helms deep luDechtaHvIS orc 'ej lIb QIHna'Daj, theodenvaD jatlh aragorn: joHwI', QaH wISuqmeH 'ej pawmeH boqwI'pu', lIghwI'pu' tIngeH. 'a jang theoden: ..'ej nuQaHmeH paw 'Iv. elves dwarves joq DapIH'a'. juppu'lI'mo' bIDo' 'a pIrurbe'.. ghIq jatlh aragorn: nuQaH gondor.. 'a mu'meyDaj naQmoHpa', qagh theoden: gondor, bImeq'a'. 'op poH ret, nuDechtaHvIS jaghpu'ma', nuqDaq 'oH gondor. nuqDaq 'oH gondor.. DaH mu'meyvam DIqel net 'utmoH.. nuqDaq 'oH gondor.. Human neH maH, 'ej DI'rujvammo' mapujba'. pIj, nuDech jaghpu' rurbogh ghu'mey'e', 'ej pIj nuDechtaHvIS gholpu' mangghommey mamob. mamobchu'. ngugh, maQaDchoHmeH, pay' SaHchoH latlhpu' 'e' wItul, vabDot SaHchoH nulonta'bogh nuvpu'. 'ach vIt 'IQ wIjunlaHbe': maHvaD paw pagh.. not. ropyaH qachDaq vatlh law' SID vIleghpu', 'ej Do'Ha' Heghpu' 'op SID. 'IQ ghu'vam; 'ach 'IQqu' latlh ghu': HeghtaHvIS mob HochHom. 'ej, qaStaHvIS Qu'wIj poH, 'ej SIDpu'vam vIlegh jIQubtaH.. qorDu' ghaj nuvpu'vam, latlhpu' ghaj nuvpu'vam, pIvtaHvIS mobbe' nuvpu'. DaH, qatlh lon Hoch. tagha', mamob. qo'vamDaq maboghDI' mapuj 'ej pagh wISov; qo'vamvo' wItlheDtaHvIS, mapujqa' 'ej SaHqang pagh. vaj, nughelqa' theoden: maHvaD paw 'Iv. 'ej majangmeH wa' mu' neH wIjatlh net poQ: pagh'e'. qunnoH jan puqloD ghoghwIj HablI'vo' vIngeHta'
On 12/8/2016 11:59 AM, mayqel qunenoS wrote:
helms deep luDechtaHvIS orc 'ej lIb QIHna'Daj, theodenvaD jatlh aragorn:
joHwI', QaH wISuqmeH 'ej pawmeH boqwI'pu', lIghwI'pu' tIngeH.
'a jang theoden: ..'ej nuQaHmeH paw 'Iv. elves dwarves joq DapIH'a'. juppu'lI'mo' bIDo' 'a pIrurbe'..
va. /QIb joH/ bop QInlIj 'e' vIleghDI' jISeychoH, 'ach /Peter Jackson/ lut Damugh 'e' vItlhoj. yempu'ghachlIj naDev 'e' vItI'. HochHom pong vImughQo'. DaH waw' 'el /Aragorn./ /Hornburg/ SIchpu'be' /Éomer/ pa' 'e' ghoj. ghaH 'IQmoHlu'. «ghobe', nagh'a'Daq pawbe'» jatlh wa' /Westfold/ loD. «vIleghDI' ghaHDaq loD ghommoHlI' 'ej /Deep/ 'etDaq SuvtaH. tlhej /Gamling dwarf/ je, 'ach vImuvlaHbe'.» ghommeH yotlhDaq yIt /Aragorn/ 'ej chalqach pa' jenDaq toS. pa' Qam ta'. Summo' Qorwagh lang Hurgh ta'. ngech bejtaH. «De' chu' HIja', /Aragorn./» jatlh. «/Deeping reD /jonlu'pu', joH, 'ej Hub Hoch bI'lu'chu'pu'; 'ach naDev, nagh'a'Daq, narghpu' loD law'.» «naDev ghaH'a' /Éomer/'e'?» «ghobe', joH. 