wa' vIt 'ut luyajHa' nuv; juH qach HurDaq dog ratlhnISmoHlu'. pIj juH vI'el 'ej pa' dog vItu'. motlh; 'e' luHarba' juHvam Dabbogh nuv'e'. 'ach muj. Ha'DIbaH 'oH dog'e'. 'ej Hoch Ha'DIbaHmey rurmo', Ha'DIbaH lam 'oH dog'e'. 'ej naDev mevbe'ba' qay'wI'.. juH qoD Dabchugh vaj Dat Sup.. quSmeyDaq, quSlabDaq, DoQmIvDaq. Dat. 'ej Dat SupDI', pa' pum veDDaj 'ay'. DaH, chaq ghel vay': qatlh bISaH ? nap jangwI' mu'tlhegh. vay' vISuchDI', Say' juHDaj 'e' vIpIH. 'ej nItebHa' maSopchugh vaj Say' je ngop 'e' vIpIH. meb Dalajchugh vaj mebvam DaquvnISmoH 'ej DaquvmoHmeH Say'nIS Hoch. Ha'DIbaH DaqDaq jIba' net pIHchugh vaj reH jIQeHchoH. ghaHvaD jIjatlh vIneH: naDev jIba'; qatlh 'e' DaneH ? Ha'DIbaH jIH'a' ? juHwIj Da'elta'DI', qaquvHa'moHta''a' ? DaH qatlh choquvHa'moH ? 'op ben dog law' ghajta' vavwI'; 'ach yotlhmajDaq ratlh Hoch dogmeyvam. not juHmaj 'elpu' wa' dog. not. juH HurDaq ratlh dogmey. potlh. quSlab, DoQmIv, QongDaq joq toS dog net botnISbej. dog bIH dog'e' 'ej Human chaH Human'e'. marapbe' Human Ha'DIbaH je. qunnoH