SuStel:

> bIH jatlhlaHbe' vay'. naQbe' bIH.

naQbe'a' bIH ?!?!? hmm.. ngoDvam vISovbe'. Daj..

vaj, qaghel vIneH. quenya tlhIngan Hol je DI*compare*chugh, vaj *more complete*'a' tlhIngan Hol ?

jatlhqu'meH tlhIngan Hol naQ law' Quenya naQ puS. mu' mung qun je HaDmeH Quenya naQ law' tlhIngan Hol naQ puS.

Philologist ghaH Tolkien'e'. choH Hol 'e' HaDmeH, lutmey ghItlhmey je HaD. mu' mung HaD. Holmey 'oghtaHvIS, qunDaj 'oghtaH je. Sindarin mojmeH Quenya mIwmey 'oghchu'.

HolDaj qun 'oghmeH HolDaj jatlhwI'pu' 'oghnIS. Elf qun qon. vaj Silmarillion qon. qontaHvIS, Dochmey pongmeH, Elf pongmey 'ogh. vaj DIp law' ghaj HolmeyDaj.

'ach not HolmeyDaj naQmoHpu'. Hol wIjatlhlaHbogh 'ogh 'e' Hechbe'. naQbe' pab; naQbe' mu' tetlh. pab Sovlu'bogh yajlu'chu'be'. 'ej Heghpu'mo' Tolkien, SachlaHbe' HolDaj.

-- 
SuStel
http://trimboli.name