'ach /Deep/Daq HeDpu' loDlI' law'; jatlhlu' ghomDaq /Éomer/ tu'lu'. chaq ngech jaQDaq jagh lubot 'ej DIS 'el. ghIq tullaH 'e' vISovbe'.» «tullaHghachDaj HoS law' tullaHghachmaj HoS puS. Soj QaQ lughaj ja'lu'. Dung nagh Qarghmey DInmo' pa' SuQHa' muD. Hubchugh loDpu' mul, pe'vIl 'ellaH pagh. nI'law' HubDaj.» «'ach /Orthanc/vo' Seng'a' luqengta' /Orc/»//jatlh /Aragorn./ «jorbogh qul lughaj, 'ej reD luQaw'meH lulo'. DIS 'ellaHbe'chugh chaq ngaQmoH 'ej Haw'pu'bogh loD von. 'ach DaH Hubmaj'e' wIqelnISchu'.» «bIghHa'vamDaq vInuQlu'.» jatlh /Théoden./ «jIghuS 'ej loDwI' 'etDaq jIlIgh net jalchugh chaq muSeymoH vIq, 'ej vaj jIHegh. 'ach naDev jIlI'be'.» «/Mark/Daq waw'vam HoS law' Hoch HoS puS. naDev Da'avlu'» jatlh /Aragorn. /SoHvaD /Hornburg/ Hub DuH law' /Edoras/, Hub DuH puS. yapbe' je /Dunharrow,/ HuD, Hub DuH.» «not /Hornburg/ charghlu'pu' ja'lu'» jatlh /Théoden,/ «'ach DaH jIHon. choHtaH qo', 'ej DaH HoSwI' vorgh wuvlaHbe' vay'. chay' Dojmeyvam, SaHbe'bogh muSwI'pu' je 'om chalqach? tlhoy vItlhchoHpu' /Isengard /HoS 'e' vISovchugh chaq luj /Gandalf/ mu' 'ej vIghommeH pe'vIl jIlIghqangbe'. po jul bIngDaq QaQlaw' qeSDaj; DaH QaQbe'law'.» «/Gandalf/ qeS yInoHQo' rInpa' Hoch, joH» jatlh /Aragorn./ «tugh rIn Hoch» jatlh ta'. «'ach naDev vIrInmoHlu'Qo'; /badger/ qan vonlu'pu'bogh vIrurQo'. ghommeH yotlhDaq chaHtaH /Snowmane/'e'/, Hasufel/'e'/, /'avwI'wI' /horse/mey'e' je. jajlo' /Helm/ gheb SuSlu' 'e' vIra' 'ej jIlIgh. ngugh chotlhej'a' /Arathorn/ puqloD? chaq He luchenmoH nuHmaj qoj marInDI' bom wIbajlu'ta'—ratlhchugh bomqangwI'.» «qatlhej bIlIghDI'» jatlh /Aragorn./ mej /Aragorn./ reDDaq chegh 'ej Hoch reDDaq yIt. loDpu' tulmoH 'ej HaghDI' jagh, QaH. tlhej /Legolas./ bIngvo' jor qul 'ej Qom naghmey. toSmeH tlhegh lujaDlu' 'ej choghvat lupeplu'. roD reD yor luSIch /Orc; /roD pummoH HubwI'. -- SuStel http://trimboli.name
SuStel:
*Peter Jackson* lut Damugh 'e' vItlhoj.
cinema much 'ay' vImughta', cinema much neH vIbejta'mo'. reH, Qeb joH paqmey vIlaD vIneH, 'a Do'Ha' reH poH vIHutlh. wa'leS, mu'tlhegh ghom Damughta'bogh vIlaD ! DaH, paSmo' jIQongnIS.. qunnoH jan puqloD ghoghwIj HablI'vo' vIngeHta' On 8 Dec 2016 10:01 pm, "SuStel" <sustel@trimboli.name> wrote:
On 12/8/2016 11:59 AM, mayqel qunenoS wrote:
helms deep luDechtaHvIS orc 'ej lIb QIHna'Daj, theodenvaD jatlh aragorn:
joHwI', QaH wISuqmeH 'ej pawmeH boqwI'pu', lIghwI'pu' tIngeH.
'a jang theoden: ..'ej nuQaHmeH paw 'Iv. elves dwarves joq DapIH'a'. juppu'lI'mo' bIDo' 'a pIrurbe'..
va. *QIb joH* bop QInlIj 'e' vIleghDI' jISeychoH, 'ach *Peter Jackson* lut Damugh 'e' vItlhoj. yempu'ghachlIj naDev 'e' vItI'. HochHom pong vImughQo'.
DaH waw' 'el *Aragorn.* *Hornburg* SIchpu'be' *Éomer* pa' 'e' ghoj. ghaH 'IQmoHlu'.
