<div dir="ltr"><p><strong>nemeius/nemeios:</strong> <em>argos</em>Daq <em>zeus</em> <em>nemeius/nemeios</em> lulIgh quv tu’lu’pu’, pa’ jey’ Sorpuq HewDaj’e’ chenmoHpu’bogh <em>lysippus</em> tu’lu’pu’, ‘ej <em>zeus</em> quvmoHlu’meH, pa’ qaSpu’ Qujmey.</p>
<p><strong>nemetor:</strong> noDwI’; ruv qaSmoHbogh vay’.</p>
<p><strong>nephelegereta:</strong> ‘engmey yIrbogh vay’.</p>
<p><strong>nicaeus:</strong> yay chavbogh <em>zeus</em>.</p>
<p><strong>nicephorus:</strong> yay qengbogh vay’.</p>
<p><strong>nomius:</strong> peSbogh vay’. varHa’wI’. motlh Hatlh/Satlh bopbogh nuvpu”e’/Dochmey’e’/Sojmey’e’ luDellu’meH, <<em>nomius</em>> mu’ lo’lu’, ‘a naDev <<em>nomius</em>> QIj <<em>nemo</em>> wot; rap <<em>nemo</em>> {peS} wot je.</p>
<p><strong>nomos:</strong> Qunpu’ nuvpu’ je che’wI’ ghaHmo’ <em>zeus</em>‘e’, pongvam cha’DIch lo’lu’taHvIS, <em>zeus</em>vaD chut ‘oSbogh vay”e’ Damlu’.</p>
<p><strong>ogoa:</strong> <em>mysala</em>Daq <em>zeus</em> <em>caria</em> pong cha’DIch ‘oHpu’ <em>ogoa</em>‘e’. rut pa’, <em>zeus</em> chIrgh qoDDaq, bIQ’a’ yu’egh leghlu’pu’. <em>mysala</em> Qun pongmeH <em>strabo</em>, <em>caria</em> Hol Sar <em>osogo</em> pong lo’.</p>
<p><strong>olympius/olympios:</strong> <em>olympia</em>Daq <em>zeus</em> pongvam cha’DIch lo’lu’pu’ je, ‘ej pIj pongvam cha’DIch neH lo’lu’pu’ (<<em>zeus</em>> noplu’pu’), <em>zeus</em>vaD jatlhlu’taHvIS. ‘ach latlhpu’ pong cha’DIch ‘oH je <em>olympius</em>‘e’/<em>olympios</em>‘e’; <em>olympus</em> luDabbogh Qunpu’, <em>muses</em>, <em>heracles</em> je pong cha’DIch ‘oH je.</p>
<p><strong>ombrimothymus:</strong> Sub ghaHbogh vay”e’ ‘ej not bupbogh vay’; vay’ ghIjlu’be’bogh. not vay’ charghlu’bogh.</p>
<p><strong>ombrius/ombrios:</strong> SISmoHbogh vay’. <em>attica</em>Daq <em>hymettus</em> HuDDaq <em>zeus</em> <em>ombrius</em>/<em>ombrios</em> ‘anmoHmeH qachHom tu’lu’pu’.</p>
<p><strong>paeon:</strong> Qel; vorwI’; toDwI’; tlhabchoHmoHwI’. <em>rhodes</em> ‘ambayDaq pongvam cha’DIch lo’lu’pu’ je.</p>
<p><strong>palamnaeus:</strong> chotwI’pu’ bIjbogh vay’.</p>
<p><strong>panamaros:</strong> <em>caria</em>Daq pongvam cha’DIch lo’lu’pu’ je. pa’ <em>panamarea</em> (yupma’Daj) loplu’pu’.</p>
<p><strong>pancrates:</strong> HoSghajchu’bogh vay’.</p>
<p><strong>panhellenius/panellenios:</strong> Hoch ‘elaDya’nganpu’ Qun, Qun’e’ luquvmoHbogh Hoch ‘elaDya’nganpu’. <em>dodona</em> <em>zeus</em> pong cha’DIch ‘oH pongvam cha’DIch’e’, ‘ej <em>thessaly</em>vo’ <em>aegina</em> ‘ambay lujaHpu’DI’ ‘op <em>hellenes</em>, pa’ <em>dodona</em> <em>zeus</em> lalDanHom luqeng je. ghIq Hoch ‘elaDya’nganpu’ pong mojpu’DI’ <em>hellenes</em>
pong, Hoch ‘elaDya’nganpu’ bopchoHpu’ pongvam cha’DIch. poH Qatlh
tu’lu’pu’, ‘ej Qatlhpu’, ghungchu’taHmo’ Hoch, ‘ach Soj tu’lu’be’taH;
ngugh ghu’vam qay’ ngabmoHmeH <em>aeacus</em>, <em>zeus</em>vaD ‘elaDya’nganpu’vaD je juppu’ mojnISmoH, vaj <em>zeus</em>vaD ‘annISmoHpu’. Hochvam SovmoHpu’ <em>delphi</em> Qun chabal ‘otHa’wI’. Qu’vam turchu’meH <em>aeacus</em>, <em>zeus</em>vaD ‘anmoHpu’, ‘ej vay’vamvaD ‘anmoHpu’bogh <em>aeacus</em> Hoch ‘elaDya’nganpu’ nob Dampu’ <em>aeacus</em>. ngugh maqpu’: Hoch ‘elaDya’nganpu’ Sep Qun ghaH <em>zeus</em>‘e’. <em>aegina</em>Daq <em>zeus</em> <em>panhellenius</em> lalDan lulIgh quv tu’lu’pu’, lulIghvam chenmoHpu’ <em>aeacus</em> net Har, ‘ej pa’ <em>panhellenia</em> yupma’ loplu’pu’. <em>zeus</em> <em>panhellenius</em>vaD Hoch ‘elaDya’nganpu’ QanwI’ Damlu’ je.</p>
