<div dir="ltr"><div>(The entire text can be found here: <a href="https://sacredtextsinklingon.wordpress.com/athena-pongmey-chadich/" target="_blank">https://sacredtextsinklingon.wordpress.com/athena-pongmey-chadich/</a>. A big thanks to the people mentioned here: <a href="https://sacredtextsinklingon.wordpress.com/acknowledgements/" target="_blank">https://sacredtextsinklingon.wordpress.com/acknowledgements/</a>)</div><div><p><strong>pallenis:</strong> latlh <em>athena</em> pong cha’DIch ‘oH. <em>athens</em> <em>marathon</em> je jojDaq <em>athena</em> <em>pallenis</em> chIrgh tu’lu’.</p>



<p><strong>panachaea/panachaia:</strong> <em>achaea</em> Hoch Qun; Hoch <em>achaeans</em> Qun. <em>achaia</em> <em>aegae</em>Daq <em>demeter</em> quvmoHlu’taHvIS, pongvam cha’DIch lo’lu’ je, ‘ej <em>laphiria</em>Daq <em>athena</em> quvmoHlu’taHvIS, pongvam cha’DIch lo’lu’ je.</p>



<p><strong>pancrates:</strong> HoSghajchu’wI’.</p>



<p><strong>pareia: </strong><em>laconia</em>Daq <em>athena</em> <em>pareia</em> Hew tu’lu’, ‘ej <em>parian</em> mISjennegh yugh Hewvam. vaj chaq ngoDvammo’ pongvam cha’DIch qonlu’pu’.</p>



<p><strong>parthenos/parthenus:</strong> not vay’ ngaghpu’bogh be’. <em>athens</em>Daq <em>athena</em> quvmoHlu’taHvIS, ghaHvaD <em>athena</em> <em>parthenos</em> ponglu’ je. pa’ <em>athena</em>vaD <em>parthenon</em> chIrgh noy chenmoHlu’pu’.</p>



<p><strong>philentheos: </strong>vay”e’ luSIghchu’bogh Qun.</p>



<p><strong>philopolemic:</strong> noH muSHa’bogh vay’. veng Hubmo’ <em>athena</em>, pongvam cha’DIch qonlu’pu’.</p>



<p><strong>phlegraeon oleteira giganton:</strong> <em>phlegraean</em> <em>giants</em> Qaw’wI’.</p>



<p><strong>phygodemnios:</strong> tlhogh QongDaq muSbogh vay’.</p>



<p><strong>phygolectros:</strong> tlhogh QongDaq ghoSbe’bogh vay’.</p>



<p><strong>polemoclonus:</strong> noH wab vItlhchoHmoHbogh vay’.</p>



<p><strong>polemodocus: </strong>noH vanbe’moHbogh vay’.</p>



<p><strong>polemotocus: </strong>noH qaSmoHbogh vay’.</p>



<p><strong>polias:</strong> veng vay’, veng Qanbogh Qun. <em>athens</em>Daq <em>athena</em> quvmoHlu’taHvIS, pongvam cha’DIch lo’lu’ je. pa’ <em>athena</em>vaD <em>acropolis</em> Qanbogh Qun Damlu’.</p>



<p><strong>poliatis:</strong> veng QanwI’.</p>



<p><strong>poliuchos/poliouchos: </strong>veng Qanbogh vay’. ‘op Qun pong cha’DIch ‘oH. <em>sparta</em>Daq <em>athena</em> <em>chalcioecus</em>vaD <em>athena</em> <em>poliuchos</em> ponglu’ je, ‘ej <em>athens</em>Daq <em>athena</em>vaD <em>athena</em> <em>poliuchos</em> ponglu’ je.</p>



<p><strong>polybulus/polybulos:</strong> law’bogh qeS chul vay’, chulchu’bogh vay’.</p>



