*acratopotes:* loD ghaHbogh Qun’e’. *wine* DuDlu’pu’be’bogh Qun. *agdistis:* *phrygia* Qun. be’ loD je DI’onmey ‘agh. *alexiares anicetus je:* *heracles* puqloD chaH. boghpu’ wa’, boghpu’ latlh; quqpu’ cha’ wanI’vam. veng lurachlu’pu’bogh, ra’bogh jem’IHmey je luHublu’; ghu’vam Qun chaH* alexiares*‘e’ *anicetus*‘e’ je. *aphroditus:* be’ loD je DI’onmey ‘aghbogh *cyprus* *aphrodite*. *astraea:* be’ ghaHbogh Qun’e’. not vay’ ngaghpu’bogh Qun. ruv Qun. *auxesia damia je:* be’ chaHbogh Qun’e’. pIrlu’; ghu’vam Qunpu’. wa’ SepHomDaq/’op SepHomDaq Qunvam luquvmoHlu’pu’. *charites:* be’ chaHbogh Qun’e’. loy’lu’, ‘IHlu’, pIrlu’; ghu’meyvam Qunpu’. ‘umber, Human chenmoHmeH laH je Qun chaH je. pongmey: *aglaea* (‘IHlu’, vay’ ‘IHmoHlu’meH vay’vamDaq Doch ‘IH lulanlu’, Dojlu’chu’; Hochvam Qun. ngay’ Qun), *euphrosyne* (loplu’ ‘ej Quchlu’, Quchlu’, bellu’ ‘ej Haghlu’, QuchchuqmoHlu’meH qIDlu’; Hochvam Qun), *thalia* (lopmey Quch, Soj law’qu’ ‘uQ’a’mey, bel’a’ ‘uQ’a’mey je Qun), *hegemone* (pIn’a’ Dotlh), *antheia* (‘InSongmey, ‘IHmoHmeH ‘InSong ghomey je Qun), *pasithea* (leSlu’; ghu’vam Qun. leStaHghach Qun), *cleta* (ngay’), *phaenna* (bochwI’), *eudaimonia* (Quchbejghach), *euthymia* (Quch ‘ej bel qa’), *calleis* (‘IHlu’), *paidia* (reHlu’, Qujlu’, tIvlu’ ‘ej bellu’), *pandaisia* (Hoch nuvpu’ ‘uQ’a’), *pannychis* (ram poH Hoch; poHvam lop). *ceraon:* loD ghaHbogh bID-Qun’e’. nIQ, megh, ‘uQ je bID-Qun ghaH. *wine* DuDmeH mIw bID-Qun ghaHchu’. *chrysus:* qol’om qa’. *circe:* be’ ghaHbogh Qun-‘IDnar pIn’a”e’. *aeaea* Qun. *daemones ceramici:* ‘un chenmoHwI’vaD Sengbogh vagh qa’ mIgh. pongmey: *syntribos* (ghorchu’wI’; vay’ ghorchu’ ‘ej vay’vamvaD ‘ay’mey mojmoH), *smaragos* (ghorwI’; pe’vIl ghor), *asbetos* (meQwI’; vay’ meQ ‘ej HurDaj qIjmoH), *sabaktes* (Qaw’wI’), *omodamos* (charghwI’ qu’). -- Dana'an https://sacredtextsinklingon.wordpress.com/ Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