boopis: motlh homer ghuQmeyDaq pongvam cha’DIch lo’lu’. io ghe’choHmoHpu’mo’ hera, ‘ej ghaHvaD cow mojmoHpu’mo’, hera pongvam cha’DIch qonlu’pu’ ‘e’ luDam ‘op. ‘ach ngervam tlhoch ngoDvam: latlh Qunpu’ pong cha’DIch ‘oH je boopis‘e’. euryphaessa, pluto, latlhpu’ je pong cha’DIch ‘oH je. vaj (jatlh ngervam) Qunpu’vam Dunqu’bogh ‘ej povqu’bogh DI’onmey DelmeH ghuQ qonwI’pu’, pongvam cha’DIch luqonpu’.
bunaea/bounaia: wa’ HuDDaq wa’ hera chIrgh tu’lu’mo’, ‘ej HuDvaD bunos pongmo’ ‘elaDya’ Hol, hera pongvam cha’DIch qonlu’pu’ ‘e’ QIj wa’ nger. ‘ach latlh nger tu’lu’ je. wa’ taw tu’lu’, ‘ej acrocorinthus ‘oH tawvam ghoch’e’. tawvamDaq hera lulIgh quv chenmoHpu’ hermes alcidameia je puqloD, ‘ej SubvamvaD bunus/bounos ponglu’mo’, hera bunaea/bounaia pong cha’DIch qonlu’pu’.
callistephanus: mIv’a’ tuQbogh vay’, ‘ej ‘IH.
chera: pongvam cha’DIch luQIj cha’ nger. woQ joH Del pongvam cha’DIch, jatlh wa’ nger. ‘ach jatlh latlh nger: pelasgus puqloD ghaH temenus‘e’, ‘ej pongvam cha’DIch qonlu’pu’ temenus. stymphalus ngo’Daq wej hera lulIgh quv chenmoHpu’ temenus, ‘ej HochvaD pong pIm ponglu’pu’. wej tlhoghpu’bogh hera quvmoHmeH temenus, lulIgh wa’DIchDaq pais pong cha’DIch lo’lu’; zeus be’nal ghaHbogh hera‘e’ quvmoHmeH, lulIgh cha’DIchDaq teleia pong cha’DIch lo’lu’, ‘ej zeus tlhejbe’bogh hera quvmoHmeH temenus, lulIgh wejDIchDaq chera pong cha’DIch lo’lu’. (Heghpu’chugh wa’ be’ loDnal, be’vam DelmeH ‘elaDya’ Hol, chera mu’ lo’).
chrysothronus: qol’om quS’a’ ghajbogh vay’.
cydra: ghob vay’; ngay’ ghajbogh vay’; ta’mey Dun chavmo’, Dunbogh vay’.
exacesterius: mIghwI’ ‘ombogh vay’, mIghwI’ qaSHa’moHbogh vay’.
gamelia: tlhogh bopbogh vay’.
gamelii/gamelioi: tlhogh luQanbogh ‘ej luche’bogh Qun. vagh Qun quvmoH tlhoghbogh nuvpu’, nuvpu’vam QanmeH Qunpu’vam, Qunpu’vam quvmoH, ej zeus hera aphrodite peitho artemis je chaH Qunvam’e’. Hochvam SovmoH plutarch. vaj Qunpu’vam pong cha’DIch ‘oH gamelii‘e’/gamelioi‘e’. ‘ach latlh Qunpu’ pong cha’DIch ‘oH je: moeraevaD Qun gameliai ponglu’ je, ‘ej HochHom Qunpu’vaD tlhogh QanwI’pu’ DamlaH vay’. ‘ach chaq vagh QunvaD Delbogh plutarch tlhogh QanwI’pu’na’ Dam. Qunpu’vammo’ wa’ jar le’vaD gamelion lupong athenians tIQ, ‘ej ngugh gamelia yupma’ lulop.
henioche: may’ DoylI”a’ vay’.
hippius: Sargh/Sarghmey bopbogh vay’; olympiaDaq hera quvmoHlu’taHvIS, pongvam cha’DIch lo’lu’ je.
hypercheiria: vay’ DungDaq ghopDaj lanpu’bogh Qun; vay’ QanmeH Qun, vay’vam DungDaq ‘oHtaH ghopDaj’e’. spartaDaq hera hypercheiria lulIgh quv tu’lu’. lulIghvam chenmoHlu’meH, ra’pu’ Qun chabal ‘otHa’wI’, sparta SoDchu’pu’DI’ eurotas bIQtIq.
imbraia/imbrasia: hera artemis je pong cha’DIch ‘oH, ‘ej samos ‘ambay imbrasus bIQtIqmo’ pongvam cha’DIch qonlu’pu’. samosDaq boghpu’ hera net Har.