<div dir="ltr"><div>(The entire text can be found here: <a href="https://sacredtextsinklingon.wordpress.com/athena-pongmey-chadich/" target="_blank">https://sacredtextsinklingon.wordpress.com/athena-pongmey-chadich/</a>. A big thanks to the people mentioned here: <a href="https://sacredtextsinklingon.wordpress.com/acknowledgements/" target="_blank">https://sacredtextsinklingon.wordpress.com/acknowledgements/</a>)</div><div><p><strong>dia:</strong> chal’a’ vay’.</p>
<p><strong>diactorus: </strong>toy’bogh vay’, tlhejbogh ‘ej Qorghbogh vay’, QIn qengbogh ‘ej qembogh vay’.</p>
<p><strong>dracaena:</strong> be’ ghaHbogh <em>dragon</em>‘e’.</p>
<p><strong>ergane:</strong> vumbogh vay’. Hoch Sar meHghem rang ‘ej ghojmoH <em>athena</em> net Har.</p>
<p><strong>eryma:</strong> HubwI’.</p>
<p><strong>euresitechnus:</strong> meHghem ‘oghpu’bogh vay’.</p>
<p><strong>gigantoletira/gigantoleteira/gigantoletis:</strong> <em>giants</em> Qaw’wI’.</p>
<p><strong>glaucopis:</strong> lIr mInDu’ vay’, bochbogh mInDu’ vay’. lIr Del ‘elaDya’ <em>glafs</em> mu’, ‘ej tInmo’ lIr mInDu’, ‘ej maS lururmo’, wa’ maS pong ‘oH <em>glafkoh</em>‘e’. SuD ‘ej Hurgh <em>olives</em> bIQ’a’ je, ‘ej qIj je ‘ej wov je; rItlhvam Del <em>glafkos</em>, ‘ej rItlhvam lururmo’ <em>athena</em> mIn, pongvam cha’DIch qonlu’pu’. rarchuq <em>athena</em> lIr (botlh chalDaq leng lIr) je, ‘ej rarchuq je <em>athena</em> bIQ’a’ (qul-<em>aether</em>) je; Hochvam chIw je pongvam cha’DIch.</p>
<p><strong>gorgolaphas:</strong> <em>gorgon</em>-jeqwI’ vay’; <em>gorgon</em> nach mIv’a’ ghajbogh vay’.</p>
<p><strong>gorgophonus:</strong> pe’vIl <em>gorgon</em> HoHpu’bogh vay’.</p>
<p><strong>gymnasousa kore:</strong> pIqcho’ ghaHbogh be’Hom’e’/wej tlhoghpu’bogh be”e’.</p>
<p><strong>hellotia/hellotis/ellotia/ellotis:</strong> <em>corinth</em>Daq <em>athena</em> quvmoHlu’taHvIS, pongvam cha’DIch lo’lu’ je. <em>marathon</em>Daq Sum pIrbogh puH yIQ, ‘ej pa’ <em>athena</em> lulIgh quv tu’lu’; pIrbogh puH yIQ DelmeH ‘elaDya’ Hol, <em>helos</em> mu’ lo’, vaj mu’vammo’ <em>athena</em> pongvam cha’DIch qonlu’pu’. Hochvam SovmoH <em>pindar</em> rIchwI’, ‘ach latlh nger tu’lu’ je. <em>hellotia</em> pong (wa’ <em>timander</em> puqbe’ ghaH <em>hellotia</em>‘e’) ‘oH pongvam cha’DIch mung’e’. <em>corinth</em> lumeQchu’pu’DI’ <em>dorians</em>, toD’eghmeH <em>hellotia</em>, <em>athena</em> chIrgh jaHpu’, ‘ach tagha’ pa’ <em>hellotia</em> <em>eurytione</em> (<em>hellotia</em> be’nI’) je luHoHlu’pu’. ghIq, qaSpu’DI’ poH ngaj, <em>corinth</em>Daq narghpu’ rop’a’. <em>hellotia</em> <em>eurytione</em> je qa’ lujotqa’moHbe’lu’chugh, mevbe’ rop’a’vam, ‘ej <em>athena</em> <em>hellotis</em> lulIgh quv chenmoHlu’ net poQ; ngugh Hochvam SovmoHpu’ Qun chabal ‘otHa’wI’.</p>
