<div dir="ltr"><p><strong>eleuthereus/eleutherius:</strong> toDbogh vay’, tlhabchoHmoHbogh vay’.</p>



<p><strong>endendros:</strong> SormeyDaq ghaHtaHbogh vay”e’. <em>boeotia</em>Daq <em>zeus</em> pongvam cha’DIch lo’lu’pu’ je. pIj <em>zeus</em> chIrghmey Dechpu’ Sormey/naHlet Sor law’, vaj chaq ngoDvammo’ pongvam cha’DIch qonlu’pu’. </p>



<p><strong>ephaptor:</strong> HotDI’ ghaH, boghmoH; <em>io</em> Hotpu’mo’ <em>zeus</em>, yatlhchoHpu’ <em>io</em>, vaj tagha’ <em>epaphos</em> boghmoHpu’ <em>zeus</em>.</p>



<p><strong>epidotes:</strong> nuvvaD Doch/yer vey’ nobbogh vay’. varHa’ <em>zeus</em> ‘e’ chIw <em>epidotes</em>. <em>mantinea</em>Daq pongvam cha’DIch lo’lu’pu’ je.</p>



<p><strong>epiphanes:</strong> bochbogh ‘ej wovbogh vay’. latlhpu’vaD ‘ang’eghbogh vay’. vay’ luleghlaH latlh latlhpu’vamvaD ‘e’ qaSmoHbogh vay’.</p>



<p><strong>epirnutius:</strong> <em>crete</em> ‘ambayDaq ‘op <em>zeus</em> pong cha’DIch lulo’lu’pu’, ‘ej <em>epirnutius</em> ‘oHpu’ wa”e’.</p>



<p><strong>epistius:</strong> qerjIqmey rangbogh vay’. 
mebpu’vaD/SuchwI’pu’vaD jupna’ Da juH ghajwI’, DochHa’, ‘ej chaHvaD Hoch
 ghajnISbogh nob; wanI’meyvam rangbogh vay’.</p>



<p><strong>eribremetes:</strong> tuDbogh vay’, ‘ej tuDtaHvIS, wab vItlh QoymoH.</p>



<p><strong>erigdupus:</strong> tuDbogh vay’.</p>



<p><strong>eros:</strong> rut <em>orpheus</em> ghItlhmeyDaq <em>eros</em> ‘oH wa’ <em>zeus</em> pong cha’DIch’e’.</p>



<p><strong>erros:</strong> <em>zeus</em> ghaH <em>erros</em>‘e’.</p>



<p><strong>eucleius:</strong> noybogh vay’, ‘ej QaQ vay’vam bopbogh latlhpu’ vuD’e’. vay’ vuvlu’bogh. ngay’ ghajbogh vay’.</p>



<p><strong>europaeus:</strong> nom vogh <em>europa</em> qengpu’ <em>zeus</em>; wanI’vammo’ <em>zeus</em> pongvam cha’DIch qonlu’pu’.</p>



<p><strong>euryopa:</strong> mInDu’ vaS vay’.</p>



<p><strong>evanemus/euanemos:</strong> QaHbogh SuS nobbogh vay’. <em>sparta</em>Daq <em>zeus</em> lulIgh quvmoHlu’bogh tu’lu’pu’, ‘ej pa’ <em>zeus</em>vaD <em>zeus</em> <em>evanemus</em>/<em>euanemos</em> ponglu’pu’.</p>



<p><strong>exakesterius:</strong> mIghwI’ nupmoHbogh vay’.</p>



<p><strong>gamelii/gamelioi theoi:</strong> {Qunpu’} ‘oH <<em>theoi</em> mu’e’> ‘ej tlhogh luQanbogh ‘ej lurangbogh Qun’e’ Del pongvam cha’DIch. chaH Qan vagh Qun (<em>zeus</em> <em>her</em>a <em>aphrodite</em> <em>peitho</em> <em>artemis</em> je) ‘e’ lutlhob tlhoghchuqbogh nuv; ngoDvam ‘otHa’ <em>plutarch</em>. ‘ach <em>gamelii</em> chaHbogh latlh Qun’e’ tu’lu’ je. <em>moerae</em>vaD Qunpu’ <em>gameliai</em> ponglu’ je, ‘ej chaq HochHom Qunpu’vaD tlhogh QanwI’pu’ DamlaH vay’. vaj chaq Qunpu’vaD Delbogh <em>plutarch</em> tlhogh QanwI’pu’ Damqu’laH vay’. Qunpu’vammo’ <em>gamelion</em> jar pong luqonpu’ <em>athenians</em>.</p>



