
<html><head><meta http-equiv="Content-Type" content="text/html; charset=utf-8"></head><body style="word-wrap: break-word; -webkit-nbsp-mode: space; line-break: after-white-space;" class="">1. qen maghoH be’nal-puqloD jIH je. qatlh maghoH?<div class=""><br class=""></div><div class="">*Charlottesville* wIDab. *Lee* Hew jotlh vengwIj ‘e’ nabta’mo’ naDev morgh *Nazi*pu’. ral. be’ HoH.</div><div class=""><br class=""></div><div class="">toH, Qochbe’law’ be’nal-puqloD *Nazi*pu’ je. qunmo’ potlhchu’ *Lee* ‘ej ratlhnIS Hew ‘e’ Har.</div><div class=""><br class=""></div><div class="">be’nal-puqloD vija’. jIjatlh. <<not *Charlottesville* Dabpu' *Lee*. not naDev HaDpu'. not naDev Suvpu'. not naDev Suchpu'. naDev Hew lannISbe’lu’. *racist* ghaH naDev Hewvam lanbogh nuv’e’.>></div><div class=""><br class=""></div><div class="">muja’. jatlh. <<-I didn’t give him time to express the verb before {-bogh} *liberal*pu’vetlhvo’ wa' SoH…>></div><div class=""><br class=""></div><div class="">jIQam. juHwIjDaq ghaH. quSwIjDaq ba’. SojwIj Soppu’. jIjatlh. <<chovuvnIS. chovuvHa’law’lI’.>></div><div class=""><br class=""></div><div class="">jatlh. <<chaq jImejnIS.>> Qam. mej.</div><div class=""><br class=""></div><div class="">jIQeHtaH.</div><div class=""><br class=""></div><div class="">2. puH-DujwIj QIHlu’. ‘orwI’ retlhDaq neSlo’ Qaw’lu'pu’. baS SIrghmeymo' HuS HochHom neSlo’ ‘ay’mey. puHDaq ‘op ‘ay’mey tu’lu'.</div><div class=""><br class=""></div><div class="">tlhop QorwaghDaq bIQ teqwI’ bIngDaq nav lan jIlwI’. ghItlh. jatlh:</div><div class=""><br class=""></div><div class=""><<puH-DujlIj qIppu’bogh nuv’e’ vIbejpu’. <61 VTAIL> per puH-Dujvam.>></div><div class=""><br class=""></div><div class="">pervam vIyaj. <V> rur chal-Duj le’ tlhuQ. <Bonanza> perlu’. DIS 1961 ghaytan chal-Dujvam chenmoHlu’.</div><div class=""><br class=""></div><div class="">jIQeHtaH.</div><div class=""><br class=""></div><div class="">3. SIS. bIr. qaStaHvIS DungluQ ‘engmeymo’ Hurgh.</div><div class=""><br class=""></div><div class="">jI’IttaH.</div><div class=""><br class=""></div><div class="">4. qoro’na navtImmo’ jIvangDI’ vIvuSlu’. jIropbe’. qoro'na navtIm vIghajbe’, ‘ach vISuqbe’meH pIj jIvangbe’nIS.</div><div class=""><br class=""></div><div class="">jI’IttaH.</div><div class=""><br class=""></div><div class="">jIQeHtaH ‘ej jI’IttaH ‘e’ vImaSbe’bej. vaj jIHagh vIneH. vaj qaStaHvIS repmey, jIqIDmeH bom vImugh. pupbe’ ‘e’ vISov, ‘ach jISaHbe’. Haghlu’chugh, yap.</div><div class=""><br class=""></div><div class="">‘ach naDev pabmo’ ghoHlu’ ‘e’ maSlu’law’. Haghqanglu’be’.</div><div class=""><br class=""></div><div class="">jISaHbe’. jIHagh jIH. yap.</div><br class=""><br class=""><div class="">

<div dir="auto" style="word-wrap: break-word; -webkit-nbsp-mode: space; line-break: after-white-space;" class=""><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;">charghwI’ vaghnerya’ngan<br class=""><br class="">rInpa’ bomnIS be’’a’ pI’.</div><div style="caret-color: rgb(0, 0, 0); color: rgb(0, 0, 0); font-family: Helvetica; font-size: 12px; font-style: normal; font-variant-caps: normal; font-weight: normal; letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none;" class=""><br class=""></div><br class="Apple-interchange-newline"></div><br class="Apple-interchange-newline">

</div>

<br class=""></body></html>