<p><strong>polyllistus:</strong> nuvDaq SaHmeH vay’, vay’vamvaD mu’ law’ jatlh nuvvam. Sarvam vay’ Del pongvam cha’DIch.</p>



<p><strong>promachorma:</strong> Daqav QanwI’, rIjchoHmeH Daq HubwI’. <em>hermione</em>Daq Sum <em>buporthmos</em> HuD. pa’ pongvam cha’DIch <em>athena</em> lulIgh quv tu’lu’.</p>



<p><strong>pronaea/pronaia:</strong> chIrgh ‘ay’ wa’DIch vay’. <em>delphi</em>Daq <em>apollo</em> chIrgh tlhopDaq <em>athena</em> chIrghHom tu’lu’. <em>hermes</em>vaD <em>hermes</em> <em>pronaus</em> ponglu’ je.</p>



<p><strong>pronoea:</strong> tuch wanI’mey SovlaHbogh vay’.</p>



<p><strong>rete:</strong> <em>athena</em> <em>orpheus</em> bomDaq <em>athena</em> Dellu’meH, <em>rete</em> mu’ lo’lu’; {vay’ Dellu’bogh}/{vay’ Sovlu’bogh}/{noybogh vay’} yajmoH ‘elaDya’ mu’vam. ‘ach <em>orpheus</em> bomvam rapDaq -SIbI’ <em>rete</em> mu’ jatlhlu’pa’- <em>athena</em> Dellu’meH, <em>arretus</em> mu’ lo’lu’ je, ‘ej Dop cha’ ‘elaDya’ mu’vam. vaj <em>athena</em> luDel wa’ mu’ latlh mu’ je. </p>



<p><strong>saitis:</strong> <em>argolis</em> <em>lerna</em>Daq Sum <em>pontinus</em> HuD, ‘ej pa’ <em>athena</em> lulIgh quv tu’lu’. pongvam mung luyajmeH ‘elaDya’ngan, nIDtaHvIS, tagha’ maSIr qun/lalDan nuDpu’, ‘ej tu’pu’: pa’logh <em>athena</em>vaD <em>sais</em> lupong maSIrngan.</p>



<p><strong>salpinx:</strong> noH nItlh gheb.</p>



<p><strong>scillyntia:</strong> <em>elis</em> <em>scillus</em> vay’.</p>



<p><strong>sciras/skiras:</strong> <em>salamis</em> <em>sciras</em> vay’, <em>sciron</em> (<em>salamis</em> Sub) vay’. <em>attica</em> <em>phaleron</em> verghDaq <em>salamis</em> ‘ambayDaq je pongvam cha’DIch <em>athena</em> chIrgh tu’lu’. qaStaHvIS <em>scirophorion</em> jar, <em>athena</em> luquvmoHmeH <em>athenians</em>, <em>athens</em>Daq yupma’ lulop, ‘ej yupma’vamvaD <em>skiraphoria</em> luponglu’. <em>phaleron</em> <em>athena</em> <em>sciras</em> chIrgh cherpu’ tuch rItwI’ ghaHbogh <em>dodona</em> <em>scirus</em>‘e’ ‘e’ SovmoH <em>pausanias</em>, ‘ej <em>erechtheus</em> voDleH luSuvtaHvIS <em>eleusinians</em>, <em>attica</em> pawpu’ <em>scirus</em> net Har.</p>



<p><strong>semne:</strong> quvchu’bogh vay’ ‘ej Qun DI’onmey chIwchu’bogh. Dunqu’bogh vay’ ‘ej chuQun DI’onmey ‘aghbogh.</p>



<p><strong>soteira:</strong> toDwI’, tlhabmoHwI’. <em>athena</em> pong cha’DIch ‘oH, ‘ach latlh Qunpu’ pong cha’DIch ‘oH je: <em>artemis</em>, <em>arcadia</em> <em>laconia</em> je <em>persephone</em>, <em>eunomia</em>.</p>



