qaStaHvIS yIn, pIj Dochmey potlh DIwuq net poQ. ngugh, - pay' - maHDaq nargh Hoch qoHna'; chaq reH maHvaD qoHvam tu'lu'be', chaq 'Iw rap wIghaj maH ghaH je. chaq nuv wISovbe'bogh ghaH nuvvam'e'.. qIt Hoch 'a bej wa' Doch: qoHna' ghaH nuvvam'e'. 'ej DaH, chaq, mu'meyvam lulaDlu'taHchugh ghellu': qatlh nuvvetlhvaD qoH Dapong. 'a nom jIjanglaH.. motlh nuSaHbe' qoHvam, 'a maHvaD He wItlha'nISbogh Sov; 'e' meq. 'ej ghaHvaD bIjatlhchugh: bImuj vaj motlh qap qoHvam. 'ach qoHvetlh wIjuSjaj, 'ej ngoD potlh wIDeljaj.. yInmaj wISovchu' maH neH, qay'wI'maj DISovchu' maH neH. meqvammo', maHvaD mangoy' maH neH, 'ej pagh qoH DIqel net 'utmoH. Duj lurur yInmaj; 'ej DujvamDaq HoD maH. DaH peghel'egh; DujvaD ngoy' 'Iv. Hoch DujmeyDaq ngoy' HoD neH. 'ej DI'rujvammo', HIchDalvo' Hoch qoH wIpolHa' net 'utqu'moH. qunnoH jan puqloD ghoghwIj HablI'vo' vIngeHta'