[tlhIngan Hol] So sarcophagus you say ? hmm..

Felix Malmenbeck felixm at kth.se
Mon Jul 31 09:19:10 PDT 2017


tlhInganpu' Sar law' Humanpu' Sar law' 'e' vIHar.

lurDechmey pIm ghaj nuvpu' pIm. wa' nughHom'e' motlh vay', latlh nughHom'e' motlh latlh. qaStaHvIS wa' bov motlh vay', qaStaHvIS latlh bov motlh latlh.

lommey meQmoH 'op. lommey meQmoH 'op. lommey Sop 'op. bIQ'a'Daq lommey lan 'op.
rIQwI'pu'vaD lom 'ay'Du'chaj nob HeghDI' 'e' 'Ip 'op 'ach nobQo' latlhpu' law'.

pel'aQmey, nev'aQmey, jItuj'epmey je lulo'lu'.
'Impey'mey tInqu' chenmoHta' maSIrnganpu' tIQ 'ej luHo'lu'. 'Impey' mach DIlta' Nicolas Cage 'ach taQ ghaH net ja'.
latmey nap chenmoH latlhpu'. lat DIllaHbe' neHbogh Hoch 'ej lat neHbe' DIllaHbogh Hoch.
naH jajmeywIj juHwIjDaq Sum Heghpu'wI' van nagh 'IH. 'oH vel ngutlhmey tIQ; wa'SaD ben lughItlhlu'ta'. ngugh puS ghItlhlaHwI'pu', vaj waghqu'pu' naghmeyvam; DIllaHbe' HochHom, vaj qub van naghmeyvam. DaH DIllaH HochHom 'e' vIHar 'ach latlh van mIwmey lumaSlu', vaj qubHa'choHtaHbe' van naghmeyvam.

law'law' tlhIngan Hegh lurDechmey. Hegh bey, SonchIy, 'aQvoH je lu'aghlu'ta'.
*DaqS* qeng puqloD HeghmoHpu'DI' chISwI', lom meQmoHta' qeng. wa' jaj chISwI' HoH 'ej tIqDaj Sop 'e' 'Ip.
Heghpu'DI' qor, quvmoHmeH bom martaq beqDaj je.

Hoch tlhIngan Hegh lurDechmey DIleghpu' 'e' vIHonqu'.

> 31 juli 2017 kl. 17:11 skrev mayqel qunenoS <mihkoun at gmail.com>:
> 
> tlhIngan mu' chu' bopmo' QInvam, vIghItlhtaHvIS chaq DIvI' Hol
> vIlo'laH. 'a QujmeH moQmeyDaj roSchugh dog, roSlaHmo', vaj meq rapmo'
> tlhIngan Hol vIlo'.
> 
> HaHaHa !
> 
> 'a, DaH maSaghnISchoH..
> 
> qen, sarcophagus wIDelmeH, mu' chu' DIHev. qar'a' ? 'a wa' wanI' potlh
> cha' Hov leng puq poH veb episode, 'ej wanI'vam tlhochqu' sarcophagus
> mu'.
> 
> Heghpu'bogh cha' tlhIngan cha' *episode*vam. 'ej ghIq, tlhIngan HoD
> ghel janluq pIqarD: chay' lommeyvamvaD mavangnIS ? 'ej ghIq jang
> tlhIngan HoD: ngaSwI' chIm bIH lommeyvam'e'; ngaSwI' chIm bopbogh
> wanI''e' yIqaSmoH.
> 
> maj..
> 
> vaj, DaH, jIghel: qatlh sarcophagus ghajnIS ngaSwI' chIm ? Hmm ? qatlh ?
> 
> DaH, chaq, jatlhlu': 'ej chay' lom polHa' tlhIngan ? sarcophaghi ghajnISbe' ?
> 
> maj.. QaQ ghelmeH mu'tlheghvam. QaQqu' ! 'ach nap jangmeH
> mu'tlheghwIj.. napqu'..
> 
> chaq sarcophaghi ghajnIS tlhInganpu'. 'ach napnIS *sarcophaghi*vam !
> 'IHqu' sarcophaghi'e' cha'bogh Hov leng discovery. 'ej napbe'ba'
> Somchaj.
> 
> DaH, HIyajHa'Qo' ! mu'vam chu'mo' jIQuch. reH mu' chu' wIHevDI'
> jIQuchchoH. 'a tlhIngan tIgh potlh tlhochba' sarcophagus mu'vam.
> 
> Qapla'!
> (each post written in tlhIngan Hol deserves a Qapla'!)
> 
> qunnoq
> 
> SKI: At a Star Trek Next Generation episode, two Klingons have died,
> and Picard asks the Klingon captain, what he is to do with the bodies.
> Then the Klingon captain replies: "They are empty vessels; treat them
> as such".
> 
> As a result of this scene, I don't think that Klingons would utilize
> elaborate sarcophaghi, in order to dispose of corpses which -according
> to their beliefs- are nothing more than empty shells.
> _______________________________________________
> tlhIngan-Hol mailing list
> tlhIngan-Hol at lists.kli.org
> http://lists.kli.org/listinfo.cgi/tlhingan-hol-kli.org



More information about the tlhIngan-Hol mailing list