<div dir="auto"><div dir="ltr"><p><strong>boopis: </strong>motlh <em>homer</em> ghuQmeyDaq pongvam cha’DIch lo’lu’. <em>io </em>ghe’choHmoHpu’mo’ <em>hera</em>, ‘ej ghaHvaD <em>cow </em>mojmoHpu’mo’, <em>hera </em>pongvam cha’DIch qonlu’pu’ ‘e’ luDam ‘op. ‘ach ngervam tlhoch ngoDvam: latlh Qunpu’ pong cha’DIch ‘oH je <em>boopis</em>‘e’. <em>euryphaessa</em>, <em>pluto</em>, latlhpu’
 je pong cha’DIch ‘oH je. vaj (jatlh ngervam) Qunpu’vam Dunqu’bogh ‘ej 
povqu’bogh DI’onmey DelmeH ghuQ qonwI’pu’, pongvam cha’DIch luqonpu’.</p>



<p><strong>bunaea/bounaia:</strong> wa’ HuDDaq wa’ <em>hera </em>chIrgh tu’lu’mo’, ‘ej HuDvaD <em>bunos</em> pongmo’ ‘elaDya’ Hol, <em>hera </em>pongvam cha’DIch qonlu’pu’ ‘e’ QIj wa’ nger. ‘ach latlh nger tu’lu’ je. wa’ taw tu’lu’, ‘ej <em>acrocorinthus </em>‘oH tawvam ghoch’e’. tawvamDaq <em>hera</em> lulIgh quv chenmoHpu’ <em>hermes alcidameia</em> je puqloD, ‘ej SubvamvaD <em>bunus</em>/<em>bounos</em> ponglu’mo’, <em>hera bunaea</em>/<em>bounaia</em> pong cha’DIch qonlu’pu’.</p>



<p><strong>callistephanus:</strong> mIv’a’ tuQbogh vay’, ‘ej ‘IH.</p>



<p><strong>chera:</strong> pongvam cha’DIch luQIj cha’ nger. woQ joH Del pongvam cha’DIch, jatlh wa’ nger. ‘ach jatlh latlh nger: <em>pelasgus</em> puqloD ghaH <em>temenus</em>‘e’, ‘ej pongvam cha’DIch qonlu’pu’ <em>temenus. stymphalus</em> ngo’Daq wej <em>hera</em> lulIgh quv chenmoHpu’ <em>temenus</em>, ‘ej HochvaD pong pIm ponglu’pu’. wej tlhoghpu’bogh <em>hera</em> quvmoHmeH <em>temenus</em>, lulIgh wa’DIchDaq <em>pais </em>pong cha’DIch lo’lu’; <em>zeus</em> be’nal ghaHbogh <em>hera</em>‘e’ quvmoHmeH, lulIgh cha’DIchDaq <em>teleia</em> pong cha’DIch lo’lu’, ‘ej <em>zeus</em> tlhejbe’bogh <em>hera</em> quvmoHmeH <em>temenus</em>, lulIgh wejDIchDaq <em>chera</em> pong cha’DIch lo’lu’. (Heghpu’chugh wa’ be’ loDnal, be’vam DelmeH ‘elaDya’ Hol, <em>chera</em> mu’ lo’).</p>



<p><strong>chrysothronus: </strong>qol’om quS’a’ ghajbogh vay’.</p>



<p><strong>cydra:</strong> ghob vay’; ngay’ ghajbogh vay’; ta’mey Dun chavmo’, Dunbogh vay’.</p>



<p><strong>exacesterius: </strong>mIghwI’ ‘ombogh vay’, mIghwI’ qaSHa’moHbogh vay’.</p>



<p><strong>gamelia:</strong> tlhogh bopbogh vay’.</p>



<p><strong>gamelii/gamelioi: </strong>tlhogh luQanbogh ‘ej luche’bogh Qun. vagh Qun quvmoH tlhoghbogh nuvpu’, nuvpu’vam QanmeH Qunpu’vam, Qunpu’vam quvmoH, ej <em>zeus hera aphrodite peitho artemis</em> je chaH Qunvam’e’. Hochvam SovmoH <em>plutarch. </em>vaj Qunpu’vam pong cha’DIch ‘oH <em>gamelii</em>‘e’/<em>gamelioi</em>‘e’. ‘ach latlh Qunpu’ pong cha’DIch ‘oH je: <em>moerae</em>vaD Qun <em>gameliai </em>ponglu’ je, ‘ej HochHom Qunpu’vaD tlhogh QanwI’pu’ DamlaH vay’. ‘ach chaq vagh QunvaD Delbogh <em>plutarch</em> tlhogh QanwI’pu’na’ Dam. Qunpu’vammo’ wa’ jar le’vaD <em>gamelion </em>lupong <em>athenians</em> tIQ, ‘ej ngugh <em>gamelia</em> yupma’ lulop.</p>



<p><strong>henioche:</strong> may’ DoylI”a’ vay’.</p>



<p><strong>hippius: </strong>Sargh/Sarghmey bopbogh vay’; <em>olympia</em>Daq <em>hera</em> quvmoHlu’taHvIS, pongvam cha’DIch lo’lu’ je.</p>



<p><strong>hypercheiria:</strong> vay’ DungDaq ghopDaj lanpu’bogh Qun; vay’ QanmeH Qun, vay’vam DungDaq ‘oHtaH ghopDaj’e’. <em>sparta</em>Daq <em>hera hypercheiria </em>lulIgh quv tu’lu’. lulIghvam chenmoHlu’meH, ra’pu’ Qun chabal ‘otHa’wI’, <em>sparta </em>SoDchu’pu’DI’ <em>eurotas </em>bIQtIq.</p>



<p><strong>imbraia/imbrasia:</strong><em> hera artemis</em> je pong cha’DIch ‘oH, ‘ej <em>samos</em> ‘ambay <em>imbrasus</em> bIQtIqmo’ pongvam cha’DIch qonlu’pu’. <em>samos</em>Daq boghpu’ <em>hera</em> net Har.</p></div><div data-smartmail="gmail_signature">--<br>Dana'an <br><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div>