On Apr 12, 2019, at 13:00, Felix Malmenbeck <felixm@kth.se> wrote:

DIvI' Hol vIyajbe', 'ach tlhIngan wabmey lo'chugh ghItlhwI', tlhoS mu'mey vIqollaH.

Do', tlhIngan Hol jatlhchoHlaw' 'op DIvI'nganpu'. cha'Hu' jIyIttaHvIS muchol cha' DIvI'ngan. veng pu'jIn lunuDtaH. jatlhlaw' wa':

“He lo'. Haw'. 'ar yu'?”

jIyajlaHchu'be', 'ach tlhejwI'Daj ghu' Dellaw'. He lo'meH pu'jIn qenglaw'. mungDajvo' Haw'law'. 'ach qatlh ghot'e' yu'bogh toghnIS? taQbej.