vaj, Dop Hurgh lajchoHlu'taHvIS, loS ngIq mIwHom luSIQlu'. mIwHomvam bIH nuq'e' ?

mIwHom wa': tlhu'moH Dop Hurgh.

tay'chu'mo' HoS'a' *jedi* je, Hoch chavmeH *jedi*, HoS'a' lo'laH. vaj tagha', *jedi*Daq nargh ngoQmey mut, 'ej ngoQmeyvam chavmeH *jedi*vam, tlhu'. 'e' Har *tolaris shim*.

juppu' QaHmeH, Qob junmeH, noH vanmoHmeH, moD *jedi*. 'ej pIj, vangpa', Qubbe', 'ej meqmeyna'Daj pojchu'be'. vaj, tugh, wanI'meyvammo', QIt Dop HurghDaq jaHchoH *jedi*.

'ej *exar kun* lut qawlu'..

loy'bej *exar kun*; net Honbe'. 'a quv SaHchu'be'.. wa' jaj lutmey'e' jatlhbogh pIn'a' *vodo-siosk baas* QoychoH *exar kun*. Dop Hurgh lubop lutmeyvam, 'ej nom *kun* lutlhu'choHmoH lutvam.

lutmeyvam QoytaHvIS *exar kun*, HoS'e' vuSlaHbe'bogh vay jaltaH, Dop Hurgh HoS.. 'ej HoSDaj mojlaH HoSvam. 'e' HarchoH.

vaj, qalchoH *kun*, 'ej ghantoHDaj lulajmeH latlh *jedi*pu', *jedi*vam raD.

~ nI'ghma