[tlhIngan Hol] Norse gods - a rebuttal

[SuStel]

muSeymoHbe' 'elaDya' Qunmey. SIqenDInavya' Qunmey Daj law' 'elaDya' 
Qunmey Daj puS.

------------------------------------------------------------------------

/Aegir:/ Ran loDnal. motlh tlhejchuq chaH. vaS 'oq wovmoHbogh qol'om 
boch luDab. pa' bIQ'a'Daq Heghpu'bogh qa'pu' ma'. SIr'o' 'oH nuHchaj'e', 
Deghchaj'e' je. motlh HochvaD QaQ.

/Balder:/ Odin puqloD cha'DIch. 'alghuQ ghaHbe'; Frigg ghaH SoSDaj'e'. 
HojnIy 'IH 'oH tu'qomDaj'e', 'ej porghDaj teb tamghay. Nanna loDnal 
ghaH, 'ej Forseti ghaH puqloDchaj'e'.

/Bragi: Q/un'e' ghaH vIDHa' law' Hoch vIDHa' puS. chaq jubbe'wI' 
ghaHpu', ghIq Qun patlhmey gheSpu'. Idun ghaH be'nalDaj'e'.

/Forseti:/ Balder, Nanna je puqloD. DeghDaj neH 'oH 'obmaQ'e'; ghaHvaD 
'obmaQ 'anmoHlu'be'.

/Frey:/ Nord puqloD, Freya loDnI', Gerd loDnal. HoS tu'qomDaj 'ej 'IH, 
'ach motlh let HewDaj 'InSep 'ej parmaq lubop tayDaj. /Horse /'oH 
DeghDaj'e', 'ej ghaHvaD /horse/ 'anmoH 'e' maS. chIrghmeyDajDaq nuH 
lutuchlu'. Qat Qunvam, 'ej ghaH luquvmoH ghot law'.

/Freya:/ Frey be'nI'. parmaq Qun'e' ghaH potlh law' Hoch potlh puS. 
/Seidhr/ 'IDnar lo'lu' 'e' chaw'. pIj bo'Degh tu'qom tuQ 'ej MidgardDaq 
leng. DoylI' lIgh 'ej luHoq vIghro'mey 'e' lucha' lalDan tlhach vIqraq.

-- 
SuStel
http://trimboli.name
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20210901/57463a33/attachment-0001.htm>