<p><strong>hippelateira:</strong> Sarghmey SeHwI’.</p>
<p><strong>hippia/hippeia/hippius/hippeios: </strong>Sarghmey vay’. ‘op Qun pong cha’DIch ‘oH pongvam cha’DIch’e’. be’ ghaHchugh Qun’e’, <em>hippia</em>/<em>hippeia</em> lo’lu’, ‘ej loD ghaHchugh Qun’e’, <em>hippius</em>/<em>hippeios</em> lo’lu’.<em> hera</em> pong cha’DIch ‘oH, <em>poseidon</em> <em>ares</em> je pong cha’DIch ‘oH je, ‘ej <em>athens</em>Daq <em>tegea</em>Daq <em>olympia</em>Daq je <em>athena</em> quvmoHlu’taHvIS, pongvam cha’DIch lo’lu’ je.</p>
<p><strong>hippolaitis:</strong> <em>laconia</em> <em>hippola</em> vay’. <em>laconia</em> <em>hippola</em>Daq <em>athena</em> pongvam cha’DIch lo’lu’ je.</p>
<p><strong>hoplochares: </strong>nuHmeymo’ belqu’choHbogh vay’.</p>
<p><strong>hoplophorus: </strong>nuHmey qengbogh vay’; SuvwI’.</p>
<p><strong>hormasteira:</strong> bIDuvmeH, DutungHa’bogh vay’.</p>
<p><strong>hygeia:</strong> pIv vay’; ghu’vam bop pongvam cha’DIch.</p>
<p><strong>iasonia:</strong> <em>cyzicus</em>Daq <em>athena</em> quvmoHlu’taHvIS, pongvam cha’DIch lo’lu’ je.</p>
<p><strong>ilia:</strong> <em>ilios</em> (<em>troy)</em> vay’.</p>
<p><strong>itonia/itonias/itonis:</strong> <em>phthiotis</em> tIng chan tIngDaq <em>iton</em> veng tu’lu’, ‘ej vengvam pong ‘oH pongvam cha’DIch mung’e’. pa’ athena lulIgh quv loplu’bogh tu’lu’, ‘ej pa’ qaS je yupma’mey. <em>iton</em>vo’ <em>boeotia</em>Daq <em>copais</em> ngeng luDechbogh DaqDaq je pongvam cha’DIch <em>athena</em> lalDanHom qenglu’pu’, ‘ej pa’ (<em>athena</em> chIrghDaq SorDaq lupochlu’pu’bogh je) <em>pamboeotia</em> loplu’. ‘ach pongvam cha’DIch mung bopbogh latlh nger tu’lu’; vay’ tu’lu’, voDleH maqlegh ghap ghaH, <em>itonus</em> ‘oH pongDaj’e’, ‘ej nuvvam pongmo’ <em>itonia</em> pong cha’DIch ponglu’pu’.</p>
<p><strong>itonia:</strong> <em>itonus</em> (<em>thessaly</em>) vay’.</p>
<p><strong>itonia:</strong> <em>itonus</em> (<em>boeotia </em>Sub) vay’.</p>
<p><strong>laphria/laphraia:</strong> wa’ latlh <em>athena</em> pong cha’DIch ‘oH.</p>
<p><strong>larisae/larissaea/larissaia:</strong> <em>achaea</em> <em>larisus</em> bIQtIq vay’. <em>elis</em> <em>achaia</em> je jojDaq <em>larisus</em>/<em>larissus</em> bIQtIq tu’lu’, pa’ <em>athena</em> lulIgh quv tu’lu’, ‘ej bIQtIqvammo’ pongvam cha’DIch qonlu’pu’.</p>
