tugh juH chu' DabchoH SoSwI'. Kokomo-Daq jIbogh. ngugh juH qach chenmoHta'bogh vavwI' Dab qorDu'wIj. wa'maH jav ben jIboghpu'DI' juH chu' wISuq jIH, cha' be'nI'pu'wI', vavwI', SoSwI' je. qaStaHvIS wejmaH Hut DIS pa' ratlh SoSwI'. DaH juH tInDaq mob 'ej vengDaq jIratlh jIH neH. ghomHa'pu' puqbe'Daj. loS puq boghmoHta' wa' be'nI'wI', 'ej Chicago Dab qorDu'vetlh. vaj SuS vengvetlhDaq chalqach juH je'ta' SoSwI' 'ej tugh pa' DabchoH. buy' Kokomo juHDaj, 'ej HochHom tlhaplaHbe'ba'. loQ qay'. 'ach DabchoHpa', Israel-Daq wa' puqnI'loD Such. tugh bogh loDvetlh puq. qaStaHvIS jar pa' ratlh SoSwI'. Do'chugh, cheghDI' juH chu' DablaH. -- ghunchu'wI'