the bittersweet taste of the long-awaited end..
wej jarmo', wej Dorpu' tera' DIS 2015.. ngugh naDev vIpawta', 'ej qaSpu'DI' poH ngaj, Holvam vIghojchoHpu'; tugh jIjatlhpu': < wa' Qu' le' vIturmeH, tlhIngan Hol vIghoj vIneH. 'a peghmo' Qu'vam, latlh De' vI'otHa'laHbe'. > vaj jIghojmeH, taghpu' mIw, 'ej qaStaHvIS vagh DIS veb, jIgheltaH, 'ej reH jangpu' SuStel latlhpu' je. 'ej DaH qaS jajvam. tera' DIS 2020 jajvam.. tagha', SuStelmo' voraghmo' nIqolay Qmo' lievenmo' De'vIDmo' charghwI'mo' je ngoQwIj wa'DIch vIchavta'; tlhIngan Hol vIlo'laH, vaj DaH Qu'wIj pegh vIturchoHlaH. 'a taQ; qaStaHvIS vagh DIS vorgh, pIj jajvam vIjalpu', 'ej ngugh reH jIQubpu': < qaSDI' jajvetlh, jIQuchqu'choH. > 'a jISovbe'.. Quchbej wa' tIqwIj 'ay', 'a 'IQbej latlh tIqwIj 'ay'. ~ Dana'an
On 12/7/2020 11:03 AM, mayqel qunen'oS wrote:
tagha', SuStelmo' voraghmo' nIqolay Qmo' lievenmo' De'vIDmo' charghwI'mo' je ngoQwIj wa'DIch vIchavta'; tlhIngan Hol vIlo'laH, vaj DaH Qu'wIj pegh vIturchoHlaH.
tagha' Qu' pegh Da'ang'a'? pegh tlhIngan Hol ghojtaHghachlIj meq 'e' vIlIjbe'. -- SuStel http://trimboli.name
SuStel:
tagha' Qu' pegh Da'ang'a'? pegh tlhIngan Hol ghojtaHghachlIj meq 'e' vIlIjbe'.
Qu'vam pegh vI'otHa' vIneHchu'. Do'Ha', 'Internet tlhopDaq bIHtaH QIn tetlhvam ta'e'.. peghvam vI'otHa'taHvIS, vabDot tlhIngan Hol vIlo'chugh, reH 'Internet tlhopDaq ratlh De' vI'otHa'pu'bogh, vaj tagha' chaq De'vam mugh vay'. 'ej naDev muparqu' nuv law' net Sov.. vaj Qu'wIj pegh vI'otHa'chu'; qItbe'.. 'a bISov DaneHmo', naDev Qu'vam pegh bopbogh 'op De''e' vI'otHa'qang. poH yap tu'choHlu'DI', De'vam vI'otHa'. ~ Dana'an
participants (2)
-
mayqel qunen'oS -
SuStel