<div dir="auto"><div dir="auto">'a DaH, maghel'eghnIS; HeghDI' wa' Dop Hurgh lo'wI', qaS nuq ? HeghDaj lutlhej 'op wanI' le', vaj wanI'vam bIH nuq'e' ?</div><div dir="auto"><br></div><div dir="auto">HeghDI' 'op Dop Hurgh lo'wI', jor, ej jortaHvIS, chen *blue*bogh HoS vItlh.</div><div dir="auto"><br></div><div dir="auto">4 *aby*, *death star* cha'DIchDaq, Dop Hurgh lajchu'Qo'DI' *anakin skywalker*, woj choHwI' 'och'a'Daq *darth sidious* vo'. ghIq Hegh *sidious*; HeghtaHvIS jor 'ej 'och'a'Daq nargh HoS *blue*. 'ej jaSHa' qaS, *Joruus c'baoth* DuQta'DI' *mara jade*.</div><div dir="auto"><br></div><div dir="auto">'a qaS wanI' pIm, HeghDI' *darth nihilus* *jedi* Hurgh *jerec* je; jorbe' chaH, 'a ngoSchu' porghmeychaj. qatlh jorbe' ? Sov pagh.</div><div dir="auto"><br></div><div dir="auto">'ej latlh wanI'mey'e' QIjlaHbe'bogh vay' tu'lu'..</div><div dir="auto"><br></div><div dir="auto">*shaak ti* mup *galen marek*, 'ej ghIq *sarlacc* tInqu' nujDaq *shaak ti* vo'. HeghtaHvIS *shaak ti*, jor, 'ej nargh HoS *blue*. 'a Dop Hurgh lo'wI' ghaHbe' *shaak ti*'e'; vaj qatlh qaS wanI'vam ? Sovbej pagh, 'a wa' nger tu'lu': HoSghajqu' *shaak ti* net Sov. vaj, chaq, HeghDI' HoS'a' lo'wI' HoSghaj, motlh jor, 'ej vaj potlhbe' HoS'a' Sar'e' lo'bogh.</div><div dir="auto"><br></div><div dir="auto">~ nI'ghma</div></div>