[tlhIngan Hol] mu'mey chu' lutHom.

Lieven L. Litaer levinius at gmx.de
Thu Nov 14 13:49:53 PST 2019


At qepHom 2019, Maltz has revealed some new words, and answered some
questions. Here's a short story using the new words. Grammatical answers
follow in a separate mail.

qaStaHvIS qImroq tuj nuSuchta' matlh. Dochmey DIleghbogh Delta'. mu'mey
chu' vIlo'mo', jIlaqlaw', 'ach laqlaq bIHbe'bej mu'meyvetlh. juHmaj Sep
wIlengtaHvIS, SIntlher 'angweD wISuch. loqbogh Ha'DIbaH tIQ 'oH
SIntlher'e', 'ej roD tInqu' bIH. loQ 'evta' tInqu' rur, chaq lung rur.
ben law' bIH Qaw'mo' chunDab, taHbe' Ha'DIbaHvetlh tIQ. vaj loq bIH net
jatlh.

SIntlher cha'meH cha' mIw lutu'lu': Ha'DIbaH tlhut tu'lu'. bIH 'aghmeH,
DIrDaj tlhutmoHlu' vaj tu'qomDaj leghlaH vay'. porgh qal'aq neH ghaj
velqa'mey' 'op. Hom qal'aqvaD nobmeD ponglu'. DughrI' 'oH nach Hom pong'e'.

'ach pa' SIntlher velqa'mey neH lutu'lu'be'; 'an'ormey law'qu' lucha'lu'
je. mu'vetlh vIQIj je: nagh mojDI' Ha'DIbaH, vaj 'an 'oH 'ej 'an'or moj.
roD 'apbe' 'an'ormey, roD taw' bIH. Dochmeyvetlh tIQ HaD 'an'ortej.

ghIq pay'rIn wISuch. pa' qachmey tIQ qappammey lumolHa'lu'ta'. roSqa'mey
tu'lu' je. 'IHbe' Hoch qachmeyvam. Qaw'chu'lu' 'op, 'ej Dat naghmey
lutu'lu': way'ar rurqu'.

DorDI' lengmaj, DIS wISuch. 'ach DIS but 'oHbe'. DISvam lughaw Humanpu'.
ngoDvetlhmo' De'lormey lutu'lu'be'. roD DIS but ravvo' pumDI' bIQ
'onroSmey, pa' bebDaq chen pa' beb De'lor, ravDaq chen rav De'lor.

--
Lieven L. Litaer
aka the "Klingon Teacher from Germany"
http://www.klingonisch.de
http://www.klingonwiki.net/En/NewWordsQepHom2019


More information about the tlhIngan-Hol mailing list