(https://sacredtextsinklingon.wordpress.com/hermes-pongmey-chadich/) *acacesius/akakesios:* pongvam cha'DIch lo'taHvIS *homer*, *akaketa*/*akaketes *Sar lo'. *arcadia*Daq *acacesium* veng tu'lu', 'ej pa' nenchoHtaHvIS *hermes*, *hermes *Qorgh *acacus* voDleH net Har. vaj vengvam pong 'oH pongvam cha'DIch mung'e' 'e' luDam 'op qonwI'. 'ach latlh nger tu'lu'. *kakos* mu' 'oH pongvam cha'DIch mung'e' 'e' luHar 'op, vaj {Qun'e' 'oy'moHlaHbe'bogh/rIQmoHlaHbe'bogh vay'}/{'oy'moHbe'bogh/rIQmoHbe'bogh Qun} Del pongvam cha'DIch 'e' luHar nuvvam. DI'onvam rap 'agh je *prometheus*, vaj QaHbogh/toDbogh vay' Del pongvam cha'DIch net 'IrlaH. *acaceta: *tojbe'bogh vay', 'ongbe'bogh vay', pIQHa'be'bogh vay'. voDleH/chuQun DI'onmey 'aghbogh vay'. *aepytus: **arcadia* *aepytus* bopbogh vay'. Sub ghaH *aepytus*'e'. *agetor:* 'op Qun pong cha'DIch 'oH pongvam cha'DIch'e'. *lacedaemon*Daq *zeus *quvmoHlu'taHvIS, pongvam cha'DIch lo'lu' je, nuvpu' Devmo' 'ej che'mo' *zeus*, 'ej *zeus *DI'onmeyvam chIwmo' pongvam cha'DIch. 'ach *zeus* pongvam cha'DIch bopbogh latlh nger tu'lu': rap *agetor* *agamemnon *je 'e' luHar 'op. *apollo* pong cha'DIch 'oH je *agetor*'e', 'ej *hermes* pong cha'DIch 'oH je, bIng qo'Daq nuv qa'pu' Devmo' *hermes. *qaStaHvIS poH tIQ,* megalopolis*Daq *hermes agetor *Hew tu'lu'taH. *aglaus:* Dojbogh vay', Dunbogh vay', wovbogh vay'. ngay' 'aghbogh vay'. *agonius/agonios:* 'op Qun pong cha'DIch 'oH. *zeus* *apollo* je DeltaHvIS *aeschylus* *sophocles *je, pongvam cha'DIch lu'lo', nuvpu' QaHmo' *zeus* *apollo* je, ghu'mey Qatlh qaDmey je DIghtaHvIS. 'ach motlh *hermes *Dellu'meH, pongvam cha'DIch lo'lu', Hoch Sar qaDmey SeQ rangmo' *hermes*. *agoraeus/agoraea:* veng ngevmeH DaqDaq ghombogh nuvpu' Qanbogh Qun luDellu'meH, pongvam cha'DIch lo'lu'. loD ghaHchugh Qun'e' Dellu'bogh, *agoraeus* lo'lu', 'ej be' ghaHchugh Qun'e' Dellu'bogh, *agoraea *lo'lu'. vaj *zeus* *athena* *artemis* *hermes* je pong cha'DIch 'oH. ghommeH DaqvaD ngevmeH Daq Damlaw' pongvam cha'DIch, mechmeH mIw Qun ghaHmo' *hermes*'e'. *angeliophoros: *QIn qembogh vay'. *angelos: *QIn qembogh vay'. *orpheus* bom cha'maH chorgh yamtaw mu'tlhegh wa'Daq *hermes*vaD *zeus* QIn qemwI' ponglu'. *angelos athanaton: *jubwI'pu' QIn qemwI', Qunpu' QIn qemwI'. *angelos macaron: *Quchchu'bogh 'ej Do'chu'bogh Qunpu' QIn qemwI'. *arcas/arkas:* wa' *hermes *pong cha'DIch 'oH. *archus pheleteon: *HejwI'pu' nIHwI'pu' je DevwI'. *argeiphontes: *pe'vIl* argus* *panoptes* HoHpu'bogh vay'. *giant* ghaH *argus* *panoptes*'e'. *athanatus diactorus: *DevwI' jub. *buphonus: *pe'vIl *oxen* HoHbogh vay'. *cataebates: *bIng qo'Daq ghIrtaHvIS Heghpu'bogh nuv qa'pu', qa'pu'vam Dev 'ej tlhej pongvam cha'DIch Qun. *cerdemporus:* mIp nobbogh vay'. *charidotes: *QuchchoHmoHbogh vay'. *charmophron: *tIq Quch vay', tIq QuchchoHmoHbogh vay'. *chrysorrhapis: *qol'om naQ lang vay'. *clepsiphron: *tojwI'; ngoDmeyna' 'otbogh vay'. meqmeyna'Daj/chabalmeyna'Daj 'otbogh vay'. *coeranus thneton: *jubbe'wI'pu' Devbogh vay', jubbe'wI'pu' ra'bogh vay'. *coryciotes: **corycian *DIS vay'. *craterus: *HoSbogh vay', Dunbogh 'ej HoSghajbogh vay'. *cratus:* HoSbogh vay', Dunbogh 'ej HoSghajbogh vay'. *criophorus: *DI'raq loD qengbogh vay' *ctesius/ktesios:* yer Qanbogh vay'. *hermes* pong cha'DIch 'oH, 'ach *phlyus*Daq *zeus* quvmoHlu'taHvIS, *zeus*vaD *zeus* *ctesius*/*ktesios* ponglu' je. *cydimus:* ngay' ghajbogh vay'. *cyllenius/kullenios:* pongvam cha'DIch mung luQIjbogh cha' nger tu'lu'. nger wa': *arcadia*Daq *cyllene* HuD tu'lu', pa' *hermes* chIrgh tu'lu', 'ej HuDvam pongmo' *hermes* pongvam cha'DIch qonlu'pu'. nger cha': HuDvamDaq *hermes* boghmoHpu' *maia*, 'ej wanI'vammo' pongvam cha'DIch qonlu'pu'. *daïs hetaerus:* 'uQ'a' jup, 'uQ'a' tlhejwI'. *diactorus:* tlhejwI', DorwI', DevwI'; QIn qengbogh 'ej qembogh vay'. *dolius:* ngoQ chavmeH nuv, tojmeH laH le' 'aghnIS; ghu'vam bopbogh vay'. tojmeH wanI'mey bopbogh vay'. *dotor eaon: *Dochmey QaQ nobbogh vay'. *enagonius: *pIqcho' Qujmey rangbogh vay'. *enodius: *taw DopmeyDaq neqchuq tawmeyDaq je 'op Hew le' tu'lu', 'ej motlh cha' 'ay' yugh Hoch: DungDaq loD porgh bID tu'lu', bIngDaq ngogh'a' tIn tu'lu', 'ej ngogh'a'vamDaq 'InSep chong tu'lu'. Hewmeyvam bop pongvam cha'DIch. *epimelius: *tay'bogh Ha'DIbaH law', Ha'DIbaH lulIqlu'pu'bogh je Qorghbogh vay'. *eriboas: *jatlhbogh vay', 'ej jatlhtaHvIS, vItlh ghoghDaj. *ericydes: *noybogh vay', ngay' ghajbogh vay', Dunbogh/povbogh vay'. *eriounes: *Do'choHmoHbogh vay', reH QaHqangbogh vay'. *eriunius/eriounios/erinnes:* Do'choHmoHbogh vay' ('ach pongvam cha'DIch QIjlaHchu' pagh). *hermes* pong cha'DIch 'oH, 'ach pongvam lo'lu' *hermes* pong lo'lu' 'e' qa'; qaS wanI'vam je. *euphron: *Quchbogh vay', yajbogh 'ej varHa'bogh vay', DochHa'bogh 'ej pung 'aghbogh vay'. *euscopus: *leghmeH laH pov ghajbogh vay', Hopqu'bogh Dochmey leghlaHchu'bogh vay'; Dughbogh vay'. *hegetor oneira: *Suchtuvmey pIn'a' (QongtaHvIS muv, 'op mIllogh legh; mIlloghmeyvam bop pongvam cha'DIch). leSmeH 'ej Doy'Ha'choHmeH Human Segh, Human Segh QongchoHmeH *hermes*, 'ej nuvDaq *zeus *QInmey qemmeH *hermes, *QInmeyvamvaD Suchtuv lumojmoHlu', 'ej QongtaHvIS nuv, ghaHvaD Suchtuvmeyvam 'agh *hermes* . *hermeneus pas: *yajmoHbogh vay', Hoch QIjbogh vay', Hol QIjchu'bogh vay'. *hermeneutes:* yajmoHbogh vay', Hoch QIjbogh vay', mughbogh vay'. *imbramus/imbramos: *pongvam cha'DIchvaD wa' latlh *pelasgian* *hermes* pong Dam *welcker. attica*Daq pongvam cha'DIch *hermes *quvmoHlu', ghIq *lemnos* *imbros* *samothrace* je 