[tlhIngan Hol] HoS'a' Dop Hurgh

mayqel qunenoS mihkoun at gmail.com
Sun Jan 14 06:40:09 PST 2018


mIwHom loS: Dop wovDaq chegh *jedi*, 'ej tob'eghmeH ta' QaQ tur.

loQ, *jedi* qalmoHchugh Dop Hurgh, vaj Dop wovDaq cheghlaH *jedi*vam; 'e'
Har *tolaris shim*. 'a -taH *shim*-, cheghmeH paQqu'nIS, 'ej *jedi*
paQDI'norgh HaDqu'nISqa'. ghIq, tob'eghqa'meH ta' QaQ turnIS.

'a, not ta'Daj mIgh lughmoHlaHchu' *dark jedi*, vaj -jatlh *shim*-,
*jedi*vamvaD qaSlaH wa' ghu' neH: toD'eghlaH *jedi*vam. 'a toD'eghlaHmeH
qaSnIS wanI' le': Sub ta' ta'nIS *jedi*vam, mutbe'bogh ta'.. 'ej ta'vam
ta'taHvIS, Dop Hurgh lo'be'nIS.

'ej ta'meyvam Sar ghantoHmey law' tu'lu', noybogh ghantoHmey..

puqloDDaj toDmeH *darth vader*, *palpatine* voDleH HoHta'.. *exar kun*
jeylu'meH boQ *ulic qel-droma*.. 'ej latlh ghantoHmey tu'lu'bej je.
ghantoHmey vorgh rurbogh ghantoHmey: latlh yIn toDlu'chugh qoj ta'meyDaj
qab lughmoHlu'meH vanglu'chugh, vaj toD'eghlaH vay'.

'a, pIj, 'op *dark jedi* toDlaHbe' vay'. toDlaHbe' vay' 'e' lulajQo'mo'
*dark jedi*vam. *jedi*pu'vam DelmeH *tolaris shim*, jatlh:

HoSmeyDaj lon *jedi*; neHbe'chugh *jedi*, vaj *jedi*vam toDlaHbe' vay'.

*shim* ngermey nuD *tionne solusar*. *anakin skywalker* *luke skywalker*
*kyp durron* je lut nuD *tionne solusar*. qalchoHchu' *jedi*vam, 'a ghIq
Dop Hurgh lulonta', vaj toD'eghlaw'ta'.. 'e' luHar lube'bogh latlh
*jedi*pu'. 'a Qochbe''a' *shim* ? *anakin* lururbogh *jedi*'e' nuDta'chugh
*shim*, yojDaj 'oH nuq'e' ? SIv *tionne solusar*.

*holorecording* chenmoHta' *tolaris shim*; vaj *holorecording*vamDaq
*jedi*pu' Deq lutmey lab *tionne solusar*, 'ej *holorecording* yoj (*shim*
yoj) tlhob.

'ej na' *tolaris shim* *holorecording* yoj: *jedi* SIghtaHvIS Dop Hurgh,
chunwI'pu' HoHchugh *jedi*vam, vaj *jedi*vam toDlaHchu' pagh.

~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180114/bf4ce984/attachment.html>


More information about the tlhIngan-Hol mailing list