On Tue, 25 Jun 2019 at 18:40, mayqel qunen'oS <mihkoun@gmail.com> wrote:

mab'a' chu' vImughtaHvIS, mumer wa' ngoD.

paqvam muSmeH laH vIHarlaHbe'; laHvam luDellaHbe' mu'mey.

mIgh paqvam. Humanpu' muSba' ghItlhwI'Daj.

'IH paqvam 'ay'mey. {Sut vIHutlhtaHvIS chotuQmoHpu'; jIroptaHvIS choQorghpu'; bIghHa'Daq vIngaQmoHlu'taHvIS choSuchpu'...} {'ach, joH, ghorgh bIghungtaHvIS pISopmoHpu', ghorgh bI'ojtaHvIS pItlhutlhmoHpu'? 'ej ghorgh bIHujtaHvIS pIlajpu', ghorgh Sut DaHutlhtaHvIS pItuQmoHpu'? 'ej ghorgh bIroptaHvIS pagh bIghHa'Daq DangaQmoHlu'taHvIS pISuchpu'?} {jIvIt, Saja': loDnI'pu'wI' ramqu'vaD SuvangDI', jIHvaD Suvangpu'.} quv ghajbej SuvwI'vam. {tera'ngan qeylIS rur}, vabDot jatlh 'op.

ghe''or luDabbogh nuvpu' 'ej meQbogh jaltaHvIS ghItlhwI'Daj, ngagh'eghba'..

qaSbe'chugh ghu'vam, vaj paqvam QeH vIQIjlaHbe'.

..'ej jISIv, Qunqoqvammo', Daw'pu' wejmaH wej vatlhvI' *angel*pu'Daj Human Segh Hoch je. vaj pIch ghaj 'Iv ?

Daw'pu'chugh HochHom, vaj meq tu'nISlu'ba'..

ben puS lalDan lubopbogh mu'tlheghmeyvam Daqonpu': On Sat, 28 May 2016 at 16:35, mayqel qunenoS <mihkoun@gmail.com> wrote:

'op nuvvaD quvqu'bogh Doch tu'lu'.. chaH wa' 'oH lalDan'e'. for some people there are things which are sacred.. religion is one of them.

HochvaD Qu'vam nap tu'lu'bej ; latlhpu' lalDan yIvuv ! for all a simple obligation exists ; respect the religious beliefs of others !

teHtaH'a' mu'tlheghmeyvam? choHpu''a' vuDlIj? pagh lalDanlIj tlhIn DatIchlaH ('ej reH lalDanDaj tlhIn tIchlaH vay')? pagh {mIgh lalDan paq} jatlhlu'DI', lalDan tIchbe'lu', 'e' DaHar? (Hoch vIqawba'.) -- De'vID