not, chIch muchmeyvam vIbej, 'a bejmo' be'wI', pIj, chIchHa', vIQoy.

'ej reH, muchmeyvam jeSwI'pu' vIQoyDI', jISIvchoH..

chay' Qub nuvvam ? qaStaHvIS much ram, pa' jeSmo', pay' Qapla' luSuqlaH ?

'ej naDev, Sepmey tIng 'ev nugh qay'wI' tu'lu'; naDev, ropchaj tu'lu' je. qay'wI'vam ropvam je chIwchu' muchmeyvam.

Hoch Dochmey je'laH neHbogh nuv.. noychoH neHbogh nuv.. baj 'a neHbe'bogh nuv.

qatlh, qaStaHvIS DIS law' HaDnISlu' ? qatlh, Qoyje' Suqlu'meH qaStaHvIS DIS law' vumnISlu' ?

muchDaq jeS, 'ej SIbI' Hoch Suq. pay', ghaHDaq nargh Huch ngay' je.

'a Do', 'op Doch je'laHbe' vay'; yab val, qa' HoSghaj, Sun.. reH, 'op nuvvaD novchu' Dochmeyvam.

'ej meqvammo', reH lujchu'wI' chaH 'op nuv'e'. qaStaHvIS pa'logh lujchu'wI' chaH, DaH lujchu'wI' chaH, 'ej qaStaHvIS tuch Hoch lujchu'wI' chaH.

qunnoq