chay' much'egh Dop Hurgh ?

much'eghtaHvIS Dop Hurgh, Sarbogh DI'on law' 'agh; vabDot, Dachchugh yIn much'eghlaH Dop Hurgh. 'ej taQ wanI'vam, HoS'a' Hal 'oHlaw'mo' yIn'e'..

Daqmey le' tu'lu', 'ej DaqmeyvamDaq HoSghajqu' Dop Hurgh. DaqmeyvamvaD Dop Hurgh SIr'o' luponglu', 'ej meq law'mo' wanI' law'mo' je, Sep SarDaq nargh Dop Hurgh SIr'o'meyvam. HoSghajchu'mo' SIr'o'meyvam, Sumchugh 'op Doch, vaj DochmeyvamvaD HoS Hurgh lughajlaHmoH SIr'o'vam.

*koribban*Daq, joHpu' Hurgh ngechDaq, qaStaHvIS poH 'Iq, SaHtaHmo' *sith*pu' qa'pu'chaj je, tagha' HoS'a' Hurgh SIr'o' moj Daqvam. ngechvamDaq mol law' tu'lu'; molmeyvamDaq tlhoy SaHmo' HoS Hurgh, tagha' vIqraqmey'e' ngaSbogh molmeyvam SIgh rIntaH HoS'a' Hurgh, vaj HoS Hurgh lutlhuDchoH vIqraqvam. 'ej ru'Ha' wanI'vam.

'a latlh wanI'mey taQ tu'lu' je..

molmeyvam qoDDaq, mutlh'eghlaH HoS'a' Hurgh, vaj tagha' HoS'a' Hurghvam leghlaH vay'. DaqmeyvamDaq, SaHchoHchugh lengwI', lengwI'vam tlhu'moH HoS'a'vam Hurgh'e' leghlaHbogh vay': HoS'a'vam HurghDaq yIHaH'egh ! tlhup molmey.. 'ej 'omlaHbe'chugh lengwI', vaj ghatlhchoH Dop Hurgh..

latlh Dop Hurgh SIr'o'mey tu'lu' je:

*vjun* yuQDaq, *midi-chlorian* luSeHlu'meH ngonglu'. 'a ngongmeyvammo', maw'qu'choH *vjun* roghvaH, vaj wIDchuq *vjun* ngan. qaStaHvIS 29 *bby* qaS HoH, 'ej wanI'vammo' luHajlu'bogh, tagha' Dop Hurgh SIr'o' moj *vjun* yuQ. qaStaHvIS tuch Hoch yuQvam ngejta' Dop Hurgh..

HoS'a' Hurgh SIr'o' moj je *byss*, 'a pa' pIm meq: pa', SaHtaH *darth sidious* velqa' yoq, *alchemy* ngongmeyDaj je. vaj, Daqvam ngej je Dop Hurgh.

*luke skywalker* qeqmeH *jedi* pIn'a' *yoda*, tlhu'nISmoH. vaj, *dagobah*Daq Dop Hurgh DIS lo' *yoda*, qItbogh tuchmey Hurgh mIlloghmey lInglaHmo' DISvam.

pIj, nuvpu' Dochmey je DechlaH Dop Hurgh.

HoSghajqu'mo' *sith* joH *sidious*, wa' DaqDaq SaHtaHvIS, pa' tlha' Dop Hurgh SIr'o'. 'ej rap *darth vader*. 

HoS'a' Hurgh lutlhuDtaH *sith* vIqraq je..

~ nI'ghma