'ambayDaq quvchoHmoHlu' je, 'ej rap pongvam cha'DIch *hermes, himerus *je 'e' luHar 'op. *imbros *'ambay Huch jengva'Daq *hermes* *imbramus*/*imbramos *leghlu'; Huch jengva'vamDaq vaSbogh 'ej jaQHa'bogh ngaSwI' tu'lu', 'ej naQ tlher tu'lu' je. *imbrasus/imbrasos: *wa' *hermes* pong cha'DIch 'oH *imbramus*'e', 'ej rap *imbramus* *imbrasus*/*imbrasos* je 'e' Dam *eustathius*. *keryx: *QIn qemwI' SeQ. *lysimerimnus: *jubbe'wI'pu' Seng ngabmoH vay'. *macar: *Quchchu'bogh vay'; vay' quvmoHqu'lu'bogh. DI'onvam luchIw Hoch Qunpu' jub. *maiados hyios: **maia* puqloD. *masterius:* nejwI'pu' vay'. *mechaniotes:* tojbogh vay', nabmey 'ong 'oghbogh vay'. *nomius/noumios:* Ha'DIbaH je'meH yotlhmey Qanbogh Qunpu', Ha'DIbaH QorghwI'pu' Qanbogh Qunpu' je pong cha'DIch 'oH. vaj *apollo* *pan* *hermes* *aristaeus* latlhpu' je chaH pongvam cha'DIch Qun'e'. *oeopolus: *DI'raqmey Qorghbogh vay'. *pancrates: *HoSghajchu'bogh vay'. *paramnon: *(pongvam cha'DIch bopbogh De' tu'lu'be'). *pheletes:* nIHbogh vay', Hejbogh vay', Du' Ha'DIbaHmey nIHbogh vay'. *philandrus: *Human Segh muSHa'bogh vay'. *poecilometes: *tojmeH nabmey 'ong 'oghtaHbogh vay'. *poicilomythus: *mu'mey Sar lo'bogh vay'. *poikilovoulos: *valwI'. *polygius:* (pongvam cha'DIch bopbogh De' tu'lu'be'). *polytropus: *'ongqu'bogh vay'. nuv law' ponlaHbogh vay'. nuv law' SIghlaHbogh 'ej vuDmeychaj choHlaHbogh vay'. *pompaeus:* Devbogh vay'. *poneomenus:* Qu' law' turtaHbogh vay'. *promachus/promakhos:* Hubbogh vay'. *tanagra*Daq *hermes* quvmoHlu'taHvIS, pongvam cha'DIch lo'lu' je. *thebes*Daq *heracles*vaD *heracles* *promachus* /*promakhos* ponglu' je. *pronaus/pronaea/pronaia:* chIrgh tlhop vay'. loD ghaHchugh vay''e' ponglu'bogh, *pronaus* lo'lu', 'ej be' ghaHchugh vay''e' ponglu'bogh, *pronaea*/*pronaia* lo'lu'. *athena* *pronaea*/*pronaia* tu'lu', 'ej *delphi*Daq *apollo* chIrgh tlhopDaq pongvam cha'DIch *athena* chIrghHom tu'lu'. *hermes* *pronaus* tu'lu' je. *prophetes: **zeus* chabal 'otHa'bogh vay'; tuch rItwI'; Hol QIjbogh vay'. *propylaeus:* 'elmeH lojmIt'a' vay'. *psychagogus:* Heghpu'bogh nuv qa' Devbogh vay'. *psychopompus: *ve'taHvIS 'eQ Heghpu'bogh nuv qa', qa'vam Dev *psychopompus* . *psychostolos:* Heghpu'bogh nuv qa' Dorbogh vay'. *ptenopedilos:* telDu' waqmey beQ tuQbogh vay'. *soter:* toDwI', tlhabchoHmoHwI'. *strophiuchus: **strophion* tuQbogh vay'. nach qoSta' lutuQbogh maqlegh 'oH *strophion*'e', vaj maqlegh rurbogh vay' Del pongvam cha'DIch. *theoxenius/theoxenios:* *theoxenia* yupma' vuvbogh vay'. *apollo* *hermes* je pong cha'DIch 'oH. *tricephalus:* wej nach vay'. neqchuqbogh tawmey bop pongvam cha'DIch. -- Dana'an https://sacredtextsinklingon.wordpress.com/ Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