naDev maHtaHmo', tlhIngan Hol wImuSHa'ba'. 'a meqmey pImmo', tlhIngan Hol muSHa' Hoch nuv. pa'logh, jIjatlh: ngutlh tInmo', tlhIngan Hol vImuSHa'. 'a latlh meq tu'lu'.. DIvI' Hol 'elaDya' Hol joq lulo'lu'taHvIS, vay' jatlhlu'meH mu'tlhegh tIq lulo'nISlu'. 'ej meq le'mo' qaStaH. DIvI' Hol 'elaDya' Hol joq lujatlhlu'taHvIS, mu' Sar lulo'nISlu'; "if, when, in, at, because, for, in order to.." Hoch mu'meyvam lulo'nISlu', vaj tagha' tIqqu'choH mu'tlheghmey. 'a mu'meyvam 'oSmeH tlhIngan Hol, moHaq mojaq je lo'mo', tIqchoHbe' mu'tlheghmey. vaj tlhIngan Hol wIlo'taHvIS, Doch rap wIjatlh wIneH net jalchugh, vaj wa' mu'tlhegh wIjatlhnIS; 'ej tlhIngan mu'tlheghvam tIqbe' law' DIvI' Hol 'elaDya' Hol qoj mu'tlhegh tIqbe' puS. 'ej latlh meqvammo', tlhIngan Hol vImuSHa'. ~ nI'ghma