On Thu, Jul 1, 2021 at 10:26 AM mayqel qunen'oS <mihkoun@gmail.com> wrote:

1. Qun tIquvmoH.

chay' vay' tu'lu'be'bogh quvmoHlu'? qeSqoqvam Dogh vIloblaHbe'.

2. be'lI' yImuSHa'.

qeSvam vIpablaH jIH. 'a loD muSHa'nISbe''a'? be' ghajbe' nuv law' vISovbogh.
(wa' be' vISaH jIH, 'ach ghaH vISeHbe'. <be'wI'> vIpongDI' chaq jIwogh.)

3. SeplIj yIHub.

<lughchugh Sep pagh mujchugh Sep, Sep yIHub> Dajatlh'a'? wejpuH. Duy'bej qeSvam.
SepwIj yotchugh vay', ghaytan vIHub. 'ach quvHa'chugh SepwIj, qoj nuvpu' vISaHbogh QIDchugh, ghaytan vIHubQo'.

-- ghunchu'wI'