nuqaDlaH yIn net Sov. nuqIplaH yIn net Sovbej.. 'ej pe'vIl nuqIptaHvIS San yu'eghmey, pIj maghel'eghtaH: qaDvam wItaHlaH'a' ? ngugh, cha' DuH tu'lu': DuH wa': HIja', majang. DuH cha': ghobe', majang. toH, tagha' SIvlu': nuq 'oH vIt'e' ? San wIqaDlaH'a' ? majang wIneHchugh vaj nap mu'tlhegh wIjatlhnISbogh. ngeD: mataHlaH 'e' wIHarchugh vaj malugh mataHlaHbe' 'e' wIHarchugh vaj malughqa'. wa' vIt 'ut wIyajnIS. tagha'Ha' wIyajnIS, 'ej ghIq wIlajnIS. nuSeH yabmaj. Sanmaj wuq yabmaj. meqvammo', majeQchugh vaj ngoQmey'e' HarlaHbe'bogh vay', DIchavlaH. noH taHlaH vay', porghDaj jeylaH vay', ta'meyvam neHchugh. qatlh ? reH, yab tlha'mo' porgh. Hochlogh, yab lobmo' porgh. meqvammo', Hon'eghbe'lu'chugh, vaj Qaplu'bej. qunnoH ghoghwIj HablI'vo' vIngeHta'