<p><strong>sthenias:</strong> HoS vay’, HoSbogh vay’. </p>



<p><strong>sunia:</strong> <em>attica</em> <em>sunium</em> vay’. </p>



<p><strong>technon meter:</strong> meHghem SoS.</p>



<p><strong>telchinia:</strong> <em>cyprus</em> <em>telchinia</em> vay’.</p>



<p><strong>tithrone:</strong> pongvam cha’DIch bopbogh De’ tu’lu’be’.</p>



<p><strong>tritogeneia/tritogenes/trito:</strong> pongvam cha’DIch QIjlaHchu’ pagh; nger law’ tu’lu’. DaqDaq boghpu’ <em>athena</em>, ‘ej lIbya’ <em>triton</em> ngengDaq Sum Daqvam ‘e’ luHar ‘op, ‘ach <em>boeotia</em> <em>triton</em> bIQtIqHomDaq Sum Daqvam ‘e’ luHar latlh; vaj <em>triton</em> ngengmo’ <em>triton</em> bIQtIqHommo’ ghap pongvam cha’DIch qonlu’pu’. wejlogh boghpu’bogh vay’ Del pongvam cha’DIch ‘e’ luHar ‘op, ‘ej <em>athamania</em> Hol Sar <em>trito</em> mu’mo’ pongvam cha’DIch qonlu’pu’ ‘e’ luHar latlh, {nach} Delmo’ <em>trito</em>, ‘ej <em>zeus</em> nachvo’ boghpu’mo’ <em>athena</em>.</p>



<p><strong>tritonis:</strong> <em>tritogeneia</em> <em>tritonia</em> je pong cha’DIch rur pongvam cha’DIch.</p>



<p><strong>xanthe:</strong> SuD <em>athena</em> jIb ‘ej wov, qol’om/tIr rur net Har, vaj ghaHvaD <em>athena</em> <em>xanthe</em> ponglu’ je, jIb Sarvam be’ DelmeH ‘elaDya’ Hol, <em>xanthe</em> mu’ lo’mo’.</p>



<p><strong>xenia:</strong> be’ ghaHbogh Qun’e’ bopchugh pongvam cha’DIch, <em>xenia</em> lo’lu’, ‘ach loD ghaHbogh Qun’e’ bopchugh, <em>xenios</em> lo’lu’. vaj <em>athena</em> Dellu’meH, <em>athenia</em> <em>xenia</em> jatlhnISlu’, ‘ej <em>zeus</em> pong cha’DIch ‘oHmo’ je, <em>zeus</em> Dellu’meH, <em>zeus</em> <em>xenios</em> jatlhnISlu’. novpu’ Qanmo’ <em>athena</em> <em>zeus</em> je, ‘ej mebpu’vaD jup Da juH ghajwI’ ‘e’ lurangmo’ <em>athena</em> <em>zeus</em> je, Qunvam luDellu’meH, pongvam cha’DIch lo’lu’.</p>



<p><strong>zosteria:</strong> vay”e’ Dechbogh SIryoD. be’ ghaHbogh Qun’e’ bopchugh pongvam cha’DIch, <em>zosteria</em> lo’lu’, ‘ach loD ghaHbogh Qun’e’ bopchugh, <em><em>zosterius</em></em> lo’lu’. <em>athena</em> luquvmoHtaHvIS <em>epicnemidian</em> <em>locrians</em>, ghaHvaD <em>athena</em> <em>zosteria</em> ponglu’ je. <em>attica</em>Daq <em>phaleron</em> <em>sunium</em> je botlhDaq tIqbogh puH ‘ay’ ‘ej langbogh tu’lu’, ‘ej puH ‘ay’vamDaq yItchugh vay’, tagha’ bIQ’a’ paw; pa’ puH ‘ay’vamDaq <em>apollo</em> quvmoHlu’taHvIS, ghaHvaD <em>apollo</em> <em>zosterius</em> ponglu’ je.</p></div>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>