<div dir="ltr"><p><strong>sabazius</strong>:<strong> </strong><em>zeus</em> <em>phrygia</em> pong cha’DIch. <em>dionysus</em> pong ‘oH <em>sabazius</em>‘e’, ‘ach <em>orpheus</em> bom loSmaH chorghDaq <em>zeus</em> ghaH <em>sabazius</em>‘e’. mu’tlhegh yamtaw wa’Daq ghaHvaD <em>kronos</em> puqloD ponglu’, ‘ej yamtaw mu’tlhegh cha’Daq yamtaw mu’tlhegh wejDaq je <em>sabazius</em> bopbogh De’ ‘otHa’lu’taHvIS, SovmoHlu’: >’uS nev’obDajDaq <em>dionysus</em> lanpu’ <em>sabazius, </em>‘ej ghIq nev’obDaj QISpu’ <em>sabazius.</em>< vaj bomvamDaq <em>zeus</em> ghaH <em>sabazius’</em>e’; Qun pIm ghaHlaHbe’.</p>



<p><strong>sceptuchus:</strong> voDleH naQ ‘uchbogh vay’.</p>



<p><strong>scotitas:</strong> Hurghbogh vay’, tlhoDbogh vay’.</p>



<p><strong>seisichthon: </strong>tera’ QommoHbogh vay’.</p>



<p><strong>semaleus: </strong>‘otHa’bogh vay’ nobwI’.</p>



<p><strong>sosepolis: </strong>veng toDwI’.</p>



<p><strong>soter: </strong>toDwI’, tlhabmoHwI’. vanpu’DI’ leng, ‘ej qaStaHvIS lengvam, nuv luQanlu’taH, <em>zeus</em> <em>soter</em>vaD<em> ‘</em>anmoH nuvpu’. pIj bIQ’a’ verghmeyDaq <em>zeus</em> <em>soter</em> chIrghmey tu’lu’pu’ (Sarvam chIrgh ‘oH <em>piraeus</em> <em>zeus</em> chIrgh’e’). HIvje’<em> </em>wejDIch <em>wine</em>vaD <em>zeus</em> <em>soter</em> <em>wine</em> Damlu’, ‘ej <em>wine</em>vam tlhutlhchugh vay’, Do’choH net Har, vaj tagha’ {wejDIch}vaD {-DIch} Do’ DamchoHlu’pu’; <em>zeus</em>vaD toDwI’ wejDIch ponglu’ je. <em>argos</em>Daq <em>troezene</em>Daq <em>laconia</em>Daq <em>messene</em>Daq <em>mantineia</em>Daq <em>megalopolis</em>Daq je <em>zeus</em> pongvam cha’DIch lolu’pu’ je, ‘ej <em>zeus</em> <em>soter</em>vaD HochvaD lu’anmoHlu’bogh <em>soteria</em> luponglu’. ‘ach latlh Qunpu’ pong cha’DIch ‘oH je <em>soter</em>‘e’; <em>helios</em> <em>bacchus</em> je pong cha’DIch ‘oH je.</p>



<p><strong>steropegeretes: </strong>rawbogh vay’, pe’bIl vI’moHbogh vay’.</p>



<p><strong>sthenius/sthenios:</strong> HoSghajwI’, HoSchoHmoHwI’, Dunqu’wI’. <em>hermione</em>Daq Sumpu’ <em>zeus</em> <em>sthenius</em> ‘anmoHmeH qachHom; nagh qoDDaq ‘anmoHmeH qachvam chenmoHlu’pu’. pa’ yanDaj waqmeyDaj je So’pu’ <em>aegeus</em>, ‘ej yanvam waqmeyvam je’ Sampu’ <em>theseus</em>, naghvam peppu’DI’.</p>



<p><strong>stratius/stratios:</strong> noH bopbogh vay’, mangghommey<strong> </strong>bopbogh vay’. <em>zeus</em> pong cha’DIch ‘oH pongvam cha’DIch’e’, ‘ach <em>ares </em>pong cha’DIch ‘oH je.</p>



