[tlhIngan Hol] qo' wa'DIch qay'choHghachHomwIjmey

[Will Martin]

1. qen maghoH be’nal-puqloD jIH je. qatlh maghoH?

*Charlottesville* wIDab. *Lee* Hew jotlh vengwIj ‘e’ nabta’mo’ naDev morgh *Nazi*pu’. ral. be’ HoH.

toH, Qochbe’law’ be’nal-puqloD *Nazi*pu’ je. qunmo’ potlhchu’ *Lee* ‘ej ratlhnIS Hew ‘e’ Har.

be’nal-puqloD vija’. jIjatlh. <<not *Charlottesville* Dabpu' *Lee*. not naDev HaDpu'. not naDev Suvpu'. not naDev Suchpu'. naDev Hew lannISbe’lu’. *racist* ghaH naDev Hewvam lanbogh nuv’e’.>>

muja’. jatlh. <<-I didn’t give him time to express the verb before {-bogh} *liberal*pu’vetlhvo’ wa' SoH…>>

jIQam. juHwIjDaq ghaH. quSwIjDaq ba’. SojwIj Soppu’. jIjatlh. <<chovuvnIS. chovuvHa’law’lI’.>>

jatlh. <<chaq jImejnIS.>> Qam. mej.

jIQeHtaH.

2. puH-DujwIj QIHlu’. ‘orwI’ retlhDaq neSlo’ Qaw’lu'pu’. baS SIrghmeymo' HuS HochHom neSlo’ ‘ay’mey. puHDaq ‘op ‘ay’mey tu’lu'.

tlhop QorwaghDaq bIQ teqwI’ bIngDaq nav lan jIlwI’. ghItlh. jatlh:

<<puH-DujlIj qIppu’bogh nuv’e’ vIbejpu’. <61 VTAIL> per puH-Dujvam.>>

pervam vIyaj. <V> rur chal-Duj le’ tlhuQ. <Bonanza> perlu’. DIS 1961 ghaytan chal-Dujvam chenmoHlu’.

jIQeHtaH.

3. SIS. bIr. qaStaHvIS DungluQ ‘engmeymo’ Hurgh.

jI’IttaH.

4. qoro’na navtImmo’ jIvangDI’ vIvuSlu’. jIropbe’. qoro'na navtIm vIghajbe’, ‘ach vISuqbe’meH pIj jIvangbe’nIS.

jI’IttaH.

jIQeHtaH ‘ej jI’IttaH ‘e’ vImaSbe’bej. vaj jIHagh vIneH. vaj qaStaHvIS repmey, jIqIDmeH bom vImugh. pupbe’ ‘e’ vISov, ‘ach jISaHbe’. Haghlu’chugh, yap.

‘ach naDev pabmo’ ghoHlu’ ‘e’ maSlu’law’. Haghqanglu’be’.

jISaHbe’. jIHagh jIH. yap.


charghwI’ vaghnerya’ngan

rInpa’ bomnIS be’’a’ pI’.




-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20211102/242814d2/attachment-0015.htm>