vay' vItlhojpu'mo', choHnIS ghu'. 'ej SIbI' ghu'vam vIchoH
pa'logh pIj jatlhpu' charghwI': naDev QInmey ngeHtaHvIS nuvpu', tlhoy DIvI' Hol lulo'. 'ej lughchu'pu' charghwI'.. pa'loghwIj vIqelpu', 'ej pa'loghvam vIqeltaHvIS, tagha' jISIvchoHpu': qatlh QInmey vIqontaHvIS, cha' Hol vIlo'nIS ? qatlh DIvI' Hol tlhIngan Hol *je* vIlo'nIS ? qatlh tlhIngan Hol vIghojlI' ? DIvI' Hol vIlo'taHmeH, tlhIngan Hol vIghojlI''a' ? tlhIngan Hol vIghojmeH, muQaHpu' 'ej muQaHtaH SuStel latlhpu' je.. 'a qatlh muQaHpu' ? qatlh muQaHtaH ? DIvI' Hol vIlo'taHmeH, muQaHpu''a' ? DIvI' Hol vIlo'taHmeH, muQaHtaH'a' ? ghobe'.. vaj, DaH, choHnIS ghu'vam. tlhIngan Hol vIlo'meH, tlhIngan Hol vIghojlI'; vaj meqvammo' DIvI' Hol vIlo'be'choH. vabDot tlhIngan pab luboptaHvIS QInwIj, tlhIngan Hol vIlo'. DIvI' Hol ghantoH mu'tlhegh bIH DIvI' Hol mu'tlhegh'e' neH vIqonqangbogh, 'ej qaStaHvIS wa' wanI' neH, DIvI' Hol mu'tlheghmeyvam vIqonqang: tlhIngan pab vIrIchtaHvIS, Sarvam mu'tlheghmey vIqonqang. ghe''or jaHjaj DIvI' Hol. jIpuQ. ~ Qa'yIn
On 8/14/2020 8:27 AM, mayqel qunen'oS wrote:
DIvI' Hol vIlo'be'choH.
bIDo'jaj. DIvI' Hol lulo'be' latlh net lay', 'ach jeghpu' pagh mejpu'. tlhIngan Hol neH jatlhmeH laHlIj vItlh law' Hoch vItlh puS 'e' vIHar. 'ach pab DarIchtaHvIS, yajHa'ghach DajunmeH, DIvI' Hol yIlo'. rut yapchu'be' tlhIngan Hol pab rIchmeH mu'mey. -- SuStel http://trimboli.name
SuStel:
tlhIngan Hol neH jatlhmeH laHlIj vItlh law' Hoch vItlh puS 'e' vIHar
qatlho', jupwI'! choquvmoH! pab po'wI'na' SoHmo', potlhchu' vuDlIj. qatlho'! jIHvaD laHvam Danobta', 'ej meqvammo' tlho'na'wIj DaghajtaH. pIj nuv law' berghchoHmoH 'op qa'wIj DI'on.. pIj DI'onmeyvammo' muparqu' nuvpu', 'ej not naDev vIpawpu' chaq 'e' lujIn nuv law'. 'ach, SuStel, not choyajHa'pu', not choqeHpu', 'ej reH jIHvaD QaHna'lIj Danobpu'. SoHmo' tlhIngan Hol vIlo'laH, 'ej ghojmoHwI'wI' SoHmo', jIDo'. 'ej latlh vay' vIjatlhniS je. pIj naDev jI'IQchoHpu', pIj naDev muberghchoHmoHpu' 'op nuv, 'ej pIj mubelHa'choHmoHpu' 'op nuv. ngugh jIQubpu'; jIHvaD jIjatlhpu': < chaq tetlhvam vIlonnISchu'. > 'ej SoH muQaHpu'bogh nuvpu' je tu'lu'be' net jalchugh, vaj pa'logh tetlhvam vIlonchu'pu'. 'ach SoHmo' 'op latlh nuvmo' je jIratlhpu', 'ej jIratlh. SuStel:
'ach pab DarIchtaHvIS, yajHa'ghach DajunmeH, DIvI' Hol yIlo'. rut yapchu'be' tlhIngan Hol pab rIchmeH mu'mey.
