tagha' ngab poymar, 'ej mu'IQmoH wanI'vam
tlhIngan Hol vIghojchoHpu'pa', tlhIngan texts vIleghtaHvIS, jIQub: < poymar Hol 'oH Holvam'e'. > pIqaD vIghojchoHpu'pa', pIqaD mu'tlheghmey vIleghtaHvIS, jIQub: < poymar script 'oH scriptvam'e'. > DaH tlhIngan texts vIleghtaHvIS, 'ej pIqaD mu'tlheghmey vIleghtaHvIS, pagh poymar vIjem.. DaH rapchoHpu' tlhIngan Hol 'elaDya' Hol DI'vI' Hol je. tlhIngan Hol vIlo'laHmo', jIQuchchu'. 'a qaStaHvIS DISmey, Do'Ha' tlhIngan Hol vIbItlhchoHlI'. 'ej tlhIngan Hol vIbItlhtaHvIS, ngablI' poymarDaj ~ Qa'yIn
Am 30.08.2020 um 10:04 schrieb mayqel qunen'oS:
tlhIngan Hol vIghojchoHpu'pa', tlhIngan texts vIleghtaHvIS,
texts = lutmey, mu'mey, ghItlhmey...
pIqaD vIghojchoHpu'pa', pIqaD mu'tlheghmey vIleghtaHvIS, jIQub: < poymar script 'oH scriptvam'e'. >
ghItlhmeH Ho'DoS
DaH rapchoHpu' tlhIngan Hol 'elaDya' Hol DI'vI' Hol je.
maj.
tlhIngan Hol vIlo'laHmo', jIQuchchu'. 'a qaStaHvIS DISmey, Do'Ha' tlhIngan Hol vIbItlhchoHlI'.
'ej tlhIngan Hol vIbItlhtaHvIS, ngablI' poymarDaj
chaq ngab poymar, 'ach qab'a' ghu'? ngoDvetlh DaDelbe'. De'chel, yIlIjQo': Hoch DIS mu'mey chu' DIHev, vaj pIj poymarHommey chu' lu'aghlu'. mu'mey law' DIHutlhmo', taHbej poymar 'e' vIQub. jIHvaD rInbe' tlhIngan Hol ghojmeH qaD. -- Lieven L. Litaer aka the "Klingon Teacher from Germany" http://www.tlhInganHol.com http://klingon.wiki/En/Hamletmachine
jIH:
tlhIngan Hol vIghojchoHpu'pa', tlhIngan texts vIleghtaHvIS, lieven: texts = lutmey, mu'mey, ghItlhmey...
QIn wa'DIch vIqontaHvIS, {ghItlh} DuH vIQubpu', 'a vay' vISovpu'be'; {ghItlh} mu' wIjatlhtaHvIS, paq wIDel pagh paqvam text wIDel. DuH lugh vISovpu'be'.. 'ej DaH choHpu'be'mo' ghu'vam, jIHvaD DuH lugh ngu'chugh vay', vaj jIQuchchoH. jIH:
pIqaD vIghojchoHpu'pa', pIqaD mu'tlheghmey vIleghtaHvIS, jIQub: < poymar script 'oH scriptvam'e'. > lieven: ghItlhmeH Ho'DoS
bIlugh, DoyIchlan jupwI' ! Ca'Non mu'vam vIlIjba'pu' ! (naDev tlhIngan qa'meH vIttlhegh Dap yIjal.. hahaha) lieven:
chaq ngab poymar, 'ach qab'a' ghu'? ngoDvetlh DaDelbe'.
ghobe', jupwI'; qabbe' ghu'vam. 'a loQ mu'IQmoH. wa'Hu', wa' meqmo' QIn wa'DIch vIqonpu', 'ej DaH meqmo' vIDel. wa'Hu', instagram vInaw'taHvIS, pa' sith code wallpaper vIleghpu'. galactic empire Degh 'aghpu' mIlloghvam, 'ej mIlloghvam bIngDaq sith code 'aghpu' je mIlloghvam. maj.. 'a pa' sith code qonlu'meH, star wars aurebesh ghItlhmeH Ho'DoS lo'lu'law'pu'. aurebesh ngutlhmey vIleghpu'DI', SIbI' jIQubpu': < ghuy', vIl ngutlhmeyvam ! > 'ej ghIq yabwIj chIqpu' wa' buSHach.. < chaq aurebesh vIQulnIS.. > 'a ngugh SIbI' jIHvaD jIjatlhpu': < nuqjatlh ? pIqaD DaSovmo', poymarDaj weSchu'pu' pIqaD. 'ej DaH aurebesh'e' wanI'vam rap DaSIQqangqa''a' ? > vaj yabwIjvo' buSHachvam vIghImpu', 'ej Do' poymarDaj pollaHpu' aurebesh. lieven:
jIHvaD rInbe' tlhIngan Hol ghojmeH qaD.
jIQochbe', tlhIngan loDnI'wI'; jIQochbe'chu'. < poymarDaj weSlI' tlhIngan Hol > jIjatlhpu', 'a Do' DalchoHbe'bej Holmaj. reH De' vIghojnISbogh vItu', 'ej vabDot wa' jaj Hoch vIghojpu'chugh, vaj tlhIngan Hol vIQejchu'mo', not Holvam vilo'be'choH. ~ Qa'yIn
participants (2)
-
Lieven L. Litaer -
mayqel qunen'oS