<html><head><meta http-equiv="content-type" content="text/html; charset=utf-8"></head><body style="overflow-wrap: break-word; -webkit-nbsp-mode: space; line-break: after-white-space;"><div>DoyIchlangan ‘eyre'ngan je chaH be’nalwI’ no'’e’. ben law' DoyIchlan wISuchta’ be’nal jIH je. qen ‘eyre’Daq maghIQ be’nalwI’ puqloDDaj jIH je. qaSpa’ wanI’vam, not ‘eyre’ wISuch.</div><div><br></div><div>‘eyre’ nIQ naQ vItIvchu’, ‘ach pIj nIQvam vISopqa’chugh, jIpI’choHba’. qaStaHvIS cha’ Hogh maghIQ ‘ej cha’logh ‘eyre’ nIQ naQ wISop.</div><div><br></div><div>pa’ ‘Iw wIlpuq yugh nIQ. ‘amerI’qa’ SepjIjQa’Daq not ‘Iw wIlpuq vISoppu’. ‘ey. ro’qegh ‘Iwchab rur.</div><div><br></div><div>QIm yugh je nIQvam. yorDaq Sotlhqel tu’lu’. ‘IH.</div><div><br></div><div>DI’raq luH Say’lu’pu'bogh ‘ej ghoDlu’pu’bogh yugh, je yugh je nIQvam le'. ghoDmeH la’yIgh Ha’DIbaH je lo’lu’.</div><div><br></div><div>DI’raqvo’ nIm wIb ngogh yugh nIQvam le’ je.</div><div><br></div><div>‘Eychugh Soj, ghaytan ‘eyre’ nIQ naQ yugh.</div><div><br></div><div>‘eyre’ HIq vImaS. wIbbe’.</div><div><br></div><div>Dat ‘IH jorchan. bIQ’a’Daq qoj’a’ tu’lu’. ‘IH HuDmey, ngechmey, bIQ’a’ HeH.</div><div><br></div><div>*Burren*Daq wISuchDI’ muja' be’nalwI'. jatlh <<juHDaq jIpaw’ta’.>> HomDu’DajDaq Har.</div><div><br></div><div>Qobba’ tawmey. lang. wanHa’. ghargh rur. nom SeD be’nalwI’ puqloD.</div><div><br></div><div>Dat naghmey tu’lu. reD chenmoHmeH, naghmey lo’ Hoch. Dat nagh reD tu’lu’. qaStaHvIS cha’SaD DIS, Dat nagh chenmoHtaH ‘eyre’nganpu’.</div><br><div>
<meta charset="UTF-8"><div dir="auto" style="caret-color: rgb(0, 0, 0); color: rgb(0, 0, 0); letter-spacing: normal; text-align: start; text-indent: 0px; text-transform: none; white-space: normal; word-spacing: 0px; -webkit-text-stroke-width: 0px; text-decoration: none; word-wrap: break-word; -webkit-nbsp-mode: space; line-break: after-white-space;"><div>pItlh</div><div><br></div><div>charghwI’ ‘utlh</div><div>(ghaH, ghaH, -Daj)</div><div><br></div></div><br class="Apple-interchange-newline"><br class="Apple-interchange-newline">
</div>
<br></body></html>