‘op wen, yuQjIjQa’ HoD Sar vInuDtaHvIS, jIghItlh: pIqarD HoD jIvoqQo’; ‘ej ghIq jIghItlh, qIrq HoD *sisko* HoD je vIvoqQo’ je. ‘ej vuDwIj vItobtaHvIS, ‘ej HoDpu’ vorgh boptaHvIS mu’meywIj, jImeq.. QapmeH HoD, bIvnISlaH. ‘a reH *prime directive* ‘emDaq So’ pIqard. wa’ Doch neH qaSmoHlaH: Dargh tlhutlhlaH. ‘ej jIQochbe’.. Dochvam qaSmoHlaHchu’. maw’ba’ qIrq, ‘ej *sisko*’e’.. ‘o *sisko*, *sisko*.. HoD SoH ‘e’ DaHarchu’’a’ ? Duj ‘ornISlaH HoD, qar’a’ ? ‘a *sisko*, nuq Da’or ? logh Hop Hut tengchaH ? nuqDaq jaH tengchaHvam ? wa’ Doch neH qaSmoHlaH *sisko*; public relations. ‘ej qabbe’ ! ghobe’, qabbe'.. ‘a public relations neH DaqaSmoHlaHchugh, vaj SoHvaD HoD DapongQo’.. maj. ‘op wen, QInvetlh wa'DIch vIghItlhtaHvIs, jIjatlh: meq law’mo’, HoD povchu’ ghaH *janeway*'e' neH. ‘a DaH, meqmeyvam vIghItlhqa’be’. vaj, qatlh QInvam vighItlh ? qen, star trek discovery trailer vIbej. ‘ej yuQjIjQa’ cha’ HoD vItu’. SIbI’ jIbelchoHHa’. janeway HoD rurlaHbe’ba’ HoDpu’vam. janeway DaleghDI’, SIbI’ ghaH lubopbogh Doch law’’e’ DatlhojlaH. nom wuqlaH janeway, HoSna’ ghaj janeway, wIHchoHlaH janeway, naHchoHlaH janeway.. DI'onmeyvammo', nIteb, jogh naQ jeylaH janeway. ‘a wa’ ‘oH janeway bopbogh ngoD potlhchu’’e’: not, not, not bup ! ‘ej meqvammo', beqDaj toDmeH Hoch qaSqangmoH, vabDot yInDaj jegh. Do’Ha’, janeway HoD rurlaHbe’ star trek HoDpu’.. pagh chaH ! ghe’’orDaq janeway HoD vItlha’qang. latlh HoDpu’’e’ ? pagh DaqDaq chaH vItlha’qang.. qunnoq