[tlhIngan Hol] HoS'a' Dop Hurgh

mayqel qunenoS mihkoun at gmail.com
Wed Jan 3 05:31:33 PST 2018


'a DaH, maghel'eghnIS; HeghDI' wa' Dop Hurgh lo'wI', qaS nuq ? HeghDaj
lutlhej 'op wanI' le', vaj wanI'vam bIH nuq'e' ?

HeghDI' 'op Dop Hurgh lo'wI', jor, ej jortaHvIS, chen *blue*bogh HoS vItlh.

4 *aby*, *death star* cha'DIchDaq, Dop Hurgh lajchu'Qo'DI' *anakin
skywalker*, woj choHwI' 'och'a'Daq *darth sidious* vo'. ghIq Hegh
*sidious*; HeghtaHvIS jor 'ej 'och'a'Daq nargh HoS *blue*. 'ej jaSHa' qaS,
*Joruus c'baoth* DuQta'DI' *mara jade*.

'a qaS wanI' pIm, HeghDI' *darth nihilus* *jedi* Hurgh *jerec* je; jorbe'
chaH, 'a ngoSchu' porghmeychaj. qatlh jorbe' ? Sov pagh.

'ej latlh wanI'mey'e' QIjlaHbe'bogh vay' tu'lu'..

*shaak ti* mup *galen marek*, 'ej ghIq *sarlacc* tInqu' nujDaq *shaak ti*
vo'. HeghtaHvIS *shaak ti*, jor, 'ej nargh HoS *blue*. 'a Dop Hurgh lo'wI'
ghaHbe' *shaak ti*'e'; vaj qatlh qaS wanI'vam ? Sovbej pagh, 'a wa' nger
tu'lu': HoSghajqu' *shaak ti* net Sov. vaj, chaq, HeghDI' HoS'a' lo'wI'
HoSghaj, motlh jor, 'ej vaj potlhbe' HoS'a' Sar'e' lo'bogh.

~ nI'ghma
-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20180103/436ef7d4/attachment.html>


More information about the tlhIngan-Hol mailing list