<div dir="ltr"><p><strong>herceus:</strong> ‘op juHDaq -tlhopDaq- beb Hutlhbogh Daq tu’lu’; Daqvam <em>zeus</em>. <em>zeus</em>vaD juH qorDu’ Qun Damlu’, pongvam cha’DIch lo’lu’taHvIS.</p>



<p><strong>hermonthites:</strong> maSIrDaq <em>hermonthis</em>Daq zeus pongvam cha’DIch lo’lu’pu’ je.</p>



<p><strong>hetaereius/hetaireios:</strong> malja’mey, juppu’ ghommey je QanwI’. taghpu’pa’ <em>argonauts</em> Hoq, ghompu’ <em>argonauts</em>, ‘ej zeus <em>hetaereius</em>vaD/<em>hetaireios</em>vaD ‘anmoHpu’, latlh Qunpu’vaD ‘anchoHmoHpu’pa’ je net Har.</p>



<p><strong>hicesius:</strong> Qunpu’ tlhobbogh nuvpu’ Qun.</p>



<p><strong>homagyrius:</strong> tlhop ghommey, DIvI’mey je rangbogh vay’. ‘ev <em>peloponnesus</em> HeHDaq <em>aegium</em>Daq <em>zeus</em> pongvam cha’DIch lo’lu’pu’ je. <em>troy</em> noH DuH lurIchmeH <em>agamemnon</em>, ‘elaDya’ che’wI’pu’ je, pa’ ‘elaDya’ che’wI’pu’ ghommoHpu’ <em>agamemnon</em>. <em>zeus</em> pongvam cha’DIch lo’lu’taHvIS, <em>zeus</em>vaD <em>achaea</em> DIvI’ QanwI’ Damlu’pu’ je.</p>



<p><strong>horcius/horkios:</strong> ‘Ipmey rangbogh vay’; 
‘IptaHvIS nuv, Qun’e’ rItbogh nuvvam; ‘Ip pabHa’wI’pu’ bIjbogh vay’. ‘op
 Qun lurItlu’taHvIS, rut pongvam cha’DIch lo’lu’, ‘ach <em>zeus</em> rItlu’taHvIS, motlh pongvam cha’DIch lo’lu’. <em>olympia</em>Daq zeus <em>horcius</em>/<em>horkios</em> Hew tu’lu’pu’.</p>



<p><strong>horius:</strong> veHmey, Daqmey noy, qachmey noy je ‘avwI’.</p>



<p><strong>hyes/hyetius:</strong> loQ yIQbogh Qun. pIrchoHmoHbogh Qun. SISchoHmoHmo’ <em>zeus</em>, <em>zeus</em> pongvam cha’DIch lo’lu’. <em>argos</em>Daq <em>zeus</em> <em>hyetius</em> ‘anmoHmeH qachHom tu’lu’pu’. <em>trophonius</em>Daq (<em>lebadeia</em>Daq Sum <em>trophonius</em>) wa’ Daq le’ tu’lu’, ‘ej pa’ naH/naHlet Sor lupochlu’pu’. DaqvamvaD Daq watlh Damlu’, ‘ej pa’ <em>zeus</em> <em>hyetius</em> Hew tu’lu’pu’. <em>dionysus</em> pong cha’DIch ‘oH je <em>hyes</em>‘e’, ‘ej <em>phrygia</em> <em>sabazius</em> Qun pong cha’DIch ‘oHqu’ je. rap <em>sabazius</em> <em>dionysus</em> je rut net Dam, ‘ej rap <em>sabazius</em> <em>zeus</em> je rut net Dam je.</p>



<p><strong>hymettius:</strong> <em>attica</em>Daq <em>ymittos</em> HuD tu’lu’, ‘ej zeus pongvam cha’DIch mung ‘oH HuDvam pong’e’.</p>



