chalvo' ghIr jul, vaj pa' qoDDaq narghchoH QIbmey.. pa', *sith* pIn'a' ghojwI' je chaHtaH; Dop Hurgh Dalajqangchu''a' ? ghel pIn'a'. tam ghojwI'; ngugh tIqDaj nuDtaH 'ej wa' vItna' Sovbej: pIn'a'Daj mu'mey lajchugh vaj ghaHvaD not Salqa' jul; ghaHvaD not Dor ram'a'. 'oy'choH tIqDaj, 'oy'choH je qa'Daj. chay' Hurghchu'ghach lajlaHchu' vay' ? chay' qa'DajvaD ram'a' tuQmoHlaH vay' ? 'a, ngugh, vIt qawqa'; vItvammo', *sith* pIn'a' ghojwI' mojta'. not QaH Dop wov; not toD Dop wov. reH, chutmeyDajmo' bech, vaj ghaHvaD reH bep 'oH Dop wov'e'. vaj, *sith* pIn'a' tlhopDaq ghaHtaHvIS, ravDaq tor 'ej jatlh: DaH paQDI'norghlIj vIlajchu' rIntaH, 'ej QIt lurDu'Daj SuDchoH. qa'Daj tebchoHchu' Dop Hurgh. ghIq, jang pIn'a'; pov.. pov.. vaj, DaH 'ej Hochlogh SoHvaD ponglu'.. (loQ yev..), 'ej ghIq taH: darth vader.. ~ nI'ghma