<html>

  <head>

    <meta http-equiv="content-type" content="text/html; charset=UTF-8">

  </head>

  <body>

    <p>muSeymoHbe' 'elaDya' Qunmey. SIqenDInavya' Qunmey Daj law'

      'elaDya' Qunmey Daj puS.</p>

    <hr>

    <p><i>Aegir:</i> Ran loDnal. motlh tlhejchuq chaH. vaS 'oq

      wovmoHbogh qol'om boch luDab. pa' bIQ'a'Daq Heghpu'bogh qa'pu'

      ma'. SIr'o' 'oH nuHchaj'e', Deghchaj'e' je. motlh HochvaD QaQ.</p>

    <p><i>Balder:</i> Odin puqloD cha'DIch. 'alghuQ ghaHbe'; Frigg ghaH

      SoSDaj'e'. HojnIy 'IH 'oH tu'qomDaj'e', 'ej porghDaj teb tamghay.

      Nanna loDnal ghaH, 'ej Forseti ghaH puqloDchaj'e'.</p>

    <p><i>Bragi: Q</i>un'e' ghaH vIDHa' law' Hoch vIDHa' puS. chaq

      jubbe'wI' ghaHpu', ghIq Qun patlhmey gheSpu'. Idun ghaH

      be'nalDaj'e'.</p>

    <p><i>Forseti:</i> Balder, Nanna je puqloD. DeghDaj neH 'oH

      'obmaQ'e'; ghaHvaD 'obmaQ 'anmoHlu'be'.</p>

    <p><i>Frey:</i> Nord puqloD, Freya loDnI', Gerd loDnal. HoS

      tu'qomDaj 'ej 'IH, 'ach motlh let HewDaj 'InSep 'ej parmaq lubop

      tayDaj. <i>Horse </i>'oH DeghDaj'e', 'ej ghaHvaD <i>horse</i>

      'anmoH 'e' maS. chIrghmeyDajDaq nuH lutuchlu'. Qat Qunvam, 'ej

      ghaH luquvmoH ghot law'.</p>

    <p><i>Freya:</i> Frey be'nI'. parmaq Qun'e' ghaH potlh law' Hoch

      potlh puS. <i>Seidhr</i> 'IDnar lo'lu' 'e' chaw'. pIj bo'Degh

      tu'qom tuQ 'ej MidgardDaq leng. DoylI' lIgh 'ej luHoq vIghro'mey

      'e' lucha' lalDan tlhach vIqraq.</p>

    <pre class="moz-signature" cols="72">-- 

SuStel

<a class="moz-txt-link-freetext" href="http://trimboli.name">http://trimboli.name</a></pre>

  </body>

</html>