«ghobe', nagh'a'Daq pawbe'» jatlh wa' *Westfold* loD. «vIleghDI' ghaHDaq loD ghommoHlI' 'ej *Deep* 'etDaq SuvtaH. tlhej *Gamling dwarf* je, 'ach vImuvlaHbe'.»
ghommeH yotlhDaq yIt *Aragorn* 'ej chalqach pa' jenDaq toS. pa' Qam ta'. Summo' Qorwagh lang Hurgh ta'. ngech bejtaH.
«De' chu' HIja', *Aragorn.*» jatlh.
«*Deeping reD *jonlu'pu', joH, 'ej Hub Hoch bI'lu'chu'pu'; 'ach naDev, nagh'a'Daq, narghpu' loD law'.»
«naDev ghaH'a' *Éomer*'e'?»
«ghobe', joH. 'ach *Deep*Daq HeDpu' loDlI' law'; jatlhlu' ghomDaq *Éomer* tu'lu'. chaq ngech jaQDaq jagh lubot 'ej DIS 'el. ghIq tullaH 'e' vISovbe'.»
«tullaHghachDaj HoS law' tullaHghachmaj HoS puS. Soj QaQ lughaj ja'lu'. Dung nagh Qarghmey DInmo' pa' SuQHa' muD. Hubchugh loDpu' mul, pe'vIl 'ellaH pagh. nI'law' HubDaj.»
«'ach *Orthanc*vo' Seng'a' luqengta' *Orc*» jatlh *Aragorn.* «jorbogh qul lughaj, 'ej reD luQaw'meH lulo'. DIS 'ellaHbe'chugh chaq ngaQmoH 'ej Haw'pu'bogh loD von. 'ach DaH Hubmaj'e' wIqelnISchu'.»
«bIghHa'vamDaq vInuQlu'.» jatlh *Théoden.* «jIghuS 'ej loDwI' 'etDaq jIlIgh net jalchugh chaq muSeymoH vIq, 'ej vaj jIHegh. 'ach naDev jIlI'be'.»
«*Mark*Daq waw'vam HoS law' Hoch HoS puS. naDev Da'avlu'» jatlh *Aragorn. *SoHvaD *Hornburg* Hub DuH law' *Edoras*, Hub DuH puS. yapbe' je *Dunharrow,* HuD, Hub DuH.»
«not *Hornburg* charghlu'pu' ja'lu'» jatlh *Théoden,* «'ach DaH jIHon. choHtaH qo', 'ej DaH HoSwI' vorgh wuvlaHbe' vay'. chay' Dojmeyvam, SaHbe'bogh muSwI'pu' je 'om chalqach? tlhoy vItlhchoHpu' *Isengard *HoS 'e' vISovchugh chaq luj *Gandalf* mu' 'ej vIghommeH pe'vIl jIlIghqangbe'. po jul bIngDaq QaQlaw' qeSDaj; DaH QaQbe'law'.»
«*Gandalf* qeS yInoHQo' rInpa' Hoch, joH» jatlh *Aragorn.*
«tugh rIn Hoch» jatlh ta'. «'ach naDev vIrInmoHlu'Qo'; *badger* qan vonlu'pu'bogh vIrurQo'. ghommeH yotlhDaq chaHtaH *Snowmane*'e'*, Hasufel* 'e'*, *'avwI'wI' *horse*mey'e' je. jajlo' *Helm* gheb SuSlu' 'e' vIra' 'ej jIlIgh. ngugh chotlhej'a' *Arathorn* puqloD? chaq He luchenmoH nuHmaj qoj marInDI' bom wIbajlu'ta'—ratlhchugh bomqangwI'.»
«qatlhej bIlIghDI'» jatlh *Aragorn.*
mej *Aragorn.* reDDaq chegh 'ej Hoch reDDaq yIt. loDpu' tulmoH 'ej HaghDI' jagh, QaH. tlhej *Legolas.* bIngvo' jor qul 'ej Qom naghmey. toSmeH tlhegh lujaDlu' 'ej choghvat lupeplu'. roD reD yor luSIch *Orc; *roD pummoH HubwI'.
-- SuStelhttp://trimboli.name
_______________________________________________ tlhIngan-Hol mailing list tlhIngan-Hol@lists.kli.org http://lists.kli.org/listinfo.cgi/tlhingan-hol-kli.org
participants (2)
-
mayqel qunenoS -
SuStel