cha’ puchpa’ ghaj juHwIj. nonmo’ rav chenqa’moHlu’meH wa’ puchpa’ Qaw’lu’pu’. wa’Hu’ tagh Qu’vam. jav Hogh poQ Qu’vam ‘e’ noH chenmoHwI’. loj Hoch tlhoy’mey. loj DoQmIv. ratlh Say’moHmeH DoQmIv’a’ neH. puch teqlu’pu’ ‘ej Say’moHmeH DoQmIv’a’Daq puch lanlu’pu’. tIQ juHwIj. tera’ DIS wa’ Hut pagh Hut chenchoH. chenDI’ juHwIj, puchpa’ Hutlh. juH ‘emDaq puch qachHom tu’lu’pu’. DaH loj qachHomvam, ‘ach pa’ pIr lam. tera’ DIS wa’ Hut wej vagh ‘ImSIng chellu’ ‘ej taw lam letmoHlu’chu’. [They paved the road.] DaH loQ lujchoH ‘ImSIng. juHvo’ ‘ImSIng’a’Daq qatlhDa’ vIqa’nISmoH. taw vIQaw’nIS. ghIq taw yor vIqa’nISmoH. wagh. cha’netlh SochSaD vaghvatlh DeQ poQlu’ ‘e’ noHlu’. patlhlu’moHchugh qutlhchoHlaw’ puchpa’.