<p><strong>synestius: </strong>qerjIq ‘avwI’.</p>



<p><strong>teleius: </strong>povbogh vay’, HoSghajchu’bogh vay’.</p>



<p><strong>telesiurgus:</strong> povchoHmoHwI’, naQchoHmoHwI’.</p>



<p><strong>temenites:</strong> SepDaq ‘op Daq le’ tu’lu’; Daqvam luQanlu’, ‘ej QunvaD neH Daqvam lulo’lu’. wa’ Daqvam ponglu’meH, “<em>temenos</em>” mu’ lo’lu’, vaj Daqvam Qun Del <em>temenites. amorgos </em>‘ambayDaq <em>zeus</em> pongvam cha’DIch lo’lu’pu’ je.</p>



<p><strong>themistius: </strong>ruv ‘avbogh ‘ej Qanbogh vay’.</p>



<p><strong>theus agathus:</strong> Qun QaQ.</p>



<p><strong>triophthalmus:</strong> wej mIn Qun. chalmey puHmey bIQ’a’mey je che’ <em>zeus </em>‘e’ chIw pongvam cha’DIch. wej mInvaD wej loDnI’ (<em>zeus poseidon plouton</em> je) luDamlu’ ‘e’ chIw je.</p>



<p><strong>tropaeuchus: </strong>ghaHvaD tevmey Suqpu’bogh charghwI’pu’ lunoblu’.</p>



<p><strong>tropaeus: </strong>choHbogh vay’, wanI’mey choHbogh vay’, vaj yay nobbogh vay’.</p>



<p><strong>trophonius:</strong><em> boeotia</em>Daq <em>lebadeia</em>Daq Qun ‘otHa’wI’ tu’lu’pu’, ‘ej ‘otHa’wI’vam bop pongvam cha’DIch. ‘otHa’wI’vam qeS SuqmeH vay’, DIS jaQDaq ghIrpu’. <em>zeus chthonius</em>, Sub ghap ghaH <em>trophohnios</em>‘e’; DuH lugh Sovchu’be’ vay’, ghItlhmey HaDtaHvIS. <em>delphi</em> Qun lulIgh quv chenmoHpu’ vay’; <em>trophohnios</em> ghaH vay’vam’e’ net Dam.</p>



<p><strong>uranius:</strong> chalmey DabwI’.</p>



<p><strong>xenius/xenios:</strong> meb, SuchwI’; vaj mebpu’/SuchwI’pu’ Qanbogh Qun ghaH <em>zeus</em>‘e’. mebpu’vaD/SuchwI’pu’vaD varHa’ juH ghajwI’, ‘ej chaHvaD jup Da; ghu’vam Qun ghaH <em>zeus xenius</em>‘e’, ‘ej juH ghajwI’ DI’onmeyvam chIw. pongvam cha’DIch be’ Sar tu’lu’ je, “<em>xenia</em>“‘oH pongvam cha’DIch be’ Sar’e’, ‘ej wa’ <em>athena </em>pong cha’DIch ‘oH. vaj DI’onmey Delbogh pongvam cha’DIch chIw je <em>athena</em>.</p>



<p><strong>ypsizygus:</strong> Daq jenDaq ‘oHtaH quS’a’Daj’e’; pa’ ba’.</p>



<p><strong>zas:</strong> qo’ mung lut qonpu’ <em>syros</em> ‘ambay <em>pherecydes </em>vIt nejwI’<em>, </em>‘ej lutDajDaq <em>zeus</em>vaD <em>zas</em> pong. DaHjaj lutvam HochHom SamlaHbe’ vay’, ‘ach wej qo’ bI’reS ghanroq’a’ Del qo’ mung lutvam: <em>zas</em>, <em>chthonie</em> (tera’), <em>chronos</em> (poH) je. <em>zeus</em>vaD <em>dis</em>, <em>zin</em>, <em>din</em>, <em>zis</em> je pong je <em>pherecydes </em>‘e’ SovmoH <em>herodian</em>. latlh pongmey lo’ je <em>pherecydes </em>‘e’ SovmoH je <em>herodian.</em></p>



<p><strong>zygius/zygia/zugios/zugia:</strong><em> zeus</em> pong cha’DIch ‘oH <em>zygius</em>‘e’/<em>zugios</em>‘e’, ‘ej <em>hera</em> pong cha’DIch ‘oH <em>zygia</em>‘e’/<em>zugia</em>‘e’. tlhogh lurang <em>zeus hera</em> je ‘e’ luDel pongvam cha’DIch.</p>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>