if you don't plan to write your a$$ off then why learn the jay' language
pa'logh, Holqoqvam vIghojchoHpu'DI', jIHvaD jIjatlhpu': < HIQoy, a**h***; Holqoqvam vIghojmeH, jInIDqu'choHchugh, 'ej jIvumqu'choHchugh, Holqoqvam vIghojpu'DI', roD, roD, r-o-D, Holqoqvam Dalo' 'e' vIpIH 'ej vIpoQ. > vaj, tagha', Holqoqvam vIghojpu'DI', roD vIlo'choHpu'. 'a 'op nuv tu'lu' ('ej Do'Ha' law'qu' nuvvam).. < tlhIngan Hol wIghoj wIneH > jatlhtaH, 'a pIjHa' Holqoqvam lu'lo'. 'ej HIyajHa'Qo'; DIbna'chaj 'oH ('ej nuvpu'vam vISaHbe'chu' jay' net Sov). 'a meqqoqchaj vIyajlaHbe'.. vay' Dalo'qangbe'taHchugh, qatlh vay'vam DaghojnIS? ~ Dana'an look at all these jay's I don't give.. I mean just look at them..
On Jul 31, 2021, at 9:54 AM, mayqel qunen'oS <mihkoun@gmail.com> wrote:
vay' Dalo'qangbe'taHchugh, qatlh vay'vam DaghojnIS?
wIlo'qu'. malaw' jay'. naDev ghomvamDaq jeS Hoch 'e' yIpIHQo'. Discord wIlo'. Zoom wIlo'. Facebook wIlo'. jIghItlh jIH, 'ach pIj vIjatlhqu'. 'ej ghItlhmey DaneHchugh, bIDo'qu'. qen nargh tlhIngan Hol paqmey law'. jatlhwI'pu' DanaDHa'law'. tlhIngan Hol yejHaD Davaqlaw'. jutIch 'e' DatIvlaw'. tlhIngan Hol DaghojtaHchugh, qatlh qep'a' DabuSHa' SoH? -- ghunchu'wI'
ghunchu'wI', *curiosity*mo' QIn wa'DIch vIngeHpu', 'a 'op DayajHa'chu', vaj SoHvaD 'opvam vIQIj. ngoD wa': 'op nuv tu'lu', 'ej po'wI'na' chaH 'e' luHar nuvvam. vaj Holvam voDleHpu' DataH. 'a not Qatlhchu'bogh vay' luQIjlaHpu'. ngoD cha': 'op taghwI' tu'lu', 'ej not laHchaj luDubmoHlaHmo', tagha' taghtaHwI'pu'na' moj. ghaw'pu' chaHmo', bochmoHwI'pu'na' DataH, 'ej po'wI'pu'qoqvaD tortaH. ngoD wej: 'upchu' ngoD wa', ngoD cha' je.. ngoD loS: vabDot discord/facebook/zoom je qep tu'lu'chugh, 'ej vabDot pa' jeSchugh nuv law', qaghel ghunchu'wI': < Qatlhchu'bogh vay' lumughlaH nuv 'ar? > vaj chay' potlh qepmeyvam? ngoD vagh: qaStaHvIS qepmeyvam, vabDot pa' jeSchugh po'wI'pu'na', jIjeSqangbe'qa'. ngoD javmo' qaS wanI'vam.. ngoD jav: wa' ngoQ le' vIchavmeH, tlhIngan Hol vIghojpu'. 'ej discord/facebook/zoom je qepmey bopbe'chu' ngoQvam. ngoD Soch: bIjatlhpu', ghunchu'wI': < ghItlhmey DaneHchugh, bIDo'qu'. qen nargh tlhIngan Hol paqmey law'. > 'ej SoHvaD jIjang: pagh ghItlhmey vIneH, pagh paqmey vIneH. Holvam vIlo'taHvIS, Hoch vIjatlhnISbogh vIjatlhlaH vIneH. 'ej wejHa' laHvam vISuqpu'. vaj DaH jIHvaD pagh lunoblaH ghItlhvam/paqvam. ngoD chorgh: chaq bISIv, ghunchu'wI': < ja'chuq Dana'an latlhpu' je 'e' SaHbe'chu'chugh Dana'an, vaj qatlh naDev tlhIngan QInmey ngeH? > naDev jeS SuStel 'op vIvuvchu'bogh je. nuvpu'vammo' vIvuvchu'bogh naDev QInmey vIngeH. vItna' bIH chorgh ngoDvam'e', 'ej 'e' Daparchugh, jISaHbe'. ~ Dana'an
Am 31.07.2021 um 18:54 schrieb mayqel qunen'oS:
< tlhIngan Hol wIghoj wIneH > jatlhtaH, 'a pIjHa' Holqoqvam lu'lo'.
'ej HIyajHa'Qo'; DIbna'chaj 'oH ('ej nuvpu'vam vISaHbe'chu' jay' net Sov). 'a meqqoqchaj vIyajlaHbe'..
loQ meqDaj vIQIjlaH 'e' vIQub. DoyIchlan Hol jatlhlu'DI', rut vIttlheghvam lo'lu': {ghoch 'oH leng'e'} jIDel: tlhIngan Hol lughojtaHvIS, 'oH rIchmeH mIw lutIv ghojwI' law', 'ach 'oH lo' luneHbe'. roD buD ghot. Hol rIchmeH mIw ngeD law', jatlhmeH mIw ngeD puS. jatlhwI' po' jIH 'e' vImaq, 'ach jIchID: nom QIn vIqonnISchugh, DIvI' Hol vImaS, Qatlhmo' tlhIngan Hol 'ej rut mu'mey vIpoQbogh vISamlaHbe'. 'ach potlhbej Doch'e' ja'bogh Qunchuy: chaq naDev tamchoH ghu', 'ach latlh DaqmeyDaq tlhIngan Hol lo'lu'chu'! qabpaq vIlo' 'e' vItIv, 'ach Do'Ha' Discord jan vIlo' vIneHbe'. mumISmoH pa'mey Sar. chaq wa' jaj 'oH vIlo'choH. yItung'eghQo'. yIjatlhtaH. yItIv. -- Lieven L. Litaer aka the "Klingon Teacher from Germany" http://www.tlhInganHol.com http://klingon.wiki/En/Discord
participants (3)
-
Alan Anderson -
Lieven L. Litaer -
mayqel qunen'oS