qo'vetlh chIm DechtaHvIS choS, pIgh tIQDaq QIt vIHchoH mop qIj.. mopvam tuQtaH vay' 'ej Human ghaHbe' vay'vetlh'e'; mopvetlh tuQtaH porgh mojbogh rIntaH Hurghchu'ghach'e'. 'ach HoSvam Hurgh SIQlaHbe'mo' yav, QomchoH yuQ. ngaDHa'choH ghor 'ach 'Impey''a' qIjDaq choltaH QIb'a'vetlh. pa' pawta'DI' *Sith* joH, pepchoH ghopDu'Daj. jaghpu'Daj qawchoH 'ej wewchoH lurDu'Daj. HughDajvo' jatlhchoH ghogh Hurgh: jImobchoHDI' tulon, jIpujchoHDI' tuHIv.. tutormoHmeH tuSuvta' 'ej tuSangmeH tuHIvta'.. Sa'IghmoH ! tuQaw'chu'meH SunIDta' 'ach jIHvaD paw pIn'a'wI' 'ej ghopDu'rajvo' mutoD. reH tlhIHvaD jagh'a'na' jIH, reH jIHvaD tlhIHvaD je noH tu'lu' ! reH ! ..jatlhtaHvIS QIbvam, porghDaj DechtaH vI'laS qIj; ..jatlhtaHvIS QIbvam reghtaH naghmey; ..jatlhtaHvIS QIbvam chalvo' ghay qul. *jedi*vaD not boqwI' vImoj. not ! jatlh.. reH, mInDu'wIj 'emDaq tlhIHvaD meQtaH qul qIj.. SumeQjaj.. qunnoH jan puqloD