QIn wa'DIch vIqontaHvIS, DuHvam vIqelpu' je.. meqvammo', pab bopbogh QIn Qatlh vIqonnISchugh, vaj qeSlIj vIpab, 'ej DIvI' Hol vIlo'. ~ Qa'yIn
""" Sean Inman, wa' chut 'ut ghaj QIn tetlhvam; Hoch lupoblaH vay' mu'mey, tlhIngan Hol lo'taHvIS, 'a tlhIngan Hol neH lubopnIS mu'meyDaj, DIvI' Hol lo'taHvIS. tlhIngan QIn mughchugh vay' 'ej 'oHvaD DIvI' Hol QIn mojmoHchugh, pagh DIvI' Hol QIn mughchugh vay' 'ej 'oHvaD tlhIngan Hol QIn mojmoHchugh, vaj pagh QIn tetlh chut bIv nuvvam. *pagh'e'*. chutvam Daparchugh, vaj choH QIn tetlh chutvam 'e' yItlhob. 'a choHbe'taHvIS chutvam, chutvam yIvuv. ~ Qa'yIn""" QInvam Daqaw'a'? DaH vuDlIj nuq? ------ Original Message ------ From: "mayqel qunen'oS" <mihkoun@gmail.com> To: "tlhIngan Hol mailing list" <tlhingan-hol@kli.org> Sent: 14 Aug 2020 113754 Subject: Re: [tlhIngan Hol] vay' vItlhojpu'mo', choHnIS ghu'. 'ej SIbI' ghu'vam vIchoH
SuStel:
tlhIngan Hol neH jatlhmeH laHlIj vItlh law' Hoch vItlh puS 'e' vIHar
qatlho', jupwI'! choquvmoH! pab po'wI'na' SoHmo', potlhchu' vuDlIj. qatlho'!
jIHvaD laHvam Danobta', 'ej meqvammo' tlho'na'wIj DaghajtaH.
pIj nuv law' berghchoHmoH 'op qa'wIj DI'on.. pIj DI'onmeyvammo' muparqu' nuvpu', 'ej not naDev vIpawpu' chaq 'e' lujIn nuv law'.
'ach, SuStel, not choyajHa'pu', not choqeHpu', 'ej reH jIHvaD QaHna'lIj Danobpu'. SoHmo' tlhIngan Hol vIlo'laH, 'ej ghojmoHwI'wI' SoHmo', jIDo'.
'ej latlh vay' vIjatlhniS je.
pIj naDev jI'IQchoHpu', pIj naDev muberghchoHmoHpu' 'op nuv, 'ej pIj mubelHa'choHmoHpu' 'op nuv. ngugh jIQubpu'; jIHvaD jIjatlhpu':
< chaq tetlhvam vIlonnISchu'. >
'ej SoH muQaHpu'bogh nuvpu' je tu'lu'be' net jalchugh, vaj pa'logh tetlhvam vIlonchu'pu'. 'ach SoHmo' 'op latlh nuvmo' je jIratlhpu', 'ej jIratlh.
SuStel:
'ach pab DarIchtaHvIS, yajHa'ghach DajunmeH, DIvI' Hol yIlo'. rut yapchu'be' tlhIngan Hol pab rIchmeH mu'mey.
QIn wa'DIch vIqontaHvIS, DuHvam vIqelpu' je.. meqvammo', pab bopbogh QIn Qatlh vIqonnISchugh, vaj qeSlIj vIpab, 'ej DIvI' Hol vIlo'.
~ Qa'yIn _______________________________________________ tlhIngan-Hol mailing list tlhIngan-Hol@lists.kli.org http://lists.kli.org/listinfo.cgi/tlhingan-hol-kli.org
On 8/14/2020 1:09 PM, vISIruS wrote:
QInvam Daqaw'a'? DaH vuDlIj nuq?
vuDDaj choHpu' qatlh 'e' DapIH? QInDaj ngo'Daq chutmey neH Del. jajvam QInDaq tlhIngan Hol neH lo' ghaH'e' 'e' maq. -- SuStel http://trimboli.name
QIntlheghvam vItIvqu’. tlhIngan QIn law’ law’, DIvI’ Hol Qin law’ puS. majQa’! charghwI’ vaghnerya’ngan rInpa’ bomnIS be’’a’ pI’.
On Aug 14, 2020, at 1:40 PM, SuStel <sustel@trimboli.name> wrote:
On 8/14/2020 1:09 PM, vISIruS wrote:
QInvam Daqaw'a'? DaH vuDlIj nuq?
vuDDaj choHpu' qatlh 'e' DapIH? QInDaj ngo'Daq chutmey neH Del. jajvam QInDaq tlhIngan Hol neH lo' ghaH'e' 'e' maq.
-- SuStel http://trimboli.name
_______________________________________________ tlhIngan-Hol mailing list tlhIngan-Hol@lists.kli.org http://lists.kli.org/listinfo.cgi/tlhingan-hol-kli.org
participants (4)
-
mayqel qunen'oS -
SuStel -
vISIruS -
Will Martin