po'wI'pu', tlhIHvaD qay' nuq jay'? QIn law' lab mayqel qunenoS 'ej pIjqu' bojang. ghaHvaD Suvangchu'. 'a ghaH bobuStaHvIS, latlh ghojwI'pu' bobuSHa'taH. wejHu' /Aurélie/vo' QIn chu' wIHevpu'. majangpu' mayqel jIH je, 'a jangbe' latlh. 'Itlhqu' Aurélie 'ej Holmey ghojmeH po'bej, 'a tlhIngan Hol ghojtaHvIS QaHnISlu'. qatlh jangbe' Hoch po'wI'? ghojwI'pu' boQaHmeH ngochmeyraj tIqelqa'! puSqu' jatlhwI'pu' vaj Hoch ghojwI'pu' DIQejnIS. mataHmeH maSachnIS. ~mIp'av