<p><strong>leitis:</strong> noH tevmey wavbogh vay’, ‘ej ghIq Hoch nuvvaD ‘op tevvam nob.</p>
<p><strong>lindia:</strong> <em>rhodes</em> ‘ambayDaq <em>lindus</em> veng tu’lu’, ‘ej pongvam cha’DIch mung ‘oH vengvam pong’e’. <em>lindus</em>Daq <em>athena</em> chIrgh loplu’bogh tu’lu’.</p>
<p><strong>longatis:</strong> <em>longas</em> vay’. wa’ <em>boeotia</em> yoS tu’lu’, yoSvamvaD <em>longas</em> ponglu’, pa’ <em>athena</em> quvmoHlu’ je, vaj yoSvam pongmo’ pongvam cha’DIch qonlu’pu’; Hochvam SovmoH <em>tzetzes</em>, ‘ach yoSvam bopbogh De’ tu’lu’be’.</p>
<p><strong>lyteira kakon:</strong> qalwI’mo’ mIghwI’mo’ joq Qob tu’lu’taHvIS, toDbogh vay’.</p>
<p><strong>macaera:</strong> Quchchu’bogh vay’, ‘ej Do’bogh; vay’ quvmoHlu’bogh je.</p>
<p><strong>magarsia/magarsis:</strong> <em>pyramus</em> bIQtIq ‘ay’ QavDaq Sum <em>sicily</em> <em>magarsos</em> veng, ‘ej pongvam cha’DIch mung ‘oH vengvam pong’e’. pa’ <em>athena</em> lulIgh quv tu’lu’.</p>
<p><strong>mater:</strong> SoS.</p>
<p><strong>mechanitis/mechaneus: </strong>‘oghmeH laH vItlh vay’; nabmey janmey je ‘oghwI’. loD ghaHbogh Qun’e’ bopchugh pongvam cha’DIch, <em>mechaneus</em> lo’lu’, ‘ej be’ ghaHbogh Qun’e’ bopchugh, <em>mechanitis</em> lo’lu’. <em>argos</em>Daq <em>zeus</em> quvmoHlu’taHvIS, pongvam cha’DIch lo’lu’ je, ‘ej <em>megalopolis</em>Daq <em>aphrodite</em> <em>athena</em> je luquvmoHlu’taHvIS, pongvam cha’DIch lo’lu’ je.</p>
<p><strong>megalonymus:</strong> pong Dun Qun HoSghaj. ghob nuv ghaHchugh vay”e’, nuvvam Qej Qunvam, ghaHvaD jup Dam, ‘ej ghaHvaD ngay’ ghajmoH.</p>
<p><strong>munogenes:</strong> wa’ qaytu’ neH vay’.</p>
<p><strong>narcaea: </strong><em>narcaeus</em> vay’. <em>dionysus</em> <em>narcaea</em> je puqloD ghaH <em>narcaeus</em>‘e’, ‘ej <em>elis</em> Sub ghaH. <em>elis</em>Daq <em>athena</em> <em>narcaea</em> lulIgh quv cherpu’, ‘ej pa’ nuvpu’vaD <em>dionysus</em> lalDanHom ghojmoHpu’.</p>
<p><strong>nedusia/nedousia:</strong> <em>nedon</em> bIQtIqDaq <em>athena</em> <em>nedusia</em> lulIgh quv tu’lu’, ‘ej bIQtIqvammo’ <em>athena</em> pongvam cha’DIch qonlu’pu’. <em>kos</em> ‘ambayDaq <em>poieessa</em>Daq latlh <em>athena</em> <em>nedusia</em> lulIgh quv tu’lu’ je. lulIghvam quv cha’DIch bop lutvam Harbogh ‘op: <em>troy</em>vo’ <em>kos</em> cheghpu’DI’ <em>nestor</em>, lulIghvam quv cherpu’, ‘ej <em>nedon</em> (<em>laconia</em> Daq) ‘οΗ pongvam cha’DIch mung’e’.</p>