<p><strong>panomphaeus:</strong> tuch lu’otHa’bogh Hoch mu’mey mung ghaHbogh vay”e’. tera’vamDaq tuch lu’otHa’bogh Hoch ghoghmey mung ghaH <em>zeus</em>‘e’ ‘e’ chIw pongvam cha’DIch. <em>zeus</em>mo’ laHDaj luHev Hoch tuch rItwI’pu’ ‘e’ chIw je pongvam cha’DIch.</p>
<p><strong>panoptes:</strong> Hoch leghbogh vay’.</p>
<p><strong>pantogenethlos:</strong> Hoch lIngbogh vay’; Hoch vav.</p>
<p><strong>pantotinactes:</strong> Hoch tavbogh vay’.</p>
<p><strong>papaeus:</strong> Hoch vav; pongvam cha’DIch QIjlu’meH, QIjlaw’ghachvam chuplu’pu’. <em>zeus</em> luquvmoHlu’taHvIS <em>scythia</em>nganpu’, pongvam cha’DIch lulo’ je.</p>
<p><strong>parnethius/parnethios:</strong> <em>attica</em>Daq <em>parnes</em> HuD tu’lu’, ‘ej HuDvammo’ pongvam cha’DIch qonlu’pu’. <em>parnes</em> HuDDaq <em>zeus</em> jey’ Sorpuq Hew tu’lu’pu’.</p>
<p><strong>pasianax:</strong> Hoch voDleH.</p>
<p><strong>pater:</strong> vav.</p>
<p><strong>patrous/patroa/patroios/patroia:</strong> pa’logh wa’ Qun luquvmoHchugh qempa’pu’/’emrIghpu’, ‘ej DaH Qunvam luquvmoHchugh je Sep Hoch, qorDu’ joq, <em>patrous</em>/<em>patroa</em>/<em>patroios</em>/<em>patroia</em> ‘oH je Qunvam pong cha’DIch’e’. rut QunvamvaD nuvpu’ mung Damlu’. vaj <em>athens</em>Daq <em>zeus</em> quvmoHlu’taHvIS, <em>patrous</em>/<em>patroios</em> pong cha’DIch lo’lu’ je. mungchaj ghaH <em>zeus</em>‘e’ ‘e’ luHar <em>heracleidae</em>, ‘ej luHarmo’, <em>zeus</em>vaD Qun <em>patrous</em>/<em>patroios</em> Damlu’.</p>
<p><strong>pelasgicus:</strong> <em>pelasgia</em>ngan. <em>dodona</em> Qun cha’bal ‘otHa’wI’ lucherpu’ <em>pelasgia</em>ngan ‘e’ luHarmo’ ‘op, pa’ -<em>dodona</em>Daq- pongvam cha’DIch lo’lu’ je.</p>
<p><strong>phanaeus:</strong> tamghay nobwI’, tamghay qemwI’.</p>
<p><strong>philius:</strong> juppu’ QanwI’.</p>
<p><strong>phytalius:</strong> Soj nobbogh vay’.</p>
<p><strong>phytalmius:</strong> Soj nobbogh vay’.</p>
<p><strong>phyxius/phuzios:</strong> narghmeH nuvpu’, Haw’; nuvpu’vam Qanbogh Qun. pa’logh <em>thessaly</em>Daq <em>zeus</em> pongvam cha’DIch lo’lu’ je. wa’ <em>apollo</em> pong cha’DIch ‘oH je.</p>
<p><strong>pisaeus:</strong> pa’logh <em>elis</em>Daq <em>pisa</em>Daq <em>zeus</em> pongvam cha’DIch lo’lu’ je.</p>
<p><strong>pistius:</strong> vIt bopbogh Qun. HarmeH laH Qun.</p>
<p><strong>plusius:</strong> yer law’qu’ ghajbogh vay’, mIpbogh vay’. mIp nobbogh vay’. <em>sparta</em>Daq <em>zeus</em> pongvam cha’DIch lo’lu’pu’ je.</p>
<p><strong>plutodotes</strong>:<strong> </strong>mIp nobbogh vay’.</p>
<p><strong>polieus:</strong> veng QanwI’. <em>athens</em> <em>acropolis</em>Daq <em>zeus</em> <em>polieus</em> ‘anmoHmeH qachHom tu’lu’pu’, qachHomDaq <em>wheat</em> <em>barley</em> je luvo’lu’pu’, bIH Soppu’ tangqa’, ‘ej ghIq <em>zeus</em>vaD<em> </em>tangqa’vam
‘anmoHta’ maqlegh. tangqa’ HoHpu’DI’ maqlegh, ‘obmaQ lo’pu’bogh polHa’
maqlegh, ghIq bo’DIjDaq ‘obmaQ qemlu’pu’, ‘ej pa’ mIwba’ SIQnISpu’
‘obmaQ. qaStaHvIS <em>diipoleia</em> yupma’, <em>zeus</em> <em>polieus</em> quvmoHlu’.</p>
<p><strong>poliuchus:</strong> <em>zeus</em>, veng QanwI’. qaStaHvIS <em>diipoleia</em> yupma’, <em>zeus</em> <em>poliuchus</em> quvmoHlu’.</p>
<p><strong>polytimetus:</strong> wa’ quvqu’moHlu’bogh.</p>
<p><strong>propator:</strong> cherpu’bogh Qun wa’DIch, vav wa’DIch, vavnI’.</p>
<p><strong>prostropaeus</strong>: lam’a’ ‘ombogh vay’.</p>
<p><strong>protus:</strong> wa’DIch.</p>
<p><strong>pyrphorus:</strong> qul qemwI’. pe’bIl joH.</p>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>