On Dec 11, 2018, at 9:46 AM, SuStel <sustel@trimboli.name> wrote:

On 12/11/2018 10:13 AM, Felix Malmenbeck wrote:

*'ewrop'a'* boSuch net tuch. Hoch latlh qo'meyvam bolo' net chaw'chu'.

bolo'taHvIS pejIj. bolo'taHvIS pevIDHa'.

toH! lubuy'moH Hovmey!

jIQoS, Dave, Do'Ha’ vIta'laHbe'.

(This is supposed to be clipped. It's not so easy to clip such a long piece.)

Qu' qun:

DIS: 1999. Daq: maS, bIQ'a' jot. letbaQ vIqraq qIj tu'pu' 'amerI'qa' SepjIjQa'. Hap... Sovbe'. mung... Sovbe'. pong pongpu'bogh... Tycho tut'a'. tut'a'vo' JupiterDaq rISpu'. meq... Sovbe'.

DIS: 2001. Daq: Jupiter retlh. logh Duj: U.S.S. Discovery. Degh beq: ra'wI'—David Bowman. 'orwI' cha'DIch—Frank Poole. QongmeH taD wej QeD beq; vemlu' Jupiter pawDI' Discovery. meqbogh jan: HAL-9000.

Qu' Dotlh:

Jupiter cha' maS SumDaq... Europa Io je... choltaHvIS logh Duj, QapHa'pu' Hal-9000 De'wI'. QeD beq HoH QongtaHvIS chaH, yIntagh chu'Ha'DI' HAL-9000. 'orwI' cha'DIch Frank Poole HoH HAL-9000 logh Duj HurDaq ghaHtaHvIS. HAL-9000 meqbogh jan rarHa'moHpu' David Bowman ra'wI'. Jupiter Io je jojDaq vIqraq ghompu' David Bowman ra'wI'. tlhoS nIb vIqraq, maSDaq tut'a' tu'pu'bogh... vIqraq tIn law' maS tut'a' tIn puS. loS qelI'qam 'ab Jupiter tut'a'. nuDmeH Discovery mejpu' Bowman ra'wI'. Bowman ra'wI' QIn Qav: «toH, lubuy'moH Hovmey.»

Qu' poj:

HAL-9000 QapHa'ghach meq... Sovbe'. Bowman QIj Qav meq... Sovbe'. Bowman Daq... Sovbe' (Heghlaw'pu'). tut'a' cha'DIch Hap: Sovbe'. tut'a' cha'DIch Quv... Jupiter Io je joj La Grange Daq. U.S.S. Discovery Quv... Io bav. U.S.S. Discovery Dotlh... Sovbe'.

Qu' ja' rIntaH; qonpu' Heywood Floyd... loH DevwI', Sep logh leng yej, December 9, 2001.

-- 
SuStel
http://trimboli.name