<p><strong>nice/nike:</strong> yay. <em>athena</em> pong cha’DIch ‘oH je <em>nice</em>/<em>nike</em> pong’e’, ‘ej <em>megara</em> <em>acropolis</em>Daq pongvam cha’DIch <em>athena</em> lulIgh quv tu’lu’.</p>
<p><strong>nikephorus daemon:</strong> yay chavbogh Qun.</p>
<p><strong>obrimopatre:</strong> vav HoSghaj puqbe’.</p>
<p><strong>ombrimothymus:</strong> qa’ HoSghaj vay’.</p>
<p><strong>onca/onka: </strong><em>boeotia</em> <em>oncae</em> vengDaq <em>athena</em> lulIgh quv tu’lu’, ‘ej vengvammo’ <em>athena</em> pongvam cha’DIch qonlu’pu’.</p>
<p><strong>ophthalmitis:</strong> mInDu’ vay’.</p>
<p><strong>oxyderces:</strong> leghmeH laH vItlh vay’; valqu’bogh vay’.</p>
<p><strong>paeonia/paionia: </strong>vorbogh Qun. <em>athens</em>Daq <em>athena</em> <em>paeonia</em>/<em>paionia</em> Hew tu’lu’, ‘ej <em>oropus</em>Daq <em>amphiaraus</em> chIrghDaq pongvam cha’DIch <em>athena</em> ‘anmoHmeH qachHom tu’lu’ je.</p>
<p><strong>pallantias:</strong> wa’ <em>athena</em> pong cha’DIch ‘oH <em>pallas</em>‘e’, ‘ej <em>pallas</em> Sar ‘oH <em>pallantias</em> pong cha’DIch’e’.</p>
<p><strong>pallas:</strong> latlh <em>athena</em> pong cha’DIch ‘oH je <em>pallas</em>‘e’. ghu ghaHtaHvIS <em>zagreus</em>‘e’, pe’vIl Hoch porghDaj ‘ay’ luchevpu’ <em>titans</em>, ‘ach ngugh tIqqu’bogh tIqDaj toDpu’ <em>athena</em>, ‘ej ngoDvammo’ <em>athena</em> pongvam cha’DIch qonlu’pu’. {tIqqu’} wot DelmeH ‘elaDya’ Hol, <em>pallesthe</em>/<em>palein</em>/<em>pallo</em> wot lo’, vaj <em>pallas</em> pong cha’DIch mung yajlu’. <em>zagreus</em> lubopbogh wanI’vam SovmoH <em>orpheus</em> ‘ay’Hom wejmaH vagh. ‘ach pongvam cha’DIch bopbogh latlh De’ tu’lu’ je. <em>pallas</em> lo’taHvIS <em>homer</em>, reH <em>athena</em> pong lo’ je, vaj roD <em>pallas</em> <em>athena</em> jatlh <em>homer</em>. ‘ach <em>pallas</em> neH lu’lo’ je ‘op qonwI’ veb. pongvam cha’DIch QIjmeH <em>plato</em>, ‘otHa’: SuvruptaHvIS <em>athena</em>, pe’vIl naQjej/<em>aegis</em> tavmoH, ‘ej {pe’vIl tavmoH} DelmeH ‘elaDya’ Hol, <em>pallein</em> wot lo’. ngoDvammo’ <em>pallas</em> pong cha’DIch qonlu’pu’ (<em>cratylus</em> tenwal loSvatlh javDaq Hochvam SovmoH <em>plato</em>). ‘ach vay’ pIm SovmoH <em>apollodorus</em>: pe’vIl <em>pallas</em> giant HoHpu’bogh <em>athena</em> ‘oH pongvam cha’DIch mung’e’. ‘ej latlh nger Delpu’ vay’: rap <em>pallas</em> <em>pallax</em> je, ‘ej {not vay’ ngaghpu’bogh be’}/{be’Hom/wej tlhoghpu’bogh be’} Del ‘elaDya’ wot <em>pallax</em>.</p></div>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>