*deipneus:* loD ghaHbogh bID-Qun’e’. ‘uQ vutmeH mIw bID-Qun ghaH. tIr ngogh vutmeH mIw bID-Qun ghaHchu’. *eileithyia:* be’ ghaHbogh Qun’e’. boghmoH be’; wanI’vam Qun. *enyalius:* loD ghaHbogh Qun QIv’e’. noH Qun. *enyo:* be’ ghaHbogh Qun’e’. Qaw’bogh noH; Sarvam noH Qun. *epidotes:* *lacedaemon*Daq Qunvam quvmoHlu’pu’. *glycon:* loD ghaHbogh *snake*-Qun’e’. *harpocrates:* loD ghaHbogh Qun’e’. tamlu’; ghu’vam Qun. *hebe:* be’ ghaHbogh Qun’e’. HojnIy ghaH vay’; ghu’vam Qun. *olympus* Qunpu’ HIvje’ qemwI’. *hermaphroditus:* loD ghaHbogh Qun’e’. nuv porghDaq be’ loD je ngaghmeH porgh ‘ay’mey tu’lu’; nuvpu’vam Qun. be’ DI’onmey ‘agh loD; loDpu’vam Qun. *horae:* repmey. be’ chaHbogh Qun’e’. ‘umbermey QapmeH mIw motlh Qunpu’. pongmey: *eunomia* (Qapchu’ Hoch; qaSchoH tujchoHbogh qImroq; qaSchoHtaHvIS tujchoHbogh qImroq, SuDbogh yotlhmey tu’lu’; Hochvam Qun), *dike* (ruv qa’. qaStaHvIS tujchoHbogh qImroq, tInchoH San’emDermey; chaq wanI’vam ‘oSpu’), *eirene* (roj qa’. tujchoHbogh qImroq Qun). qaStaHvIS tujchoHbogh qImroq tInchoH San’emDermey; wanI’vam Qunpu’: *thallo* (tujchoHbogh qImroq ghubmey, tujchoHbogh qImroq narghpu’bogh bartIqmey, tujchoHbogh qImroq narghpu’bogh pormey je Qun. rap *eirene* *thallo* je net Dam), *auxo* (qaStaHvIS tujchoHbogh qImroq, tInchoH San’emDermey; wanI’vam Qun), *karpo* (tera’ naHmey Qun). Do’lu’ Quchlu’ cheplu’; ghu’vam Qunpu’: *pherousa* (qemwI’), *euporie* (vey’lu’), *orthosie* (cheplu’). ‘umber poHmey, jaj poHmey je Qunpu’: *auge* (po tamghay wa’DIch), *anatole* (*anatolia* joq) (po narghchoH jul), *mousika* (*musica* joq) (po poH, QoQ muchlu’; po poH HaDlu’; poHvam), *gymnastika* (*gymnastica*, *gymnasia* joq) (po poH porghDaj HoSmoH vay’; po poH porghDaj laH leHmoH/ghurmoH vay’; poHvam), *nymphe* (po poH HaH’egh vay’, po poH porghDaj Say’moH vay’; poHvam), *mesembria* (DungluQ), *sponde* (megh Soppu’DI’ vay’, Qunpu’vaD lIch vay’; quvmoHmeH mIwvam), *elete* (Qunpu’vaD SoQ jatlh vay’; SoQvam. pov vummeH rep wa’DIch), *akte* (*acte*, *cypris* joq) (Soplu’, bel SIQlu’. pov vummeH rep cha’DIch), *hesperis* (Dorbogh jaj choS poH), *dysis* (DortaHvIS jaj, nargh jul; poHvam), *arktos* (ram poH chal, Dotrar). DIS qImroqmey Qunpu’: *eiar* (tujchoHbogh qImroq), *theros* (tujqu’bogh qImroq), *pthinoporon* (bIrchoHbogh qImroq), *cheimon* (bIrqu’bogh qImroq). -- Dana'an https://sacredtextsinklingon.wordpress.com/ Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