<div dir="ltr"><div dir="auto"><b>macaira:</b> Quchchu'bogh vay'; watlhbogh 'ej Do'bogh vay'. DI'onmeyvam chIw Hoch Qunpu' jub.</div><div dir="auto"><br></div><div dir="auto"><b>nympheomene:</b> vay' tlhogh be'; vay'vamvaD 'e' lay' be'vam. Sarvam be' Del pongvam cha'DIch.</div><div dir="auto"><br></div><div dir="auto"><div dir="auto"><b>olympia:</b> <i>olympia </i><i>hera.</i></div><div dir="auto"><br></div><div dir="auto"><b>pais:</b> be'Hom.</div><div dir="auto"><br></div><div dir="auto"><b>pambasileia:</b> Hoch voDleH.<br></div><div dir="auto"><br></div><div dir="auto"><b>pancrates:</b> HoSghajchu'bogh vay'.</div><div dir="auto"><br></div><div dir="auto"><b>pantogenethlos:</b> Hoch lIngbogh vay'; Hoch qaSmoHbogh vay'; Hoch chenmoHbogh vay'. 'otHa' <i>orpheus</i> 'ay'Hom wa'vatlh wejmaH cha': nItebHa' Hoch lIng/qaSmoH/chenmoH <i>zeus </i><i>hera </i>je, 'ej <i>zeus </i><i>hera </i>je patlhmoHlu'chugh, QIvbe' <i>hera</i>.</div><div dir="auto"><br></div><div dir="auto"><b>parthenia:</b> wej tlhoghpu'bogh be'; not ngaghpu'bogh be'. <i>hera </i>pong cha'DIch 'oH, 'ach <i>artemis</i> pong cha'DIch 'oH je. <i>hera </i>pongvam cha'DIch mung QIjbogh wa' nger tu'lu': <i>parthenius </i>bIQtIqmo' <i>hera</i> pongvam cha'DIch qonlu'pu' 'e' SovmoH ngervam.<br></div><div dir="auto"><br></div><div dir="auto"><b>pelasga/pelasgis: </b><i>pelasgian</i> be'/Qun. <i>thessaly </i><i>hera </i>pong cha'DIch 'oH, 'ach <i>demeter</i> pong cha'DIch 'oH je. <i>argos</i>Daq <i>demeter </i><i>pelasga</i>/<i>pelasgis</i> chIrgh tu'lu'.</div><div dir="auto"><br></div><div dir="auto"><b>pharygaea/pharngaia:</b> <i>locris</i>Daq <i>pharygae</i> veng tu'lu', 'ej pa' <i>hera </i>chIrgh tu'lu'. vengvammo' pongvam cha'DIch qonlu'pu'.</div><div dir="auto"><br></div><div dir="auto"><b>polyonymus:</b> pong law' ghajbogh vay'.</div><div dir="auto"><br></div><div dir="auto"><b>potnia:</b> voDleH.</div><div dir="auto"><br></div><div dir="auto"><b>prodromia:</b> 'oghwI' wa'DIch. chenmoHwI' wa'DIch.</div><div dir="auto"><br></div><div dir="auto"><div dir="auto"><b>rhea eukomos thygater:</b> jIb 'IH <i>rhea </i>puqbe' ghaH <i>hera</i>'e'.</div><div dir="auto"><br></div><div dir="auto"><b>samia:</b> <i>samos</i> 'ambay <i>hera</i>; <i>hera</i> pong cha'DIch 'oH je <i>samia</i>'e'. <i>samos</i> 'ambayDaq <i>hera</i> quvmoHlu' je, 'ej pa' <i>hera</i> chIrgh tu'lu', vaj 'ambayvam pongmo' <i>hera</i> pongvam cha'DIch qonlu'pu'. <i>samos</i>Daq boghpu' <i>hera </i>'e' 'otHa' wa' lurDech, 'ej vabDot pa' boghpu'be'chugh <i>hera</i>, pa' nenchoHpu' 'e' 'otHa' je lurDechvam rap.</div></div><div dir="auto"><br></div><div dir="auto"><b>teleia:</b> nenwI'.</div><div dir="auto"><br></div><div dir="auto"><b>zoogonus thea:</b> be' ghaHbogh Qun'e' DelmeH 'elaDya' Hol, <i>thea</i> mu' lo', 'ej yInchoHmoHbogh vay' DelmeH, <i>zoogonus </i>lo'. vaj yInchoHmoHbogh Qun Del pongvam cha'DIch. </div><div dir="auto"><br></div><div dir="auto"><b>zygia/zygius/zugia/zugios:</b> <i>hera</i> pong cha'DIch 'oH <i>zygia</i>'e'/<i>zugia</i>'e', 'ej <i>zeus</i> pong cha'DIch 'oH <i>zygius</i>'e'/<i>zugios</i>'e'. tlhogh luche' 'ej lurang Qunvam 'e' luDel pongvam cha'DIch. 'ach <i>hera</i> pongvam cha'DIch QIj wa' latlh nger: cha' tep Ha'DIbaH rarbogh jan/naQ'a' 'oH <i>zygos</i>'e', vaj tlhoghpu'bogh vay' Del <i>zygia.</i></div><div dir="auto"><i><br></i></div></div>-- <br>Dana'an<br><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div>