<html><head><meta http-equiv="content-type" content="text/html; charset=utf-8"></head><body dir="auto"><div dir="ltr"><span></span></div><div dir="ltr"><div dir="ltr"></div><div dir="ltr">DISjajraj bolopu'mo' SaHoy'. DISvam qImroq tuj qaS tlhoghmaj DISjaj wa'maHDIch. malopmeH vogh maleng qorDu'maj naQ (cha' puqpu' Qup DIghaj) 'e' wInab 'ach wej wInabchu'ta'. 'ach malopchu' 'e' wInabbej.</div><div dir="ltr"><br></div><div dir="ltr">matlhoghchuqpu'DI', malengqu'pu'. chan wIghoSpu', chan wIghoSqa'pu', chan wIghoSqa'taH, 'ej SIbI'Ha' leng'a'maj mung wIcheghta'. Dunbej leng. reH batlh wIqawtaH. 'ej reH 'Ipmaj quv wIqawtaH je.</div><div dir="ltr"><br></div><div dir="ltr">wa'maH ben malengqu'taHvIS parmaqqay chang'eng wIqIHpu'. tIgh Daj lupabtaH. Hoch DIS, tlhoghchuqqa'. vabDot juppu' qorDu' je rIt. loQ Ho'DoSraj rur, 'ach ngajchu' mabchaj. nI'ba' vaghmaH DIS. cha'maH Hut DISmo' SoH qan law' jIH qan puS. 'ach vaghmaH nem jIyIntaH'a'? SovlaHbe' vay'.</div><div dir="ltr"><br></div><div dir="ltr">Dajbej Ho'DoSraj, 'a tlhogh tobbe'law'. qaStaHvIS vaghmaH DIS taHlaHchugh tlhogh, vaj ram je wa'vatlh DIS 'e' vIHar.</div><div dir="ltr"><br></div><div dir="ltr">wa'maH DIS SIQchu'mo' tlhoghmaj reH taHlaHtaH 'e' vIHarbej. chaq jImuj, 'ach jIjeQ. rut maghoH, 'a rut yIHmey ghom Hoch. quqtaHvIS maQochlaH 'ej mavuvchuqlaH. meqvammo' HoSbej tlhoghmaj 'ej not malay'Ha'laH 'e' wIHar.</div><div dir="ltr"><br>On Mar 4, 2019, at 11:24, Will Martin <<a href="mailto:willmartin2@mac.com">willmartin2@mac.com</a>> wrote:<br><br></div><blockquote type="cite"><div dir="ltr"><meta http-equiv="Content-Type" content="text/html; charset=utf-8"><div class="">wa’Hu’ ‘oH DISjajwIj wa'maH SochDIch.</div><div class=""><br class=""></div><div class="">roD Sawlu'DI’ lay’lu’: <<jIHeghpa’ qoj bIHeghpa’ qamejQo’.>></div><div class=""><br class=""></div><div class="">jaS jIlay’: <<qaStaHvIS vaghmaH DIS qamejQo’. ghIq malay’qa’laH.>> “50 years, with option to renew.”</div><div class=""><br class=""></div><div class="">qatlh? poH wIvuSmo’, batlh maQorghchuqnIS. batlhHa’ mavangchugh, chaq malay’qa’Qo’. “It keeps us on good behavior.”</div><div class=""><br class=""></div><div class="">ratlh wejmaH wej DIS. ghIq mawuq. javmaH loS ben jIbogh. HutmaH Soch ben jIboghDI’, chaq jISawHa’. QaQnIStaH be’nalwI’. jIQaQnIStaH jIH je.</div><br class=""><div class="">
<div dir="auto" style="word-wrap: break-word; -webkit-nbsp-mode: space; line-break: after-white-space;" class=""><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;">charghwI’ vaghnerya’ngan<br class=""><br class="">rInpa’ bomnIS be’’a’ pI’.</div><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;" class=""><br class=""></div><br class="Apple-interchange-newline"></div><br class="Apple-interchange-newline">
</div>
<br class=""></div></blockquote><blockquote type="cite"><div dir="ltr"><span>_______________________________________________</span><br><span>tlhIngan-Hol mailing list</span><br><span><a href="mailto:tlhIngan-Hol@lists.kli.org">tlhIngan-Hol@lists.kli.org</a></span><br><span><a href="http://lists.kli.org/listinfo.cgi/tlhingan-hol-kli.org">http://lists.kli.org/listinfo.cgi/tlhingan-hol-kli.org</a></span><br></div></blockquote></div></body></html>