SuStel:
muSeymoHbe' 'elaDya' Qunmey. SIqenDInavya' Qunmey Daj law' 'elaDya' Qunmey Daj puS.
qay'be', jupwI'. DajmeH ghu', rut maQochnIS. reH maQochbe'chugh, Dal, qar'a'? pImchu' 'elaDya' SIqenDInavya' je Qunpu' 'e' vIHar. vaj cha' Qun ghomvam vIpatlhmoHlaHbe'. 'ej wa' ngoD potlhmo' pImchu' 'elaDya' SIqenDInavya' je Qunpu': pImchu'mo' 'elaDya' Sep SIqenDInavya' Sep je, pImchu' 'elaDya' SIqenDInavya' je Qunpu'. Sep Hurgh 'oH SIqenDInavya''e'; qaStaHvIS DIS HochHom, pa' pIjHa' jul lulegh nuv, *pIjqu' peD, 'ej bIrqu'. 'a tamghay' vItlh Sep 'oH 'elaDya''e'; qaStaHvIS DIS HochHom, naDev jul luSo'be' 'eng. pIjHa' SIS, 'ej *pIjHa'qu' bIrqu'. 'elaDya' SIqenDInavya' je DI'onmeyvammo' pImchu' Qunpu'chaj. Hurgh SIqenDInavya' Qunpu', 'a tamghay'na' luchIwchu' 'elaDya' Qun: 'IHchu' 'elaDya' Qunpu', nongchu', muSHa'chu', 'ej pIj nga'chuq. 'a Hurgh SIqenDInavya' Qunpu', Hurgh je lutmeychaj, 'ej tlhoy 'IDnar bop lalDanchaj. teH, 'elaDya' tIQDaq 'IDnar tu'lu' je, 'ach 'IDnarvaD miasma (spiritual pollution) luDam nuv law'. pImchu' 'elaDya' Qunpu' SIqenDInavya' Qunpu' je. 'a jIwIvnISchugh, 'elaDya' Qunpu' vIwIvba'. SIqenDInavya' Qunpu' vIvuvchu', 'a QunwI' chaH 'elaDya' Qun'e', 'ej chaHmo' jIHem. ~ Dana'an