[tlhIngan Hol] The mouth of Sauron

SuStel sustel at trimboli.name
Tue Dec 20 07:45:13 PST 2016


On 12/20/2016 9:25 AM, mayqel qunenoS wrote:
>
> SuStel:
> > paq yIlaD
>
> tugh, Qeb joH paq vIvun, 'ej tolkien lutna' vIlaDlaH !
>
> 'ach wanI'vam cha' much:
>
> gandalfvaD jatlhtaHvIS mouth of sauron, lIghchoH aragorn.. mouth of 
> sauron 'emDaq ghaHtaHDI', yanDaj QIq 'ej ghIq, leghlaHbe'taHvIS mouth 
> of sauron, nachDaj chev !
>
> hahaha ! nuchna' !
>
> qunnoH jan puqloD
> ghoghwIj HablI'vo' vIngeHta'
>
>
> On 20 Dec 2016 4:16 pm, "SuStel" <sustel at trimboli.name 
> <mailto:sustel at trimboli.name>> wrote:
>
>     On 12/20/2016 8:32 AM, mayqel qunenoS wrote:
>>     meqvammo', batlhHa' vang aragorn, 'ej mouth of sauron 'emDaq
>>     ghaHtaHvIS HoH.
>
>     Qu'vatlh! paqDaq batlhHa' vangbe' /Aragorn;/ lut quvHa'moHpu'
>     /Jackson./ paq yIlaD.
>

Hoch vImughlaHbe'; tlhoy nI'. 'ach qepvam bertlham vImughqang...

    «mu' botamDI' SoH /Sauron/ nuj je yIDochQo'» [jatlh /Sauron/ nuj,
    jachtaHvIS]. «DIch DaneH. DIch nobbe' /Sauron./ pungDaj Datlhobpa'
    ghaH Dalob. Dochmey poQbogh vImuchta'. yIlaj pagh yIlajQo'!»

    «Dochvam DIlaj!» pay' jatlh /Gandalf./ mopDaj tuQHa''eghmoH 'ej
    Daqvetlh qIjDaq wov 'ej chIS; yan rur. ghopDajvo' pepta'bogh DoH
    /Mordor /toy'wI'. chol /Gandalf/ 'ej pe'vIl ghaHvo' wep, mop, yan je
    tlhap. «jupmaj wIqawmeH Dochvam DItlhap» jatlh /Gandalf. /«'ach
    Dochmey DapoQbogh DIlajchu'Qo'. yImej.  rIn Duy Qu'lIj 'ej tugh
    bIHegh. /Sauron/ voqlaHbe' vay' 'ej muSlu'; maSutlhmeH naDev 'e'
    wIghoSbe'*. maSutlh maH toy'wI''a'Daj je 'e' wIHechbe'bej. yImej!»

    Haghbe'choHpu' /Mordor/ toy'wI'. mer 'ej QeH 'e' 'agh qabDaj. gheD
    Suqpu'bogh Ha'DIbaH qab rur, ghIchDaj qIpDI' 'oy'naQ. QeHqu'choH
    /Sauron /nuj 'ej bol. HughDajvo' QeH wab voQlu'bogh QoylaH vay'.
    'ach ra'wI' qabmey qu' HoHlaHbogh mInDu' je legh 'ej ghaH lughIj;
    ramchoH QeHDaj. pe'vIl jach, tlhe', lIghmeH Ha'DIbaH lIt, 'ej
    /Cirith Gorgor/Daq pe'vIl qet lutlhejtaHvIS ghomDaj.

    * I know, I know.

-- 
SuStel
http://trimboli.name

-------------- next part --------------
An HTML attachment was scrubbed...
URL: <http://lists.kli.org/pipermail/tlhingan-hol-kli.org/attachments/20161220/aedacdd4/attachment.htm>


More information about the tlhIngan-Hol mailing list