInabchu'ta'. 'ach malopchu' 'e' wInabbej.

matlhoghchuqpu'DI', malengqu'pu'. chan wIghoSpu', chan wIghoSqa'pu', chan wIghoSqa'taH, 'ej SIbI'Ha' leng'a'maj mung wIcheghta'. Dunbej leng. reH batlh wIqawtaH. 'ej reH 'Ipmaj quv wIqawtaH je.

wa'maH ben malengqu'taHvIS parmaqqay chang'eng wIqIHpu'. tIgh Daj lupabtaH. Hoch DIS, tlhoghchuqqa'. vabDot juppu' qorDu' je rIt. loQ Ho'DoSraj rur, 'ach ngajchu' mabchaj. nI'ba' vaghmaH DIS. cha'maH Hut DISmo' SoH qan law' jIH qan puS. 'ach vaghmaH nem jIyIntaH'a'? SovlaHbe' vay'.

Dajbej Ho'DoSraj, 'a tlhogh tobbe'law'. qaStaHvIS vaghmaH DIS taHlaHchugh tlhogh, vaj ram je wa'vatlh DIS 'e' vIHar.

wa'maH DIS SIQchu'mo' tlhoghmaj reH taHlaHtaH 'e' vIHarbej. chaq jImuj, 'ach jIjeQ. rut maghoH, 'a rut yIHmey ghom Hoch. quqtaHvIS maQochlaH 'ej mavuvchuqlaH. meqvammo' HoSbej tlhoghmaj 'ej not malay'Ha'laH 'e' wIHar.

> On Mar 4, 2019, at 11:24, Will Martin <willmartin2 at mac.com> wrote:
> 
> wa’Hu’ ‘oH DISjajwIj wa'maH SochDIch.
> 
> roD Sawlu'DI’ lay’lu’: <<jIHeghpa’ qoj bIHeghpa’ qamejQo’.>>
> 
> jaS jIlay’: <<qaStaHvIS vaghmaH DIS qamejQo’. ghIq malay’qa’laH.>> “50 years, with option to renew.”
> 
> qatlh? poH wIvuSmo’, batlh maQorghchuqnIS. batlhHa’ mavangchugh, chaq malay’qa’Qo’. “It keeps us on good behavior.”
> 
> ratlh wejmaH wej DIS. ghIq mawuq. javmaH loS ben jIbogh. HutmaH Soch ben jIboghDI’, chaq jISawHa’. QaQnIStaH be’nalwI’. jIQaQnIStaH jIH je.
> 
> charghwI’ vaghnerya’ngan
> 
> rInpa’ bomnIS be’’a’ pI’.
> 
> 
> 
> 
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20190304/3b808528/attachment-0016.htm>