<p><strong>hypatus:</strong> Dung Qunpu’. (Dung Qunpu’ tu’lu’, ‘ej Qunpu’ Dop (<em>chthonic</em> Qunpu’) tu’lu’ je. Qun le’ Del pongvam cha’DIch; Qunvam nIv law’ Hoch nIv puS, Qunvam Dun law’ Hoch Dun puS. ghuQmeyDaq <em>zeus</em> pongvam cha’DIch tu’lu’, ‘ach <em>zeus</em> quvmoHlu’taHvIS, pongvam cha’DIch lo’lu’ je. <em>athens</em>Daq <em>erechtheium</em> tlhopDaq <em>zeus</em> <em>hypatus</em> ‘anmoHmeH qachHom tu’lu’pu’. pa’ <em>zeus</em>vaD yInbogh vay’ noblu’ net chaw’be’, ‘ej pa’ <em>zeus</em>vaD lIchlu’ net chaw’be’ je; pa’ <em>zeus</em>vaD chab neH lunoblu’. <em>sparta</em>Daq <em>zeus</em> <em>hypatus</em> quvmoHlu’pu’ je, ‘ej <em>boeotia</em> DaqDaq <em>zeus</em> <em>hypatus</em> quvmoHlu’pu’ je. <em>glisas</em>Daq Sum Daqvam.</p>



<p><strong>hyperpheretes:</strong> nIvchu’bogh patlh ghajbogh Qun.</p>



<p><strong>hypsimedon</strong>: Daq jenDaq ghaHtaHbogh vay”e’, ‘ej pa’ ghaHtaHvIS, che’.</p>



<p><strong>hypsistus</strong>: nIvchu’bogh patlh ghajbogh Qun.</p>



<p><strong>hystatus</strong>: Qavbogh vay’.</p>



<p><strong>icesius</strong>: Qunpu’ tlhobbogh nuvpu’ Qanbogh vay’.</p>



<p><strong>icmaeus</strong>: SISchoHmoHbogh Qun.</p>



<p><strong>idaeus:</strong> <em>ida</em> HuDDaq <em>zeus</em> <em>idaeus</em> quvmoHlu’pu’.</p>



<p><strong>ithomatas/ithometas:</strong> <em>thessalia</em>Daq <em>messene</em>Daq ghap <em>ithome</em> veng tu’lu’, ‘ej <em>zeus</em> pongvam cha’DIch mung ‘oH vengvam pong’e’. puq ghaHtaHvIS <em>zeus</em>‘e’<em>,</em> <em>ithom</em>eDaq <em>zeus</em> luQorgh <em>ithome</em> <em>neda</em> je <em>nymphs</em> net  Har<em>.</em> <em>ithom</em>e <em>nymph</em>mo’ <em>ithome</em> vengvaD <em>ithome</em> pong noblu’pu’, ‘ej <em>neda</em> <em>nymph</em>mo’ <em>neda</em> bIQtIqvaD <em>neda</em> pong noblu’pu’. <em>zeus</em> <em>ithomatas</em>/<em>ithometas</em> quvmoHlu’meH, <em>ithomaea</em> yupma’/pIqcho’ Qujmey lucherlu’pu’. <em>ithome</em> <em>messene</em> HuDDaq <em>zeus</em> lulIgh quv tu’lu’pu’.</p>



<p><strong>labrandeus:</strong> pongvam cha’DIch luQIjbogh cha’ nger tu’lu’. nger wa’: <em>karia</em> Hol <em>labrys</em> mu’ tu’lu’, ‘ej cha’ ghIt ‘obmaQ ‘oH <em>labrys</em>‘e’. ‘obmaQvam pongmo’ <em>zeus</em> pongvam cha’DIch qonlu’pu’. <em>karia</em>Daq <em>zeus</em> ghopDaq Sarvam ‘obmaQ lanlu’pu’. nger cha’: <em>zeus</em> <em>stratius</em> pong cha’DIch ‘oH <em>labrandeus</em>‘e’. <em>labranda</em>Daq <em>zeus</em> <em>stratius</em> chIrgh tu’lu’pu’, ‘ej <em>labranda</em>mo’ <em>zeus</em> pongvam cha’DIch qonlu’pu’.</p>



<p><strong>laoites:</strong> nuvpu’ <em>zeus</em>.</p>



<p><strong>lapersius:</strong> <em>lapersae</em> SepHommo’ <em>zeus</em> pongvam cha’DIch qonlu’pu’.</p>-- <br><div dir="ltr" class="gmail_signature" data-smartmail="gmail_signature"><div dir="ltr"><div>Dana'an<br></div><div><a href="https://sacredtextsinklingon.wordpress.com/" target="_blank">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div></div></div></div>