On Aug 5, 2020, at 11:21 AM, SuStel <sustel@trimboli.name> wrote:

ghomvam DaqIm'a'? Qa'yIn tlhIngan Hol QInmey tIq law' Hoch tIq puS.

QInDaj tIq vIlaDDI', qechDaj vItlha'laHbe'.. pIj nuvHey vIghovbe'bogh pong. pIj wanI'mey vIyajbe'bogh Del. jIyajchoHmeH jIghelchugh, muHIvlaw'. QInmeyvetlh tIn vIlaD vIneHbe'choHchu'.

pIm QInDaj mach. Dalbe' bIH 'ej jIyajlaHchu'. 'a qay'laH bIH.

jatlhbe'pu' charghwI': tlhIngan Hol DaghojmeH QIn Daj yIqon. jatlhbe'pu': latlhpu'vaD QInlIj tI'IHmoH. jatlhbe'pu': ghunchu'wI' yIqImmoH. jatlhpu' charghwI': tlhIngan Hol ghItlh Daqonbogh tIlaw'moH. Qu'vam ta'bejpu' Qa'yIn.

-- 
SuStel
http://trimboli.name