<p><strong>gamelius:</strong> tlhoghmey rangbogh <em>zeus</em>‘e’. qaStaHvIS jar <em>gamelion</em> jaj wa’DIch, qaS tlhoghmeyvam, ‘ej tlhoghmeyvamvaD tlhogh Do’ luDamlu’.</p>



<p><strong>genetaeus/genetaios:</strong> <em>euxine</em>Daq <em>genetus</em> puHley’ tu’lu’, ‘ej puHley’vam pongmo’ <em>zeus</em> pongvam cha’DIch qonlu’pu’. pa’ <em>zeus</em> quvmoHlu’taHvIS, ghaHvaD <em>euxeinos</em> Damlu’, ‘ej {mebpu’vaD/SuchwI’pu’vaD jupna’ Dabogh vay’} Del <em>euxeinos</em>. <em>euxine</em>Daq <em>genetus</em> puHley’Daq <em>zeus</em> lulIgh quvmoHlu’bogh tu’lu’pu’.</p>



<p><strong>genethlius:</strong> qorDu’ ’emrIgh. qorDu’ vav.</p>



<p><strong>hagnos:</strong> watlhbogh vay’, nItbogh vay’, vay’ quvmoHlu’chu’bogh.</p>



<p><strong>hecaleius:</strong> zeus pong cha’DIch ‘oH <em>hecaleius</em>‘e’, ‘ej wa’ be’ qan pong –<em>hekale</em>– ‘oH pongvam cha’DIch mung’e’. <em>kris</em> <em>tavros</em> (<em>creta</em> tangqa’) jonmeH <em>theseus</em>, vangchoHpu’, vaj ve’choHpu’. ve’taHvIS <em>theseus</em>, lulIgh SamnISpu’; ngugh <em>theseus</em>vaD jupna’ Dapu’ wa’ be’ qan (<em>hekale</em> ghaH be’vam’e’), ghaHvaD lulIgh nobpu’, ‘ej ghaHvaD QaQpu’ ‘ej DochHa’pu’. ghIq lay’pu’ be’vam: < Qu’vam turchugh <em>theseus</em>, <em>zeus</em>vaD jI’anmoH. > tagha’ Qappu’ <em>theseus</em>,
 ‘ach cheghpu’DI’, wejHa’ Heghpu’ be’. Hoch wanI’meyvam Sovpu’mo’ Daqmey
 Sum nuvpu’, be’vam luquvmoHmeH, yupma’ lucherpu’, yupma’vamvaD <em>hekalesia</em> lupongpu’, ‘ej qaStaHvIS yupma’vam, <em>zeus</em> <em>hecaleius</em>vaD ‘anmoHpu’. be’vam pongmo’ <em>zeus</em> pongvam cha’DIch luqonlu’pu’.</p>



<p><strong>hecatombaeus:</strong> <em>hecatombs</em> Hevbogh vay”e’. wa’vatlh <em>oxen</em> nob ‘oH <em>hecatomb</em>‘e’.</p>



<p><strong>hellanian:</strong> ‘elaDya’ <em>zeus</em>.</p>



<p><strong>hellenius:</strong> ‘elaDya’nganpu’ <em>zeus</em>.</p>-- <br>Dana'an<br><a href="https://sacredtextsinklingon.wordpress.com/">https://sacredtextsinklingon.wordpress.com/</a><br>Ζεὺς ἦν, Ζεὺς ἐστίν, Ζεὺς ἔσσεται· ὦ μεγάλε Ζεῦ</div>